I MATIU 24:7 - Wunta Mempori

⁷ Hangano tongku ta mentade umewaio tongku, ka poparentaa umewaio poparentaa. Ta hina mokoninggoa ka leelu a ba opia po'ianga.

I MATIU 24:7 ပူးပေါင်းရင်းမြစ်များ

2 Tawarika 15:6

Tongku rumopuo tongku, kota rumopuo kota, hangano Ondae Ue Ala mokomarisuako ira mperupa-rupa masukaraa.

Yesaya 19:2

Aku lumelu ira to Masiri umewai ira to Masiri, ka dompetea, sompo mia umewaio pepaekompono, ka sompo mia umewaio walino, kota mo'ewai kota, poparentaa mo'ewai poparentaa;

Yesaya 29:6

kokumitao hawe-Do Ueno luwuakoano a laro rundu, lelu ka uni mongkokodoito, a laro lompiu ka angi mokora, a laro langano api anu mongkaa ranta ka ipingko.

Yehesikieli 14:21

Menteeano, kanandiomo pau-Do Ue Ala: Laluaopo mongkokongiri mbo'u, tewala Kupotiio ponai, mokoninggoa, kondehora lambaha, ka haki lele, opaa pohuku-Ku anu mobea, i Yerusale mokotampulao mia ka kondehora i ra'ai!

Yehesikieli 21:27

Rawono, rawono, rawono Aku mokogagio! Ndio mbo'u nahi ta kongko mpiha ranta ka ihawe anu me'ueo, ka Aku meweengakono ndi onae.”

Sakaria 14:13

I tempo atuu ta gagi tewukaa langkai inso ndi Ondae i Ue i olodo, ranta singge mia uminio moroso kaeno pe'asa miano ka montande kae umewaio kaeno pe'asa miano.

I LUKASI 21:11

ka ta gagi lelu anu meroku ntu'u ka a sompo po'ianga ta hina haki lele ka mokoninggoa ka ta gagi mbo'u mperupa-rupa anu mompokotededengke ka luwuno petondoni anu mongkokongiri inso i langi.

WINEWEUDO TINENA 11:28

Asa mia inso ndi ondae anu meneeako i Agabu mentade ka hangano pabawa-Do Penaa ipauo, nine asa wawontolino ta umaluo mokoninggoa langkai. Anu kanatuu gagi koa mbo'u a tempono i Kalaudiu.

WINEWEUDO TINENA 2:19

Ka Aku mompokohina anu mengkinohali-haliako i wawono, i langi ka luwuno petondoni i totono, i tolino: rea ka api ka ahu mpeboto-boto.

IBARANI 12:27

Pau ”Pohonapo mbo'u” tumisoo tebalia a hapa anu pinokolelu, hangano onae pinokogagi ka ipo'ia mpiha hapa anu nahi telelu.

MENGKAAA 6:12

Ka kukitao, tempono Ana Bimba atuu umungkahio pontondoni anu ko'onoo, menteeano gagiomo leelu anu mongkokongiri ka mata'oleo gagi mo'ito kana kampili wuu ka wula gagi motaha luwuno kana rea.

MENGKAAA 6:5

Ka tempono Ana Bimba atuu umungkahio pontondoni anu ko'otolu, kurongeo anu tuwu anu ko'otolu motae, ”Aiwa!” Ka kukitao: menteeano, hinao aasa ngara mo'ito ka mia anu mesawikio mo'ini aasa pontimba a ngkaeno.

MENGKAAA 6:6

Ka kurongeo kana hinao suara i tonga-tongado opaa anu tuwu atuu motae, ”Aasa ponsa'u gandu aasa dinare olino, ka otolu ponsa'u jelai aasa dinare olino. Sine si sosa'orio lana ka anggoro atuu.”

MENGKAAA 6:8

Ka kukitao: Menteeano, hinao aasa ngara molowulu mongkuni ka mia anu mesawikio meneeako i Matea ka poparentaano matea tumondao. Ka ndi ondae mempinoweeako pabawa a asa ntia opaano tolino ka dompompepateako ponai, ka mokoninggoa ka haki lele, ka saru luwuno kondehora lambaha anu i tolino.