I MATIU 22:4 - Wunta Mempori

⁴ Itena ira mbo'u atano anu susua, pe'oliwino: Pauako ira mia anu me'inolu atuudo: Menteeano kaanga, kupatindaomo, sapi lakino ka pinotuwuku kusumbele iramo; luwuno tetindaomo, ime'aiwamo a mpelimbua petaoa andio.

I MATIU 22:4 ပူးပေါင်းရင်းမြစ်များ

Nehemia 9:17

Nahi dobehe mentondao parenta-Miu ka nahi dompewowoloo wineweu anu kinohali-haliako anu umariomo Iweweuo i olodo. Memotea ulu ira tendeano mpedada ira mpekule a ntepe'ataa i Masiri. Sine Omiumo Ue Ala anu mo'ampuni, mompehohawa, sabara, ka nahi otu-otu pompehohawa-Do. Nahi hori binta ira.

Po'unde-unde 86:5

Hangano Omiu, oo Ue, moiko ka behe mo'ampuni ka hadio ntu'u pompehohawa nahi bali a luwuno mia anu mebooli ndi Omiu.

Powadi 15:17

Moikoopo asa sempe inahu saru pompehohawa sekonopo sapi mewalo saru po'o'aliaako.

Penani Maramba 5:1

Aiwa aku a lereku, uai, umbungkoroiku, kupumpuo mire ka rampa-rampaku, kukaano inenano hoani ka siu hoaniku, ku'inuo anggoroku ka susuku. Impongkaamo, wali-waliku, impo'inumo, impo'inumo ranta molanguako pompehohawa!

I MATIU 21:36

Ka i'amba ueno atuu tumena ira mbo'u atano anu susua, sine ondae mbo'u mewineweu mengkena kana luwuno walido.

I MATIU 22:5

Sine mia anu me'inolu atuudo nahi domperioo; hinao anu lumako a lereno, hinao anu lumako a mpo'anggaano,

I MATIU 22:8

Umarino atuu ipotaeako ira atano: Pelimbua a mpetaoa tetindaomo, sine mia anu me'inolu hieno nahi pototodo atuu.

I LUKASI 14:17

Tamo pinu'u pelimbua atuu, itenao atano motaeako ira inolu: Ime'aiwamo, hangano luwuakoano tetindaomo.

WINEWEUDO TINENA 1:8

Sine komiu mpotarima pabawa, tewala metii Penaa Mempori ndi omiu, ka komiu megagi sakosii-Ku i Yerusale ka i asa wawo wita Yudea ka Samaria ka hawe i tompano tolino.”

WINEWEUDO TINENA 13:46

Sine i Paulu ka i Baranaba mosia mepau, ”Lano asalakono ndi omiumo se'elu ipinalele pau-Do Ue Ala, sine nahi imentarimao ka impotae nahi pototomiu mpohawe tuwua anu nahina tampulaano. Onaemo pu'uno kami mpewolili a luwuno tongku susua.

ROMA 8:32

Ondae, anu nahi Dopehohawao ana-Do Ondae-Do, sine anu meweengako Ira hangano ontae luwuto, kana'umpeke ka nahi Ira moweeakita luwuakoano meronga saru Ondae?