I MATIU 2:11 - Wunta Mempori

¹¹ Ka mpewinso iramo i laro raha atuu, ka mengkitao nana'ote atuu saru i Maria, ine-Do, ka do'amba mpenggolontu mpesombai Ira. Ondae mbo'u me'ungkahio ponaapa arataado ka dompesombaakono pesomba ndi Ondae, onaemo io wulaa, dupa ka mire.

I MATIU 2:11 ပူးပေါင်းရင်းမြစ်များ

Tegagia 43:11

Ka i'amba i Isaraeli, amano motaeakono, ”Tewala kanatuu, weweuomo andio: Alaomo ka wawaomo a mia atuu hasilino wita andio anu lalu moiko a laro mponaapamiu gandu gagi pesomba: tedei solika ka tedei siu hoani, hulu ka hulu ladanu, sanggore makademia ka wua badama.

1 Mokole 10:10

Umarino atuu iweeakono mokole Salomo asa etu ka rua pulu talenta wulaa, rampa-rampa anu hadio ntu'u ka watu paramata anu motungko olino. Nami hori mbo'u hawe rampa-rampa kanatuu hadiono kana anu iweeakono mokole beine inso i Seba ndi mokole Salomo.

1 Mokole 10:2

Onae aiwa i Yerusale saru sorodadu hadio ntu'u anu mpetonda dumagaio, saru hadio unta anu mpowawa rampa-rampa, wulaa anu hadio ntu'u ka watu paramata anu motungko olino. Mansano hawe ndi Salomo, ipauakono luwu anu kongko i laro aroano.

Po'unde-unde 2:12

Woo-wooomo nana'ote! Ka si mansa Dotekuda ka imemate a nsala, hangano moruana ntu'u itensila tekuda-Do. Me'uraomo luwuno mia anu mepekadudui ndi Ondae!

Po'unde-unde 45:8

Omue kumekewoio moleoa ka umo'aliaakono pinogau mosa'o; onaemo pu'uno Ondae Ue Ala, Ue Alamu, umariomo Do'urapiakomu lana po'unde lumaloi ira wali-wali pe'asa mpo'anggamu.

Po'unde-unde 72:10

po'ineeomo luwuno mokole inso i Tarasisi ka luwuno togo dompowawa pesomba; po'ineeomo luwuno mokole inso i Sieba ka Seba dompowawa peki'ue!

Po'unde-unde 72:15

Tuwu iramo mokole! Po'ineeomo ka ipinesombaako ndi onae wulaa Sieba! Po'ineeomo ka ipinekakaiako mpiha, ka pino'emaako ronso hawe sumoo oleo!

Po'unde-unde 95:6

Pewinsomo, aiwamo tompenggolontu mpesomba, mpenggolontu i aro-Do i Ue anu mokogagi kita.

Peluarakoa 30:23

”Alaomo rampa-rampa anu tebiniki, mire me'uwoi lima etu sikala, keu mo'ahi woono entongano, rua etu ka lima pulu sikala, ka rampalemo anu lalu mo'ahi woono, rua etu ka lima pulu sikala,

Peluarakoa 30:34

Mepau Ira i Ue ndi Musa, ”Alaomo ba te'opia rupa rampa anu memo'ahi woono, inso a ngkeu hulu anu mo'ahi woono, kuli meti ka puluno rasamala, saru dupa ntu'u, luwuno temengkena hadiono.

Penani Maramba 3:6

Isemake atuu anu me'umbaako inso i pada one kana pebotono ahu api tetutuwiako mana mo'ahino mire ka dupa inso a mperupa-rupa awuno anu mana mo'ahi pinebalu-baluako?

Yesaya 60:6

Hadio ntu'u unta ta buketio witamu, unta memongura inso i Midia ka Epa. Luwudo ira me'aiwa inso i Sieba, mpowawa wulaa ka dupa, saru mempaleleo tepalele-Do i Ue.

