I MATIU 19:9 - Wunta Mempori

⁹ Sine Kupauakomiu: Ba isema teposuaakono beineno, sangkadio hangano monsosabo, ka i'amba mekombia saru beine susua, onae monsosabo.”

I MATIU 19:9 ပူးပေါင်းရင်းမြစ်များ

Tegagia 20:3

Sine, Ondae Ue Ala hawe ndi Abimele laro mo'ipi tempono wongi ka mepau ndi onae, ”Omue asalakono mate hangano beine anu inalamu atuu. Hangano onae kombiano asa mia.”

2 Tawarika 21:11

Ka iweweuo mbo'u luwuno pompesombaia a luwuno torukuno i Yehuda. Onae weweu ira palili i Yerusale mponsosabo ka onae mokopansia ira to Yehuda.

Yeremia 3:1

Pau-Do, ”Tewala asa mia teposuaakono kombiano, ka beine atuu bintao ka i'amba gagi kombiano mia susua, ta mepokuleke onae a beine atuu? Kombake wita atuu mente ntu'u tesosa'ariomo? Monsosabokomo saru hadio kinekewoi, ka komepokule ndi ongkue? Kanandiomo pau-Do i Ue.

Yeremia 3:8

Ikitao nine hangano ponsosabono Kupensuaakonomo i Isaraeli anu mehapuakono pompe'ala-alano atuu, ka moweeakono wunta teposuaa. Sine i Yehuda, pepaekompono beine anu nahi petenunu atuu, nahi doito, tendeano lumako mbo'u mebelesu.

Yehesikieli 16:15

”Sine omue merorohio tekosimu ka telelemu ka upebelesu. Omue moweeo ntu'u pebelesumu a sompo mia anu telalo.

Yehesikieli 16:29

Omue mokohadioo pebelesumu saru Kasidimi, wita pebalu-balua, sine maupo saru atuu napi upesompoo.

Yehesikieli 16:8

Ongkue telalo umpeda ndi omue ka kumitako; mentee ntu'u, omue haweomo a tempono umingki mewowali. Kuwileo hawu-Ku i wawomu ka tumutuwio pinekaria winunimu. Saru mesumpa Ongkue moweweu pedandia saru omue, kanandiomo pau-Do Ue Ala, ka saru atuu omue gagi mia-Ku.

I MATIU 19:10

Ana Guru atuudo mpotaeako Ira, ”Tewala kanatuu teweweuno penggoea i olono tamano ka beineno, laluopo siimo dopekombia.”

I MATIU 19:8

Motae Ira i Yesu ndi ondae, ”Hangano moteano aroamiu ka i'indukomiu i Musa teposuaakono beinemiu, sine inso a pompu'uano komba kanatuu.

I MATIU 5:32

Sine Kupauakomiu: Sompo mia anu teposuaakono beineno sangkadio hangano monsosabo, onaemo weweuo beineno ka iponsosabo; ka isema anu kumombiao beine anu tineposuaako, onae monsosabo.

I LUKASI 16:18

Sompo mia anu monteposuaako beineno, ka i'amba mekombiaako beine susua, onae monsosabo; ka ba isema mekombiaako beine anu tineposuaakono tamano, onae monsosabo.”

1 KORINTI 5:1

Lano domerongeo mia, nine hinao pebelesua i olomiu, ka pebelesua anu kanatuu, kana komba hina hinawe maupo i olodo tongku anu nahi domento'ori Ira Ue Ala, onaemo nine hinao mia anu tuwu saru kombiano amano.

1 KORINTI 7:39

Beineno te'onggo tempono da tuwu tamano. Tewala mateomo tamano, maluaomo ba ipekombiaako isemamo koa anu ineheno, poolo mia atuu asa mia anu mompe'ala-ala.

1 KORINTI 7:4

Beineno nahina pabawano a ngkoroino onaeno, sine tamano, kanatuu koa mbo'u tama nahina pabawano a ngkoroino onaeno, sine kombiano.