I MATIU 18:3 - Wunta Mempori

³ Ka Do'amba motae, ”Kupauakomiu, menteeano tewala nahi ntepidi ka gagi kana nana'ote kodei andio, nahi komiu mpewinso a laro Poparentaa Suruga.

I MATIU 18:3 ပူးပေါင်းရင်းမြစ်များ

Po'unde-unde 131:2

Menteeano, kupokorodoomo ka nahi danggara mbo'u sumangaku kana nana'ote anu pinotoe i horino ineno, oo, kana nana'ote anu pinotoe kanatuumo sumangaku a laro ngkoroiki.

Yesaya 6:10

Iweweuomo aroano tongku andio motea ka birido mobea moronge ka matado metako tepusu, kasi domengkitaakono matado ka merongeakono birido ka mpokonto'oriakono aroado, ka do'amba mpepokule ka gagi tompa.”

I MATIU 13:15

Hangano aroano tongku andio momaluomo, ka birido nahi poronge lahi, ka matado metako tepusu; ka si domengkitaakono matado ka merongeakono birido ka mpokonto'oriakono aroado, ka do'amba mpepokule ranta ka Kupokotompa ira.

I MATIU 18:2

Onaemo ka Dopoboio i Yesu asa nana'ote kodei ka Donaao i tonga-tongado

I MATIU 18:4

Sine ba isema anu me'urumako ka gagi kana nana'ote kodei andio, onaemo anu lalu langkai a laro Poparentaa Suruga.

I MATIU 19:14

Sine Dopotae i Yesu, ”Po'inee iramo nana'ote atuudo, si me'onsoi ira me'aiwa ndi Ongkue; hangano miamo anu kanatuudo anu mpe'umbuo Poparentaa Suruga.”

I MATIU 19:23

Dopotae i Yesu a ana guru-Do, ”Kupauakomiu, menteeano motungko ntu'u mia kaea mpewinso a Poparentaa Suruga.

I MATIU 5:18

Hangano Kupauakomiu: Menteeano ba napi tampula langi ka tolino andio, maupo te'asa hurupu ke maupo te'asa titi nahi ta inonini inso a Songka, ba napi gagi luwu.

I MATIU 5:20

Onaemo ka Kupauakomiu: Tewala tuwu pe'agamamiu nahi laluopo mentee sekonopo tuwu pe'agamado anu mponto'ori Taura ka to Parisi, menteeano nahi komiu mpewinso a laro Poparentaa Suruga.

I MATIU 6:16

”Ka tewala mempuasa komiu, si mpopokitao rupamiu mompemasusa kana mia mo'onde-onde. Domebalio rupado, ka domengkitao koa mia nine kontongaado mempuasa. Kupauakomiu: Menteeano mpohawe iramo tambodo.

I MATIU 6:2

Gagi tewala komompowee anu mentee, si paleleo mongkona atuu, kana anu wineweudo mia mpo'onde-onde a luwuno raha tepumpua ka a luwuno sala kodei, ka dome'unde-unde ira mia. Kupauakomiu: Menteeano mpohawe iramo tambodo.

I MATIU 6:5

”Ka tewala komiu mpekakai, si mpekakai kana mia mpo'onde-onde. Inehedo mempauo pekakaido saru mpentade a laro raha tepumpua ka a ntepotowoano sala langkai, ka domengkita ira mia. Kupauakomiu: Menteeano mpohawe iramo tambodo.

I MARAKUSU 4:12

ka i'amba: Maupo domengkitao, nahi domperioo, maupo domerongeo, nahi dompokonto'orio, ka si dompepokule ka mpohawe po'oninia hala.”

I LUKASI 13:24

Dosangki ira i Yesu mia i tu'ai, ”Imempari-pariomo ka impewinso telalo a mpewowa anu ma'iso atuu! Hangano Kupauakomiu: Hadio mia anu pompari-pari ira mpewinso, sine nahi ira mempolio.

I LUKASI 22:32

sine Kupekakaiakomumo, ka si bali pompe'ala-alamu. Ka omue, tewala upokonto'oriomo, pokoroso iramo pepaekompomu.”

I YOHANE 1:51

Ka Do'amba i Yesu motaeakono, ”Kupauakomu, menteeano kokumitao langi te'ungkahi ka mala'eka-Do Ue Ala ira mpetii ka mpewuatako ndi Ana Manusia.”

I YOHANE 3:3

Sumangki Ira i Yesu, Dopotae, ”Kupauakomu, menteeano tewala asa mia nahi wali pine'anaako, nahi ta mokokitao Poparentaa-Do Ue Ala.”

I YOHANE 3:5

Sumangki Ira i Yesu, ”Kupauakomu, menteeano tewala asa mia nahi pine'anaako inso a uwoi ka Penaa, nahi ta mokompewinso a laro Poparentaa-Do Ue Ala.

WINEWEUDO TINENA 14:22

A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia.

WINEWEUDO TINENA 28:27

Hangano aroado tongku andio momaluomo, ka birido mobea moronge, ka matado metako tepusu; ka si dompongkitaako matado ka mporongeako birido ka mponto'oriako aroado, ka do'amba mpepokule ka Kupokotompa ira.

WINEWEUDO TINENA 3:19

Onaemo pu'uno impokonto'oriomo ka intepidimo, ka i'inonini halamiu,

1 KORINTI 14:20

Pepaekompo luwu-luwu, si mpompewowolo mengkena kana nana'ote. A mosa'oa imegagimo nana-ote, sine pinewowolomiu kana mia sompoomo tinuwuno!

1 PETURU 2:2

Ka imegagimo kana nana'ote kodei anu da iaopo ihina, anu wela mosisiriakono uwoi uo ntu'u ka anu rohani, ka inte'iliako onae ka ntekadudui,

2 PETURU 1:11

Hangano kanandio komiu mewineeako tia buke ka impewinso a Poparentaa anu nahina tampulaano, onaemo Poparentaa-Do i Ue ka Puu Pongkaduduito, Ondae i Yesu Kerisituu.