I MATIU 27:52 - Wunta Mempori

⁵² ka kaburu nte'ungkahi ka hadio mia mempori anu memate iramo mpewangu.

I MATIU 27:52 ပူးပေါင်းရင်းမြစ်များ

2 Mokole 13:21

Pohona tempono tekonai mpokaburu mia mate, borono domengkita ira gerombola atuu. Dompetendeakono wata ngkoroi atuu a laro ngkaburuno i Elisa, ka do'amba melako. Mansano tedanggi a luwuno wukuno i Elisa, wata ngkoroino mia mate atuu wali tuwu ka ipentade.

Yesaya 25:8

Matea nahi Ira mokohinao mbo'u; ka Ondae Ue Ala Ira pahihio uwoi mata inso a luwuno rupa; ka mokoko'iiado bawaa-Do Ira moko'olaio inso i asa wawontolino, hangano Dopauomo i Ue.

Yesaya 26:19

Oo, Ue, mia-Miu anu memate ira mentuwu mbo'u, wata ngkoroido ta mewangu mbo'u. Hei mia anu mengkinaburu iramo a laro wita impewangumo ka imengkokora-koramo! Hangano tontoru-Do i Ue onaemo tontoru mewine, ka tolino ta wali me'anaako onitu,

Danieli 12:2

Hadio inso i olodo mia anu mpoturi iramo a laro pampawu, ira mpewangu, asa ntia ka ipohawe tuwua nahina tampulaano, asa ntia mbo'u ka ipembasaio pontetewehi ka mongkokongiria anu nahina tampulaano.

Hosea 13:14

Nde Aku motola ira ke inso a mpabawano tolinodo mia mate? Nde Aku tumolosi irake inso a matea? Isuaomoke haki lelemu, hei matea, isuaomoke poropumu, hei tolinodo mia mate? Mata-Ku tetutuwi tiano pompehohawa.

I YOHANE 11:11

Kanandiomo pau-Do, ka umarino atuu Dopotaeako ira, ”I Lasaru, pepaekompoto, moturiomo, sine Aku lumako raane wanguo inso a mpoturino.”

WINEWEUDO TINENA 7:60

Kontongaano menggolontu ka ipebooli meroku, ”Ue, siimo Ipopotembiako ira hala andio!” Ka umarino pauo atuu mateomo.

1 KORINTI 11:30

Onaemo pu'uno hadio i olomiu anu molema ka mahaki, ka komba tedei anu mate.

1 KORINTI 15:20

Sine anu mentee onaemo, nine Ondae i Kerisituu winangu Iramo inso i olodo mia mate, gagi anu amba-ambano inso a mia anu memate iramo.

1 KORINTI 15:51

Menteeano kupokomengkaao ndi omiu aasa rahasia: nahi kita memate luwu, sine kita mebinali luwu,

1 TESALONIKA 4:14

Hangano tewala tompe'ala-alao, nine Ondae i Yesu mate Iramo ka mewangu Iramo, ka tompe'ala-alao koa mbo'u nine ondae anu memate iramo ndi Ondae i Yesu Ira pumpu ira Ue Ala meronga saru Ondae.

1 TESALONIKA 5:10

anu mateakitamo, ke moiko mpetangkoro kita ke mpoturi kita, ka tomentuwu mperonga-ronga saru Ondae.