I MATIU 18:4 - Wunta Mempori

⁴ Sine ba isema anu me'urumako ka gagi kana nana'ote kodei andio, onaemo anu lalu langkai a laro Poparentaa Suruga.

I MATIU 18:4 ပူးပေါင်းရင်းမြစ်များ

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

I MATIU 18:1

I tempo atuu mehawe iramo ana guru atuu ndi Ondae i Yesu ka dompesikeno, ”Isemake anu lalu langkai a laro Poparentaa Suruga?”

I MATIU 18:3

Ka Do'amba motae, ”Kupauakomiu, menteeano tewala nahi ntepidi ka gagi kana nana'ote kodei andio, nahi komiu mpewinso a laro Poparentaa Suruga.

I MATIU 18:5

Ka ba isema anu tumarimao asa nana'ote kanandio a nee-Ku, Ongkuemo tinarimano.”

I MARAKUSU 10:43

Komba kanatuu i olo omiu. Ba isema mingki gagi langkai i olomiu, asalakono ka igagi puu pompekakakomiu,

I MARAKUSU 9:34

Sine mengkomino ira, hangano a ntonga nsala hieno ondae mpegagaako isema anu lalu langkai i olodo.

I LUKASI 14:11

Hangano ba isema melangkaio koroino, onae ta pinokongkodei a ba isema me'urumako, onae ta pinelangkai.”

I LUKASI 9:48

ka Dopotaeako ira, ”Ba isema anu tumarimao nana'ote andio a nee-Ku, Ongkuemo tinarimano; ka ba isema tumarina Aku, Ondaemo anu tumena Aku tinarimano. Hangano anu lalu kodei i olomiu luwu, onaemo anu lalu langkai.”

YAKOBU 4:10

Impe'urumakomo i aro-Do i Ue, ka Ira mokomantande komiu.

1 PETURU 5:5

Kanandio koa mbo'u omiu, hei mia memongura, impe'urumakomo a mia anu memota'u. Ka luwumiu, imemambe'urumako, hangano, ”Ondae Ue Ala umewaio mia mompelangka-langkai, sine mehohawao mia anu me'urumako.”