I MATIU 3:2 - Wunta Mempori

² ”Intepidimo, hangano Poparenta Nsuruga rangkuomo!”

I MATIU 3:2 ပူးပေါင်းရင်းမြစ်များ

1 Mokole 8:47

sine, tewala wali ira mpe'o'oleakono halado i wita po'iangado mentinawa, ka dompepokule, saru mpo'ema pompehohawa ndi Omiu i witado mia anu wawa ira gagi mia ntinawa, ka dompotae: Ntehala kamimo, mensala, ka mpoweweu anu mosa'o,

Ayubi 39:12

Nde umehe koake onua metenunu ndi omue, ke mewongi umpeda a dula mpinotuwumu?

Ayubi 42:6

Onaemo pu'uno kumokoko'iiakono pauku ongkueku ka saru me'o'ole ongkue mentoro a laro pampawu ka awu.”

Yehesikieli 33:11

Pauako iramo: Hangano Ongkue anu tuwu, kanandiomo pau-Do Ue Ala, nahi Kupe'eheo mateno mia mosa'o gauno, tendeano inehe-Ku a mpepokuleno mia mosa'o gauno atuu inso a nsala ntumuwuno ka ituwu. Pepokulemo, Pepokulemo inso a nsala ntumuwumu anu mosa'o wineweumu atuu! Tembio ka i'asalakono komiu memate, hei suku Isaraeli?

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

I MATIU 10:7

Imelakomo ka imempaleleomo: Poparentaa suruga rangkuomo.

I MATIU 11:20

Ka Do'amba i Yesu mompu'u kumuahako ira kota anu nahi dontepidi, maupo i tu'ai mararu ntu'u Dopoweweu anu kinohali-haliako:

I MATIU 12:41

I tempono pobitaraa, to Niniwe ira mpentade saru mia andiodo ka mehukuo mbo'u. Hangano to Niniwe atuudo ntepidi umarido merongeo pompaleleno i Yunu, ka menteeano anu kongko i ndi'ai laluaopo sekono i Yunu!

I MATIU 13:11

Sumangki Ira i Yesu, ”Ndi omiu mewineeako ka imento'orio rahasiano Poparentaa Suruga, sine ndi ondae naahi.

I MATIU 13:24

Ondae i Yesu pauo asa mbo'u potundaano susua ndi ondae, Dopotae, ”Mongkona Poparentaa Suruga atuu pinotundaako kana mia morawo inii anu moiko a lereno.

I MATIU 13:31

Ondae i Yesu mompau asa mbo'u potundaano susua ndi ondae, Dopotae, ”Mongkona Poparentaa Suruga atuu pinotundaako kana wuku rawoho, anu inala ka domerawoo mia a leredo.

I MATIU 13:33

Ka Dotutuluako ira mbo'u potundaano andio ndi ondae, ”Mongkona Poparentaa Suruga atuu pinotundaako kana ragi anu inalano asa beine ka isaloo a laro ntarigu otolu ponsa'u hawe ka isoopio luwu.”

I MATIU 13:47

”Kanatuu koa mbo'u mongkona Poparentaa Suruga atuu pinotundaako kana buani anu tinende a ntahi, ka i'amba pumpuo mperupa-rupa bou.

I MATIU 13:52

Onaemo ka Dopotae i Yesu ndi ondae, ”Onaemo pu'uno anu monto'ori Taura anu montarima pompaguru mongkona Poparentaa Suruga atuu pinotundaako kana umbu raha anu moluarako arataa anu wo'ohu ka anu laano inso a mponaapa arataano.”

I MATIU 18:23

Hangano mongkona Poparentaa Suruga pinotundaako kana asa mokole anu ta moweweu perekea saru luwuno atano.

I MATIU 20:1

”Ka mongkona Poparentaa Suruga mengkena kana asa mia umbu raha anu mo'o-mo'oru ntu'u meluarako mo'ungke mia mpo'angga a lere anggorono.

