I MATIU 11:11 - Wunta Mempori

¹¹ Kupauakomiu: Menteeano i olodo anu pine'anaakodo beine nahi hori hina anu lalu langkai sekono i Yohane Puu Mpobaho, sine anu lalu kodei a Poparentaa suruga langkaiopo sekono onae.

I MATIU 11:11 ပူးပေါင်းရင်းမြစ်များ

Ayubi 14:1

”Mia anu hina inso a beine, owowa tinuwuno ka bukeako sala-laroa.

Ayubi 14:4

Isemake polio mompokohina anu mempori inso anu mokoburu? Nahina maupo te'asa mia!

Ayubi 15:14

Isemake mia ranta ka imempori, anu pine'anaako inso a beine ranta ka imentee?

Ayubi 25:4

Kana'umpe mia ka imentee i aro-Do Ue Ala, ka kana'umpe mia anu pine'anaakono beine atuu morina?

Po'unde-unde 51:5

Hangano kupokonto'orio polimpa'iku, wela aku masusaakono halaku.

Yesaya 30:26

Mewineno wulantii ta kana mewineno oleo mokula ka mewineno oleo mokula ta meluka opitu, kana mewine opitu oleo, i tempono Ondae i Ue waluo mobela langkaino bawaa-Do ka mokotompao mobela hanga mpetunduhia.

Sakaria 12:8

I tempo atuu Ondae i Ue Ira dumagaio palilino Yerusale. Mia anu molema telusa i olodo i tempo atuu ta gagi kana i Daudi, ka somborino i Daudi ira mpetewawa kana Ondae Ue Ala, kana Mala'eka-Do i Ue, i arodo.

I MATIU 11:10

Hangano mongkona onae hinao teburi: Kitaomo, Kutenao tinena-Ku mese'elungi-Ko, onae ta patindao pesalaa-Mu i aro-Mu.

I MATIU 11:12

Mompu'u ipontutulu i Yohane Puu Mpobaho ranta kanandio-andio, Poparentaa Suruga inewai ka anu umewaio mo'arahako pabawaio.

I MATIU 3:1

I tempo atuu haweomo i Yohane Puu Mpobaho i pada i Yudea ka ipontutulu,

I MATIU 3:11

Kubahoakomiu uwoi gagi tondonino tepidia, sine Ondae anu hawe lembui umarino ongkue pabawa Irapo sekono ongkue ka nahi pototoku lumohuo sapatu-Do. Ondae Ira bahoakomiu Penaa Mempori ka saru api.

I MATIU 5:19

Onaemo pu'uno isema anu umoninio asa parentano songka Taura maupo anu lalu kodei, ka mompaguruako kanatuu a mia susua, onae ta mentoro a mpo'ianga i totono ntu'u a Poparentaa Suruga; sine isema anu weweuo ka mompaguruako luwuno parentano Songka, onae ta mentoro a mpo'ianga mantande a laro Poparentaa Suruga.

I LUKASI 1:15

Hangano onae ta langkai i aro-Do i Ue ka onae nahi ta mo'inu anggoro ke inua mompokomolangu ka onae ta bukeako Penaa Mempori mompu'u inso a mpe'anakaano ineno;

I LUKASI 7:28

Kupauakomiu: I olodo anu pine'anaakodo beine nahina anu langkaiopo sekono i Yohane, sine anu lalu kodei a Poparentaa-Do Ue Ala langkaiopo sekono onae.”

I LUKASI 9:48

ka Dopotaeako ira, ”Ba isema anu tumarimao nana'ote andio a nee-Ku, Ongkuemo tinarimano; ka ba isema tumarina Aku, Ondaemo anu tumena Aku tinarimano. Hangano anu lalu kodei i olomiu luwu, onaemo anu lalu langkai.”

I YOHANE 1:15

I Yohane mesakosii mongkona Ondae ka mebooli, ipotae, ”Ondaemo andio, anu tinooku tempono kupotae: Umarino ongkue Ira hawe anu mese'elungi aku, hangano napi kukongko Ondae kongko Iramo.”

I YOHANE 1:27

onaemo Ondae, anu hawe lembui sekono ongkue. Maupo kumaleako Ira onggono sapatu-Do nahi pototoku.”

I YOHANE 10:41

Ka hadio mia mehawe ndi Ondae ka dompotae, ”I Yohane lano nahi poweweu maupo te'asa petondoni, sine luwuno anu horio pauo i Yohane mongkona mia andio mentee.”

I YOHANE 3:30

Ondae asalakono kolangka-langkai-Do, sine ongkue asalakono kokode-kodeiku.

I YOHANE 5:35

Ondaemo hulu anu melanga ka mewanta ka sarai koa imebehe mpo'undeakono wantano atuu.

I YOHANE 7:39

Anu tinoo-Do onaemo Penaa anu ira mentarimao anu mpompe'ala-ala ndi Ondae; hangano Penaa atuu napi hawe, hangano Ondae i Yesu napi Dopinokomaramba.

1 KORINTI 15:9

Hangano ongkuemo anu lalu i totono inso a luwuno tinena, tendeano nahi pototoku nineeako tinena, hangano kubobarasai iramo bawaa-Do Ue Ala.

1 KORINTI 6:4

Maupo kanandio, tewala asalakono komiu mebitarao mongkona pepotuwu, impeweengakonoke ndi ondae anu nahi domentinudu a laro bawaa?

EPESU 2:3

Menteeano i ndi'upua luwumami tewinso koa mbo'u i olodo, tempono kimentuwu a po'eheno aroa ka mentondao po'eheno koroi ka pinewowolomami anu mosa'o. Menteeano omami onaemo mia anu asalakono mentinekudaako, mengkena kana ondae anu mehano.

EPESU 3:8

Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu,

2 TIMOTIU 1:10

ka anu kanandio-andio pinokomengkaa a hawe-Do Puu pongkaduduito Ondae i Yesu Kerisituu, anu hangano Lele Mawongkoa pinuduomo pabawano matea ka mowawa tuwua anu nahi ta mate.

IBARANI 11:40

Hangano Ondae Ue Ala Dopatindaakitamo aasa anu lalu moiko; Ba nahi saru ontae nahi dompohawe hawe a sompoano.

1 PETURU 1:10

Tekaduduiamo atuu anu pinaresa ka pinepenteedo luwuno nabi, anu mpompau iramo anu ta gagi mongkona pe'aroa anu ta tiamiu.

1 Samueli 2:30

Onaemo pu'uno, kanandio pau-Do i Ue, Ue Alado to Isaraeli, lano Kupauomo: Pe'asa rahamu ka inulemu, ira mpopekakaako gagi sando mpesomba i aro-Ku ranta nahina tampulaano. Sine kanandio-andio, kanandiomo pau-Do i Ue: Nahi Aku mokogagio kanatuu, hangano isema anu melangkai Aku Kupelangkaio, sine isema anu me'uru-uru Aku, nahi ta pinerio.