Imama 6:15

Asalakono sando mpesomba monsiao inso a mpesomba kaanga atuu asa raku tarigu moiko ntu'u ka lana, saru luwuno dupa anu i wawono pesomba kaanga atuu, ka i'amba tumunuo i wawono meda pontunua pesomba, ranta woono mompoko mawongko gagi tiano pepopoto'ori ndi Ondae i Ue.

Maleaki 1:11

Hangano mompu'u saba oleo hawe sumooano, nee-Ku langkai i olodo tongku. A sompo po'ianga ta pinesombaako dupa mana mo'ahi tiano nee-Ku ka pesomba kana mbo'u anu morina, hangano langkai nee-Ku i olodo tongku, pau-Do Ueno luwuakoano.

Podoaa 7:14

asa sangkiri hopulu sikala wulaa mobeano, me'ihi dupa,

Podoaa 7:86

Hopulu ka orua sangkiri wulaa, me'ihi dupa, sompo sangkiri mobeano hopulu sikala, kinati montonda sikala po'ianga mempori. Luwuno wulaano sangkiri atuu mobeano asa etu ka rua pulu sikala.

I MATIU 1:18

Hinaa-Do i Yesu Kerisituu kanandio: Tempono i Maria, ine-Do, mesambora saru i Yusupu, teto'ori onae mentia inso a Mpenaa Mempori, se'eluno napi dotuwu gagi mia mekombia.

I MATIU 12:46

Tempono Ondae i Yesu da kontongaa-Do mepau a mia hadio atuudo, ine-Do ka pepaekompo-Do mpentade i bungkuno ka mingki tepohaweako Ira.

I MATIU 14:33

Ka mia anu a laro bangka mpesombai Ira, dompotae, ”Menteeano Omiu Ana-Do Ue Ala.”

I MATIU 2:10

Tempono domengkitao buntala atuu, tedoa ira memawongko.

I MATIU 2:2

ka mpesisikeno, ”Isua Iramoke, mokoledo to Yahudi anu da iaopo Dohina atuu? Kimengkitaomo buntala-Do isabaano oleo ka kami mehawe mesombai Ira.”

I LUKASI 2:16

Ka do'amba mpontuturako mpelungka ka domehawe ira i Maria ka i Yusupu ka nana'ote kodei atuu, anu kontongaano pinombole a laro dula pinotuwu.

I LUKASI 2:38

Ka i tempo koa mbo'u atuu onae aiwa i tu'ai ka umunde-unde Ira Ue Ala ka mepau mongkona Nana'ote atuu a luwuno mia anu mposikori tolaano Yerusale.

I YOHANE 19:39

I Nikodemu mbo'u hawe i tu'ai. Onaemo anu hawe amba-ambano tempono wongi ndi Ondae i Yesu. Onae mowawa lana mire sinaloako lana gaharu, bara'ura lima pulu kati mobeano.

MENGKAAA 19:10

Ka menggolontu akumo a mpuu karuno aku mesombaio, sine ipotaeakune, ”Si poweweu kanandio! Ongkue ata koa, mengkena saru omue ka luwuno pepaekompomu, anu uminio ponsakosii-Do i Yesu. Pesombai Iramo Ue Ala! Hangano ponsakosii-Do i Yesu onaemo penaa mompau anu ta gagi.”

MENGKAAA 5:8

Tempono Do'alao paluluno wunta atuu, mpenggolontu iramo opaa anu tuwu ka ruapulu ka opaa mia mempinemota'u i aro-Do Ana Bimba atuu, singge mia mo'ini aasa katapi ka aasa tonde wulaa, bukeako dupa: onaemo atuu pekakaido mia mempori.

1 Samueli 10:27

Sine dompotae mia melambaha, ”Kana'umpe mia andio ta mokokadudui kita?” Dompepaukiakono ka nahi dompowawa pompowee ndi onae. Sine nahi perio ira.