I MATIU 14:3 - Wunta Mempori

³ Hangano lano metenaomo i Herode ka irinako i Yohane, ponguo ka tumorungkuo, hangano i Herodia, beineno i Pilipu pepaekompono.

I MATIU 14:3 ပူးပေါင်းရင်းမြစ်များ

I MATIU 11:2

A laro torungku irongeo i Yohane mongkona inangga-Do i Kerisituu,

I MATIU 14:6

Sine a oleo hinaano i Herode, lumenseomo anano i Herode anu beine i tonga-tongado ka mokomawongkoo aroano i Herode,

I MATIU 4:12

Sine tempono Dorongeo i Yesu, nine i Yohane rinakoomo, meliahako Iramo lumako i Galilea.

I MARAKUSU 6:14

Irongeo mbo'u Mokole Herode lele mongkona Ondae i Yesu, hangano teleleomo nee-Do ka dompotae mia, ”I Yohane Puu Mpobaho mewanguomo inso i olodo mia mate ka onaemo pu'uno luwuno pabawa atuu mo'angga i laro-Do.”

I MARAKUSU 6:17

Hangano lano i Herodemo anu montena mia rumakoo i Yohane ka domemponguo a ntorungku menggoe saru teweweuno i Herodia, beineno i Pilipu pepaekompono, hangano i Herodia i'alaomo gagi beineno.

I MARAKUSU 6:19

Onaemo pu'uno i Herodia monaa-naa aroa ndi Yohane ka montoo ta mepateo, sine nahi pokompepateo,

I MARAKUSU 6:22

I tempo atuu ana beineno i Herodia mentade ka i'amba lumense, ka ipokomawongkoo aroano i Herode ka luwuno totokano. Motae mokole a ana beine atuu, ”Emao ndi ongkue hapa anu inehemu, asalakono aku weeko!”,

I MARAKUSU 8:15

Ka Do'amba i Yesu mopoto'oriako ira, Dopotae, ”Impedagaimo ka imetangkoroo ragido to Parisi ka ragino i Herode.”

I LUKASI 13:1

I tempo atuu mehawe iramo ndi Ondae i Yesu ba opia mia mpowawa lele mongkona to Galilea, anu reado isaloakono i Pilatu saru reano pesomba anu pinesombaakodo.

I LUKASI 13:31

I tempo atuu mehawe iramo ba opia to Parisi ka dompotae ndi Ondae i Yesu, ”Ilakomo, bintaomo po'ianga andio, hangano i Herode ta mepate Komiu.”

I LUKASI 23:11

Ka mompu'uomo i Herode ka sorodaduno tumata Ira ka mopodeu-deu Ira, ipokonaako Ira lemba meloe pompelangkai ka i'amba metena mokule Ira ndi Pilatu.

I LUKASI 23:7

Ka mansano tumo'orio, nine Ondae i Yesu inso a poparentaano i Herode, metenaomo ka Dowinawa me'aro ndi Herode, anu i tempo atuu kongko mbo'u i Yerusale.

I LUKASI 3:1

I larono ta'u kohopulu ka olima inso a poparentaano Datu Tiberiu, tempono i Pontiu Pilatu gagi petewawa i wita Yudea, ka i Herode mokole i wita Galilea, i Pilipu, pepaekompono, mokole i wita Iturea ka Tarakoniti, ka i Lasania mokole i wita Abilene,

I LUKASI 8:3

i Yohana beineno i Kusa puu pompekaria arataano i Herode, i Susana ka hadio beine susua. Beine andiodo mpekakaako ira bawaa atuu inso a ngkaeado.

WINEWEUDO TINENA 12:1

I tempo atuu mompu'uomo mokole Herode weweunsa'o ira ba opia mia inso a bawaa.

WINEWEUDO TINENA 4:27

Hangano menteeano mpepumpu iramo a laro ngkota andio i Herode ka i Pontiu Pilatu saru luwuno tongku ka suku tongku Isaraeli umewai Ira i Yesu, Tetenaa-Miu anu mempori, anu inurapi-Miu,