I MATIU 2:16 - Wunta Mempori

¹⁶ Mansano tumo'orio i Herode, nine domempopo'oo to majusi atuudo, onae tedoa tekuda. Ka i'amba metena mepate ira luwu nana'ote i Beteleme ka petengi-tengino, onaemo nana'ote anu tinuwuno napi sompo orua nta'u, menunu saru tempo anu pinokonto'orino inso a to majusi atuudo.

I MATIU 2:16 ပူးပေါင်းရင်းမြစ်များ

Tegagia 39:14

onae mebooli moboi ira ihino raha. Ipotae ndi ondae, ”Kitao, iwawao asa to Ibarani ndi ontae, ka ipemae-maeakita mia andio. Mia andio rumangkuhi aku ta moturi saru ongkue, sine mebooli aku meroku,

Tegagia 39:17

Ipohaweomo ndi Potipa tutulu anu mengkena, ipotae, ”Ata to Ibarani anu winawamiu ndi ontae, rumangkuhi aku mingki memae-maeakune.

Tegagia 49:7

Tetotonaaomo tekudado, hangano tekudado lambaha, tetotonaaomo bamburudo, hangano bamburudo mongkokongiri. Aku tumia-tia ira i olodo anano i Yako ka sumiarawo ira i olodo anano i Isaraeli.

2 Mokole 8:12

Motae i Hasaeli, ”Tembio ueku kai pengese?” Sumangki i Elisa, ”Hangano kuto'orio mokoburua anu ta wineweumu a nto Isaraeli: kotano anu mebente kosumongkoo, mia mongurano komepateakono ponai, nana'ote anu da kodei kopisikio ka beine anu mentia kobonsio.”

Ayubi 12:4

Ongkue gagi pengingisiado pe'asa miaku, ongkue, anu mebooli ndi Ondae Ue Ala ka mohawe sangkino, ongkue anu mentee ka moleo gagi pengingisia.

Powadi 28:15

Kana singa anu mengaoli ke berua anu mesapoi, kanatuumo mia mosa'o gauno anu moparenta palili anu molema.

Powadi 28:17

Mia anu montanggumi reano mia susua ta molai hawe a laro ngkaburu. Si ontoo!

Yesaya 26:21

Hangano menteeano, Ondae i Ue Ira ronga meluarako inso a mpo'ianga-Do Ira humukuo palilino tolino hangano salado, ka tolino mosabao rea anu te'uwu i wawono, nahi wunio mbo'u mia anu mempinepate i ra'ai.

Yesaya 59:7

Karudo magasi mpoweweu anu mosa'o, liu ira mpo'uwu reano mia nahina salano. Tinoodo onaemo tinoo anu mosa'o, matea ka tekale-kalea kongko a luwuno pesalaado.

Danieli 3:13

I tempo koa mbo'u atuu a laro tesingkano tekudano, i Nebukanesa meparenta ka domewinawa i Sadaraki, i Mesaki ka i Abenego mpe'aro. Mansado mewinawa mia atuudo mpe'aro ndi mokole,

Hosea 10:14

ka marisuako peteaa ta me'umbaako i olono tongkumu, ka luwuno bentemu ta rinawo-rawo kana i Salamani rumawo-rawoo Beti-Arabeli a oleo peteaa, tempono luwuno ine saru nana'ote pinerego.

Podoaa 22:29

Sumangki i Bilea a ngkalide atuu, ”Hangano upemae-maekune, ande-andeno hinao ponai a ngkaeku, kanandio-andio kupepatekomo.”

Podoaa 24:10

Ka i'amba tesingkaomo tekudano i Bala ndi Bilea ka saru metundu-tunduhiakono kaeno ipotaeakono i Bilea, ”Kupoboiko aiwa tumotonaakune iwaliku, sine tendeano uronso ira hawe pentolu.

I MATIU 2:1

Umari-Do pine'anaako i Yesu i Beteleme i wita Yudea itempono mokole Herode, mehawe iramo to majusi inso i sabaano oleo melako i Yerusale

I MATIU 2:17

Kanandiomo i inihii pau-Do i Ue anu pinohaweno nabi Yeremia,

I MATIU 2:7

Ka i'amba i Herode memaro-maro moboi ira to majusi atuudo ka ipenootio sumikeno ira, indi'ipia i kinita buntala atuu.

MENGKAAA 12:4

Ka ikino rumendeo asa ntia otolu inso a luwuno anano wula i langi ka metadiakono i wawontolino. Ka naga atuu mentade i arono beine anu ta me'ana atuu, ta tumeleo Anano, sa'umarino beine atuu me'anaako Ira.

MENGKAAA 17:6

Ka kukitao beine atuu molanguako reado mia mempori ka reado sakosii-Do i Yesu. Ka tempono kukitao, tedoa aku kohali-hali.

Puu Mpobitara 16:10

Motaeomo i Delila ndi Simeso, ”Menteeano upemae-maeakunemo ka ugaupi aku. Kanandio pauakunemo menteeano kana'umpe ka upinokopongu.”