I MATIU 13:52 - Wunta Mempori

⁵² Onaemo ka Dopotae i Yesu ndi ondae, ”Onaemo pu'uno anu monto'ori Taura anu montarima pompaguru mongkona Poparentaa Suruga atuu pinotundaako kana umbu raha anu moluarako arataa anu wo'ohu ka anu laano inso a mponaapa arataano.”

I MATIU 13:52 ပူးပေါင်းရင်းမြစ်များ

Esera 7:10

Hangano i Esera montooomo ta mepaguruakono ntu'u Taura-Do i Ue ka weweuo a laro ntumuwuno saru paguruako ira to Isaraeli pompakosi ka atora-Do.

Esera 7:21

Ongkue, mokole Aritahasasita, moluarako akumo parenta a luwuno anu mompekaria arataa poparentaa i asa towano Koro Eparata, kanandio, ’Luwuno anu inso ndi omiu, inemano sando mpesomba Esera anu tedoa pande a Taura-Do Ue Alano asa wawolangi, asalakono imeweweuo temoiko,

Esera 7:6

I Esera andio mekule inso i Babeli. Onae asa mia anu tedoa pande a wunta ka sompo ponto'orino mongkona Taurano i Musa anu Doweeakono i Ue, Ue Alado to Isaraeli. Luwuakoano anu inemano, doweeakono mokole, hangano kae-Do Ue Alano kumongkomio.

Powadi 11:30

Wuano mia mentee onaemo keu tuwua, ka isema pande mosongka, mo'ala aroano mia.

Powadi 15:7

Wiwino mia pande mosongka morawo ponto'oria, sine aroano mia monge-monge komba kanatuu.

Powadi 18:4

Pepauno ngangano mia kana uwoi anu ondalo, sine pepu'uano ponto'ori anu mentee kana korono anu bubulaka.

Penani Maramba 7:13

Wua dudaimi tewuha woono, ka umpeda pewowato hinao mperupa-rupa wua mo'ahi, anu da sarai maupo anu tehine, anu kunaakomumo, pinehohawaku!

I MATIU 12:35

Mia anu moiko moluarako luwuno anu moiko inso i larono anu moiko ka mia anu mosa'o moluarako luwuno anu mosa'o inso i larono anu mosa'o.

I MATIU 13:51

Impokonto'oriomoke luwuno atuu?” Mesangki ira, ”Humbee, kimpokonto'oriomo.”

I MATIU 13:53

Mansa-Do umari i Yesu tumutuluo luwuno potundaano atuu, lumako Iramo inso i tu'ai.

I MATIU 23:34

Onaemo pu'uno, kitaomo, Kutena ira nabi ndi omiu, mia anu mempande mposongka ka guru agama: entongano i olodo komiu mpepate ira ka mempaso ira a ngkeu pinotamba, anu mehano komiu mensepi ira a raha tepumpuamiu ka imebobarasai ira inso a ngkota lumako a ngkota,

I MATIU 28:19

Onaemo pu'uno imelakomo, impokogagi iramo ana guru-Ku luwuno tongku ka imebaho iramo a nee-Do i Ama ka Ana ka Penaa Mempori,

I LUKASI 11:49

Onaemo pu'uno ponto'ori-Do Ue Ala mepau: Aku tumena ira nabi ka tinena ndi ondae ka entongano inso i olodo nabi ka tinena atuu ira mempinepate ka bobarasai ira,

I YOHANE 13:34

Kupoweeakomiu parenta wo'ohu, onaemo ka imambe pehohawa; mengkena kana Kupehohawa komiumo kanatuu koa mbo'u imambe pehohawa.

2 KORINTI 6:10

kana mia anu mompemasusa, sine memawongko mpiha, kana mia mongkokolaro, sine mompokokaea hadio mia; kana mia anu nahina hapa-hapano, maupo luwuakoano hinao ndi omami.

EPESU 3:4

Tewala imebasao, komiumo mpokonto'orio ponto'oriku rahasia-Do i Kerisituu,

EPESU 3:8

Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu,

KOLOSE 1:7

Luwuno atuu imento'oriomo inso ndi Eparasi, walimami pompekakaako anu pinehohawamami, anu ndi omiu onaemo puu pompekakaako-Do i Kerisituu anu metenunu.

KOLOSE 3:16

Po'ineeomo pau-Do i Kerisituu ka ipo'ia saru luwuno kaeano i olomiu, ranta ka imemambe paguru ka mambe patuduako luwuno ponto'ori ka saru mpenaniako po'unde-unde, ka po'unde-unde ka penani rohani, impontarimakasi ndi Ondae Ue Ala i laro aroamiu.

1 TIMOTIU 3:6

Onae komba mia anu da sarai itepidi, ka si gagi mompelangka-langkai ka ikonao hukuno i Mosa'o.

TITU 1:9

ka me'ini a mpau anu mentee, anu menunu saru pompaguru anu mentee, ka ipolio mompatudu mia me'empehiako pompaguru atuu ka polio tumisoako ira salado anu me'ewaio.