I MATIU 13:3 - Wunta Mempori

³ Ka hadio rupa pinau-Do ndi ondae a mpotundaano, Dopotae, ”Hinao asa mia puu mporawo meluarako ta morawo.

I MATIU 13:3 ပူးပေါင်းရင်းမြစ်များ

Po'unde-unde 49:4

Ngangaku ta mompau ponto'ori anu mentee, ka pine'ihilarono aroaku mopoto'orio pengkonaano.

Po'unde-unde 78:2

Aku menganga mohaweo powadi, aku tumutuluo singguru inso a tempo se'eluno.

Yehesikieli 17:2

”Hei anano mia, pauomo asa singguru ka asa potundaano a nsuku Isaraeli.

Yehesikieli 20:49

Ka ku'amba motae, ”Oo, Ue Ala, dompotae mongkona ongkue: Kombake onae butu pau ira pau pasinggiri?”

Mika 2:4

A oleo atuu mia ira mpompasinggiri mongkona omiu saru mponsabangi masusa aroa, dompotae, ”Merinawo-rawo kitamo! Tia pusakado tongkuku melimba ngkaeomo, kana'umpe ta melimba mbo'u ndi ongkue. Luwuno lereto mentiniaako a mia anu mentawa kita.”

Habaku 2:6

Kombake ondae luwu ira mpopau potundaano pau ndi onae saru penani pasinggiri andio: Masolaomo ntu'u mia anu mohowu tiano koroino hapa anu komba pine'ueno! Hawe te'ipia mbo'uke upopumpu arataa? Kanatuu koa mbo'u mia anu humowuiakono koroino sangka ginade.

I MATIU 13:4

Tempono iporawo, asa ntia inii atuu tedonta a wiwi nsala, ka i'amba mehawe iramo manu-manu mengkaano hawe ka ipingko.

I MATIU 13:53

Mansa-Do umari i Yesu tumutuluo luwuno potundaano atuu, lumako Iramo inso i tu'ai.

I MATIU 22:1

Ka Do'amba i Yesu mepauako ira mbo'u a mpotundaano,

I MATIU 24:32

Mpepagurumo inso a mpotundaano mongkona keu ara: Tewala sampa-sampa motutuno mongura ka mompu'u mentumba, imento'orio, nine rangkuomo tempo motu'i-tu'i.

I MARAKUSU 12:1

Ka Do'amba i Yesu mompu'u mepauako ira a mpotundaano tutulu, ”Hinao asa mia melere anggoro ka iwalao limbu. Onae mongkeke pomporo'ia anggoro ka mowangu menara podagaia. Ka i'amba metamboakono lere atuu a mia mpo'angga lere ka i'amba lumako i wita susua.

I MARAKUSU 12:12

Ka do'amba me'ungkeakono ira merako Ira i Yesu, hangano domento'orio, nine ondaemo anu tinoo-Do a mpotundaano tutulu atuu. Sine medoito ira a mia hadio, gagi ondae melako ka dompo'inee Ira.

I MARAKUSU 3:23

Dopoboi ira i Yesu, ka Do'amba motaeako ira a mpotundaano, ”Kana'umpe i Mosa'o mokosaario i Mosa'o?

I MARAKUSU 4:13

Ka Do'amba motaeako ira, ”Nahi mpokonto'orioke potundaano andio? Tewala kanandio kana'umpe komiu mpokonto'orio luwuno potundaano anu susua?

I MARAKUSU 4:33

I larono hadio potundaano anu kanatuu Dopaleleo pau-Do i Ue ndi ondae menunu saru ponto'orido,

I LUKASI 12:41

Motae i Peturu, ”Ue, omamike anu tinoo-Miu a mpotundaano atuu ke luwuno mbo'u mia?”

I LUKASI 8:10

Ka Do'amba sumangki, ”Ndi omiu pinoweeako pe'aroa ka imento'orio rahasiano Poparentaa-Do Ue Ala, sine a mia mehano mongkona atuu pinau a laro potundaano, kai maupo dompengkita nahi domengkitao ka maupo domerongeo nahi dompokonto'orio.

I YOHANE 16:25

Luwuno andio Kupauakomiu a mpotundaano. Ta hawe tempono nami Aku mepauakomiu a mpotundaano, sine mepau a manasaano ndi omiu mongkona Ondae i Ama.