I MATIU 27:4 - Wunta Mempori

⁴ ka ipotae, ”Tehala akumo hangano meweengakono reano mia anu nahina sala-Do.” Sine domesangkio, ”Nde to'oriamamike atuu? Atuu to'oriamu omuemu!”

I MATIU 27:4 ပူးပေါင်းရင်းမြစ်များ

1 Mokole 21:27

Rumongeo pinau atuu, i Ahabi berio sangkano, mompokona sawu po'inombo a ngkoroino ka mepuasa. Onae moturi saru mompake sawu po'inombo ka melempa telusa.

2 Mokole 24:4

hangano mbo'u reado mia anu nahina salado anu i'uwuomo. Hangano iweweuomo Yerusale bukeako reano mia anu nahina salano, ka Ondae i Ue nahi Dobehe umampunio.

Ayubi 13:4

Menteeano omiumo mia anu mpotutuwi pegaupi, omiumo luwu sando nahi mentee.

Ayubi 16:2

”Anu mongkona kanatuu mararuomo kurongeo. Luwumiu butu puu mpontarero anu mompokomasusa!

Po'unde-unde 94:21

Ondae mpedandi tepo'asa mpoweweu mosa'o umewaio mia mentee, ka mehuku mateo mia nahina salano.

Peluarakoa 12:31

Wongi atuu i Pirao moboi ira i Musa ka i Haruni, ka ipotae, ”Impeluarakomo luwu inso ndi omami ka imebintao wita mami, ka imelakomo mpesomba ndi Ondae i Ue, kana po'emamiu.

Peluarakoa 9:27

Montenaomo mia i Pirao moboi ira i Musa ka i Haruni, ka ipotae, ”Tehala akumo ntu'u andio, Ondae i Ue anu mentee. Ongkue ka paliliku, mensala kamimo.

Powadi 12:8

Sompo mia inunde-unde menunu saru pinewowolono anu molino, sine mia anu nahi montaso pinewowolono, ta pinokongkodei.

Yeremia 26:15

Butumo koa, to'oriomo tementee ntu'u, nine tewala impepate aku, komiu mensusuruo reano mia anu nahina salano ndi omiu ka a ngkota andio ka palilino, hangano mentee ntu'u Ondae i Ue tumena aku pauo ndi omiu luwuno pau andio.”

Yunu 1:14

Ka do'amba mpebooli ndi Ondae i Ue, dompotae, ”Oo Ue si po'inee kami wainto memate hangano penaano mia andio. Si popotembia kami reano mia anu nahina salano, hangano Omiu Ue, moweweu Komiumo kana po'ehe-Miu.”

I MATIU 27:19

Tempono mentoro i Pilatu a ngkadera pobitaraa, beineno montena mowawa pe'oliwi ndi onae, ”Si salo-saloo kara-karano mia mentee atuu, Nde hangano Ondae ka kutedoa marasai a laro mo'ipiku hieno wongi.”

I MATIU 27:54

Petewawado sorodadu ka luwuno sorodaduno anu dumagai Ira i Yesu gagi tedoa medoito tempono domengkitao leelu ka hapa anu gagiomo, ka do'amba mpotae, ”Mentee ntu'u, Ondae andio Ana-Do Ue Ala.”

I LUKASI 23:22

Mepau i Pilatu anu kopentoluno ndi ondae, ”Mosa'oa hapa anu menteeano iweweuomo mia andio? Nahina maupo te'asa sala-Do anu hinaweku ndi Ondae, anu tekona saru pohuku mate. Gagi aku sumepi ira, ka ku'amba motola Ira.”

I LUKASI 23:41

Ontae lano tekona tohinuku, hangano montarima kita sulono anu menunu saru wineweuto, sine mia andio nahina te'asa wineweu-Do anu sala.”

I LUKASI 23:47

Mansano kumitao petewawado sorodadu hapa anu gagi, i'unde-unde Ira Ue Ala, ipotae, ”Mentee ntu'u, mia andio mia mentee!”

I YOHANE 19:7

Domesangkio to Yahudi, ”Hinao songkamami ka montonda songka atuu Ondae asalakono mate, hangano Dopauo Ondae AnaDo Ue Ala.”

WINEWEUDO TINENA 13:28

Ka maupo nahi dompohawe te'asa anu gagi pepu'uano pohuku mate atuu, sine dome'emaomo ndi Pilatu ka Dopinepate.

ROMA 3:19

Sine tomento'orio, nine luwuakoano anu teburi a Wunta Taura tiado anu mentuwu i totono songka Taura, ka ite'onso sompo nganga ka asa wawontolino ntedonta i totono pohuku-Do Ue Ala.

1 TIMOTIU 4:2

hangano pompopo'oodo anu mpompau pegaupi anu aroa mewinedo mpetondoniako tondonido.

TITU 1:16

Dompotae domento'ori Ira Ondae Ue Ala, sine a mpoweweudo domehapu Ira. Memokoburu ira ka buunto ka nahi domempolio mpoweweu te'asa anu moiko.

IBARANI 7:26

Hangano Sando Mpesomba Langkai anu kanandiomo anu kinereto: onaemo anu mempori, nahina sala-Do, nahina tataa-Do, anu teponsia inso a mia mentehala ka lalu i wawono sekonopo luwuno mala'eka i suruga,

1 PETURU 1:19

tendeano saru rea anu masuli olino, onaemo rea-Do i Kerisituu anu mengkena kana reano ana bimba anu nahi mokoburu ka nahina tataano.

1 YOHANE 3:12

komba kana i Kai, anu tepu'u inso ndi Mosa'o ka anu mepateo uaino. Ka hapake pu'uno ka ipepateo? Hangano luwuno wineweuno mosa'o ka wineweuno uaino mentee.

MENGKAAA 11:10

Ka ondae anu mpo'ia i wawontolino memawongko ka mpo'undeakono ondae atuu ka mpogawe ka memambe oliwi pompowee, hangano orua nabi atuu gagi bobarasaino luwuno mia anu mpo'ia i wawontolino.

1 Samueli 15:24

Motae i Saulu ndi Semueli, ”Tehala akumo ndi Ondae i Ue hangano ku'ewaiomo songka-Do ka paumiu, hangano kudoitoako ira palili onae ka kutondaako ira po'ehedo.

1 Samueli 15:30

Motae i Saulu, ”Lano tehala akumo, sine kanandio-andio popokitao pontudumiu ndi ongkue i arodo luwuno mia mota'u tongku andio ka to Isaraeli. Ipekulemo saru ongkue ka kupokompesomba ndi Ondae i Ue, Ue Alamiu.”

1 Samueli 19:5

Ita'oomo penaano mepateo to Pelisiti atuu ka Ondae i Ue moweeako ira to Isaraeli poponangia anu langkai. Ikitaomo ka ipo'undeakono. Tembio ka ihaweako aroamiu moweweu hala a reano mia anu nahina salano, komiu mepateo i Daudi nahina pu'uno?”