I MATIU 13:57 - Wunta Mempori

⁵⁷ Onaemo ka imosa'odo ka nahi domentarima Ira. Ka Dopotaeako ira i Yesu, ”Asa nabi pinelangkai isua-suamo koa, sangkadio a mpo'ianga insoano ka i rahano.”

I MATIU 13:57 ပူးပေါင်းရင်းမြစ်များ

Yesaya 49:7

Kanandiomo pau-Do i Ue, Anu Tedoa Mempori, Pontolosido to Isaraeli, ndi onae anu tedoa domentatao mia, ndi onae anu gagi mokoburudo tongku, a atado anu mempabawa, ”Luwuno mokole ira mengkitao wineweu-Ku, ka do'amba mpentade mpelangkaio, ka luwuno anu langkai potorono ira mpenggolontu mpesomba, hangano Ondae i Ue anu uminio dandi-Do hangano Anu Tedoa Mempori, Ue Alado to Isaraeli, anu binikiko.”

Yesaya 53:3

Onae tinata ka dome'olaiakono mia, asa mia anu bukeako tebobarasaia ka leleo marasai mompemahaki. Mia mbo'u domentutuwio rupado ba domengkitao; kanatuumo itinata ka ndi ontae nahi tewinso a mporeke.

Yesaya 8:14

Ondae Ira gagi po'ianga mempori, sine watu tetengkua mbo'u ka watu tetiduado orua suku Isaraeli atuu, saru gagi oho ka dampado palilino Yerusale.

I MATIU 11:6

Ka me'uraomo mia anu nahi gagi mosa'o aroano ka tumarima Aku.”

I MATIU 13:58

Ka hangano nahi dompompe'ala-ala, nahi hadio anu kinohali-haliako Dopoweweu i tu'ai.

I MARAKUSU 6:1

Ka Do'amba i Yesu melungka inso i tu'ai ka Dohawe a mpo'ianga insoa-Do, ka ana guru-Do mentonda Ira.

I MARAKUSU 6:14

Irongeo mbo'u Mokole Herode lele mongkona Ondae i Yesu, hangano teleleomo nee-Do ka dompotae mia, ”I Yohane Puu Mpobaho mewanguomo inso i olodo mia mate ka onaemo pu'uno luwuno pabawa atuu mo'angga i laro-Do.”

I MARAKUSU 6:3

Kombake Ondae andio puu mpo'angga keu, anano i Maria, pepaekompono i Yakobu, i Yohane, i Yudasi ka i Simo? Ka kombake luwuno pepaekompo-Do beine kongko saru ontae?” Mosa'oomo aroado ka i'amba nami domentarima Ira.

I MARAKUSU 6:4

Onaemo ka Dopotaeako ira i Yesu, ”Aasa nabi pinelangkai i sua-suamo koa sangkadio a mpo'ianga insoano, i olodo pe'etuno ka i rahano.”

I LUKASI 4:24

Ka Dopotae mbo'u, ”Kupauakomiu, menteeano nahina nabi anu tinudu a mpo'ianga insoano.

I LUKASI 7:23

Ka me'uraomo mia anu nahi gagi tepataa ka nahi tarima Aku.”

I YOHANE 4:44

hangano OndaeDo isa'a i Yesu mesakosii Iramo, nine aasa nabi nahi pinelangkai i witano onaeno.

I YOHANE 6:42

Dompotae, ”Kombake Ondae andio i Yesu, anano i Yusupu, anu ine ka ama-Do tomento'orio? Kana'umpe ka Dopokompotae: Metii Akumo inso i suruga?”

I YOHANE 6:61

Ondae i Yesu i laro aroa-Do Doto'orio, nine mongkona pinau-Do atuu dompewurukiako ana guru-Do, onaemo ka Dopotaeako ira, ”Nde teleluke pompe'ala-alamiu hangano pau atuu?