I MATIU 3:12 - Wunta Mempori

¹² Poduku kongkoomo a ngkae-Do. Ira mokomorinao ponsesaa-Do ka pumpuo gandu-Do a laro nsi'e, sine awuno seami atuu Ira tumunuo a laro api anu nahi pinokompepate.”

I MATIU 3:12 ပူးပေါင်းရင်းမြစ်များ

Ayubi 21:18

Ondae megagi kana seami i arono angi, kana ota anu ipaneeo angi mokora.

Po'unde-unde 1:4

Komba kanatuu mia mosa'o gauno: ondae kana kulino pae anu rinawono angi.

Po'unde-unde 35:5

Po'ineeomo ondae kana kulino pae ipuurio angi, dinandano Mala'eka-Do i Ue;

Yesaya 1:31

Anu moroso gagi kana ewo mokari, inanggano gagi kana bunga api; oruano ta mo'ai meronga ka nahina anu mokompepateo.

Yesaya 17:13

Ondae me'u'uru kana u'uruno uwoi anu langkai, sine Ondae anu wurarai ira ranta ka dompolai olai, linulu kana kulino pae a ntorukuno iluluo pepuurino angi ka kana ota iluluo lompiu.

Yesaya 27:4

nahi tensila tekuda-Ku. Tewala mohawe Aku ewo ka rui ndi onae, Aku mompari-pari mepate ira, Aku tumunu ira ka ipingko,

Yesaya 28:28

Nde sinesake gandu ranta ka imotutu? Manasa naahi, komba domewombakio mpiha mia ranta ka imotutu! Maupo dompolempao mia i wawono gandu atuu bolano roda saru ngarano, nahi ira megilio mia ranta ka imotutu.

Yesaya 30:24

luwuno sapi ka kalide anu mpo'angga wita ira mpongkaa kaanga sinalo anu mo'ahi, anu dinukuako sikopa ka sarampa poduku.

Yesaya 41:16

Omue kodumuku ira, ka i'amba angi ta panee ira, ka angi mokora ta sumiarawo ira. Sine omue ko kokora-kora ndi Ondae i Ue ka telele ndi Ondae Anu Tedoa Mempori, Ue Alado to Isaraeli.

Yesaya 5:24

Onaemo pu'uno, kana elo api mongkaa seami, ka kana ewo mokari pingko tampula a laro langano api, kanatuumo luwuno hakado ta moboo, ka sisino mpenee kana awu, hangano nahi domentarimao pompaguru-Do Ueno luwuakoano ka mentatao pau-Do Anu Tedoa mempori, Ue Alado to Isaraeli.

Yesaya 66:24

Ira mpeluarako ka mengkikitao wata ngkoroido mia anu mpe'ewa iramo ndi Ongkue. Mentee ntu'u, ule-uleno nahi ta mate, ka apino nahi ta mate; luwuno ta gagi mongkokongiriado luwuno anu tuwu.

Yeremia 15:7

Kudukuako ira poduku a luwuno pewowa langkaino wita. Bawaa-Ku Kuweweu ira tetadi anado ka Kuweweu ira memate, hangano nahi dompepokule inso a mpeleludo.

Yeremia 17:27

Sine tewala nahi mperorongea-Kune ka impokomemporio oleo Saba ka nahi mpowawa parewa telalo a luwuno pewowa langkaino Yerusale a oleo Saba, asalakono a luwuno mpewowa langkaino Aku molangao api, anu ta kumaano ka ipingko luwuno benteno Yerusale, ka anu nahi pinokompepate.”

Yeremia 4:11

I tempo atuu ta pinau a tongku andio ka palilino Yerusale, ”Angi mokula inso a luwuno pongku londa i pada one mepuuri te'aro a ana beine bawaa-Ku; komba poduku ka komba pompokomorina,

Yeremia 51:2

Aku tumena ira puu mpoduku melako i Babeli anu ta dumukuo ka anu ta rumoahi morinao witano, hangano domengkaduo inso a luwuno siuno a oleo masolaa.

Yeremia 7:20

Onaemo pu'uno kanandiomo pau-Do Ue Ala: Menteeano, tekuda-Ku ka mokulano aroa-Ku Aku motiio a mpo'ianga andio, a mia, pinotuwu, mperupa-rupa keu a mpada, ka a hasilino wita. Tekuda atuu ta tensila ka nahi pinokompepate.”

Hosea 13:3

Onaemo pu'uno ondae ira megagi kana gawu mo'oru, kana tontoru anu moliu mo'o-mo'oru ntu'u, kana ota anu pinuurino opue inso a mposesaa ke kana ahu inso a pesalaano ahu.

Amosi 9:9

”Hangano menteeano, Kuparenta ira, ka Aku dumuku ira tongku Isaraeli i olono luwuno tongku, kana mia montirisaako pontirisa, ka nahina maupo te'asa one anu tedonta a wita.

Maleaki 4:1

Menteeano oleo atuu hawe, melanga kana pompuuria api. Luwuno mia mompelangka-langkai ka mia anu moweweu gau mosa'o gagi kana seami. Oleo anu hawe atuu ta tumunu ira, pau-Do Ueno luwuakoano, ranta nahina binintano haka ka sampado.

I MATIU 13:30

Po'ineeomo ka dotuwu meronga-ronga hawe tempo sumowi. I tempo atuu Aku mepau a luwuno anu mensowi: Imepumpuomo se'elu lee atuu ka imewutuomo nte'o'asa nte'u ka isinongko; ka i'amba mepumpuomo gandu atuu mewinsoo a laro nsi'eku.”

I MATIU 13:41

I Ana Manusia ta tumena ira mala'eka-Do pumpuo luwuakoano anu mompopo'oo ka luwuno mia anu moweweu mosa'o inso a laro Poparentaa-Do.

I MATIU 13:42

Luwuno ta pinetadiako a laro api; i ra'aimo ta hina ponsabangia ka ke'ingisia.

I MATIU 13:43

I tempomo atuu luwuno mia mentee ira memewanta kana mata oleo a laro Poparentaa-Do Amado. Isema mebiri, ka iporonge!”

I LUKASI 3:16

Sumangki i Yohane ka ipotaeako ira luwuno mia atuu, ”Ongkue bahoakomiu uwoi, sine Ondae anu lalu pabawa sekono ongkue Ira hawe ka maupo kumaleo onggono sapatu-Do nahi pototoku. Ira bahoakomiu Penaa Mempori ka api.

I LUKASI 3:17

Parewa poduku kongkoomo a ngkae-Do Ira mokomorinao ponsesaa-Do ka Ira pumpuo gandu-Do a laro nsi'e-Do, sine awuno seami atuu Ira tumunuo a laro api anu nahi pinokompepate.”

I YOHANE 15:2

Sompo sampano ndi Ongkue anu nahi pewua, Dopoleo ka sompo sampano anu mewua, Dopokomorinao, ka ipewua lalu hadio.