I MATIU 22:2

”Mongkona Poparentaa Suruga pinotundaako kana asa mokole, anu moweweu pelimbua a petaoano anano.

I MATIU 23:13

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano imentondoo luwuno pewowano Poparentaa Suruga i arodo mia. Hangano omiu isa'a nahi mpewinso ka ime'onsoi ira anu mpopete'umala ira mpewinso. [

I MATIU 25:1

”I tempo atuu mongkona Poparentaa Suruga pinotundaako hopulu ana beine, anu mpo'ala huludo ka domelako mpototowo umbu ngkoroi tama.

I MATIU 25:14

”Hangano mongkona Poparentaa Suruga mengkena kana asa mia anu ta lumako a wita susua, anu moboi ira atano ka me'ala-alaako ira arataano ndi ondae.

I MATIU 4:17

Mompu'u tempo atuu Dopaleleo i Yesu, ”Tepidimo, hangano Poparenta Nsuruga rangkuomo!”

I MATIU 4:23

Dotanggoliliomo i Yesu luwu wita i Galilea; Ondae mompaguru a laro luwuno raha tepumpua ka paleleo Lele Mawongkoa poparentaa-Do Ue Ala saru mokotampulao luwuno haki ka molemaa i olodo tongku atuu.

I MATIU 5:10

Me'uraomo mia anu binobarasai hangano menteea, hangano ondae anu mpe'umbuo Poparentaa Suruga.

I MATIU 5:3

”Me'uraomo mia memongkokolaro i aro-Do Ue Ala, hangano ondaemo anu mpe'umbuo Poparentaa Nsuruga.

I MATIU 6:10

Poparentaa-Miu ka ihawe, ka igagimo po'ehe-Miu i tolino kana i suruga.

I MATIU 6:33

Sine ime'ungkeomo ari Poparentaa-Do Ue Ala ka mentee-Do, ka luwuno atuu Ira tumiangiakomiu.

I MARAKUSU 1:15

Dopotae, ”Tempono inihiiomo; Poparentaa-Do Ue Ala rangkuomo. Intepidimo ka impe'ala-alaomo Lele Mawongkoa!”

I MARAKUSU 1:4

kanandiomo i Yohane Puu Mpobaho meposaba i pada one ka ipobaho tepidia tiano po'ampunia hala.

I MARAKUSU 6:12

Ka i'amba melako iramo mempaleleo nine mia asalakono ka itepidi,

I LUKASI 1:16

onae ta weweuo hadio to Isaraeli mpepokule ndi Ondae i Ue, Ue Alado,

I LUKASI 11:20

Sine tewala pabawa-Do Ue Ala Kuponsariako onitu nsa'o, ka menteeano Poparentaa-Do Ue Ala haweomo ndi omiu.

I LUKASI 13:3

Kupauakomiu, naahi! Sine tewala nahi ntepidi, komiu memate luwu a nteweweu kanandio.

I LUKASI 13:5

Naahi! Kupauakomiu. Sine tewala nahi ntepidi, komiu memate luwu a nteweweu kanandio.”

I LUKASI 15:10

Kupauakomiu: Kanandio koa mbo'u ta hina po'undea a luwuno mala'eka-Do Ue Ala hangano aasa mia tehala anu tepidi.”

I LUKASI 15:7

Kupauakomiu: Kanandio koa mbo'u ta hina po'undea i suruga hangano aasa mia tehala anu tepidi, laluaopo sekono mo'undeakono sio pulu ka osio mia mentee anu nahi pongkere tepidia.”

I LUKASI 16:30

Sumangki mia atuu: Naahi, Ama Burahima, sine tewala hinao te'asa mia inso i olodo mia mate hawe ndi ondae, ira koa ntepidi.

I LUKASI 21:31

Kanatuu koa mbo'u, tewala imengkitao igagi luwuno atuu, imento'oriomo, nine Poparentaa-Do Ue Ala rangkuomo.

I LUKASI 24:47

ka mbo'u: a nee-Do lele mongkona tepidia ka po'ampunia hala asalakono pinohawe a luwuno tongku, mompu'u inso i Yerusale.

I LUKASI 6:20

Ka Do'amba i Yesu mengkita a ana guru-Do ka Dopotae, ”Meme'ura komiumo, hei omiu anu memongkokolaro, hangano omiumo anu mpe'umbuo Poparentaa-Do Ue Ala.

I LUKASI 9:2

Ka Dotena ira mempaleleo Poparentaa-Do Ue Ala ka mpompokotompa mia,

WINEWEUDO TINENA 11:18

Mansado merongeo mongkona atuu, rodoomo aroado, ka do'amba me'unde-unde Ira Ue Ala, dompotae, ”Gaagi a luwuno tongku susua mbo'u Ondae Ue Ala moweeako ira tepidia anu wawa ira a ntuwua.”

WINEWEUDO TINENA 17:30

Ka nami pinewowolo mbo'u tempo monge-mongea, ka kanandio-andio Dopaleleo Ue Ala a mia, nine isua-suamo koa luwudo asalakono ntepidi.

WINEWEUDO TINENA 2:38

Isangki ira i Peturu, ”Intepidimo ka po'ineeomo singge mia ka ipepebaho a nee-Do i Yesu Kerisituu ka ite'ampuni halamiu, ka komiu mpotarima pompowee Penaa mempori.

WINEWEUDO TINENA 20:21

mesakosii aku mpiha a nto Yahudi ka a nto Yunani, ka dontepidi ndi Ondae Ue Ala ka mpompe'ala-ala ndi Ondae Ueto, i Yesu Kerisituu.

WINEWEUDO TINENA 26:20

Sine amba-ambano kupompalele a nto Yahudi i Damasi, i Yerusale ka i asa wawo wita Yudea, ka a luwuno mbo'u tongku susua, nine asalakono ka dontepidi ka mpepokule ndi Ondae Ue Ala saru meweweuo luwuno anggaa anu menunu saru tepidia atuu.

WINEWEUDO TINENA 3:19

Onaemo pu'uno impokonto'oriomo ka intepidimo, ka i'inonini halamiu,

2 KORINTI 7:10

Hangano pompemasusa montonda po'ehe-Do Ue Ala mompokotepidi anu mowawa tekaduduia ka anu nahi ta pine'o'oleako, sine pompemasusa anu inso i wawontolino andio mowawa matea.

KOLOSE 1:13

Dopotola kitamo inso a mpabawano wongi-wongi ka lumimba kita a laro Poparentaa-Do ana-Do anu pinehohawa;

2 TIMOTIU 2:25

ka saru mepau molusa-lusa mokotaate ira mia anu inehedo me'ewa, hangano bara'ura Dopoweeako ira i Ue tempo ka dontepidi ka wawa ira ranta ka domento'orio menteea,

IBARANI 6:1

Onaemo pu'uno aiwamo tomebintao pu'uno amba-ambano inso a pompaguru mongkona Ondae i Kerisituu ka tompelimba a tetiangino anu mentee. Si tomenaao mbo'u pu'uno tepidia inso a luwuno wineweu anu nahina tuduno, ka empehino pompe'ala-ala ndi Ondae Ue Ala,

2 PETURU 3:9

Ondae i Ue nahi Dotekolupe umihiio dandi-Do, maupo hinao mia anu tumuduo kana tekolupe, sine sabara Ira ndi omiu, hangano po'ehe-Do ka si hina anu mate, tendeano luwuno mia ka dompepokule ntepidi.

MENGKAAA 2:21

Ka Kupoweeakonomo tempo ka itepidi, sine nahi behe tepidi inso a ponsosabono.

MENGKAAA 2:5

Onaemo pu'uno pewowoloomo tedontakomo tedoa ondalo! Tepidimo ka weweuomo mbo'u hapa anu wineweumu amba-ambano. Tewala nahi kanandio, Aku aiwa ndi omue ka Aku umalao karuno hulumu inso a mpo'iangano, tewala nahi utepidi.