I MATIU 10:6 - Wunta Mempori

⁶ tendeano imelakomo a luwuno bimba anu ntetadi inso a bawaa Isaraeli.

I MATIU 10:6 ပူးပေါင်းရင်းမြစ်များ

Po'unde-unde 119:176

Tesaa aku kana bimba anu tetadi, I'ungkeomo tetenaa-Miu andio, hangano luwuno parenta-Miu nahi kukolupeo.

Yesaya 53:6

Ontae luwu ntesaa kana bimba, ontae singge mpo'ala salato ontaeto, sine Dopotiiomo i Ue ndi onae mosa'ono wineweuto luwu.

Yeremia 50:17

I Isaraeli kana bimba anu tesiarawo, domensaario singa. Amba-ambano mokoledo to Asuri kumaano, ka poko'ariano kanandio-andio i Nebukanesa, mokole i Babeli, kumarasi ira wukuno.

Yeremia 50:6

Bawaa-Ku kana ira bimba ntetadi; luwuno puu mpopakambido weweu ira ntesaa, weweu ira mpelakopi a luwuno torukuno. Ondae mpelempa inso a ntorukuno melako a pongku ka mengkolupeo po'ianga pepomboleado.

Yehesikieli 34:16

Anu tetadi Aku umungkeo, anu tesaa Aku wawao mekule, anu mobela Aku waluo, anu mahaki Aku mokomorosoo, saru anu mewalo ka anu moroso Aku dumagai ira. Aku pakambi ira kana'umpe menteeano.

Yehesikieli 34:4

Anu molema nahi mpokorosoo, anu mahaki nahi mempakulio, anu mobela nahi mewaluo, anu tesaa nahi mewawao mekule, anu tetadi nahi me'ungkeo, tendeano imelolandaako ira pobobarasaia ka lambaha.

Yehesikieli 34:6

Luwuno bimba-Ku ntesaa a luwuno torukuno ka pongku anu mantande. Humbee, i luwuno wita atuu bimba-Ku ntesiarawo, nahina maupo te'asa mia anu merio ira ke umungke ira.

Yehesikieli 34:8

Hangano Ongkue anu tuwu, kanandiomo pau-Do Ue Ala, menteeano luwuno bimba-Ku gagiomo kaangado luwuno kondehora mo'ila hangano nahina anu pakambi ira; luwuno puu pompakambi-Ku nahi domperio ira bimba-Ku, tendeano pakambio koroino onaeno, sine luwuno bimba-Ku nahi domempakambi ira.

I MATIU 18:10

Impopesu'ui, si hina mompokongkodei te'asa inso a nana'ote kodei andiodo. Hangano Kupauakomiu: Hinao mala'ekado i suruga anu wela kumitao rupa-Do Ama-Ku anu i suruga. [

I MATIU 18:11

Hangano hawe-Do i Ana Manusia mongkadudui anu tetadi.]”

I LUKASI 24:47

ka mbo'u: a nee-Do lele mongkona tepidia ka po'ampunia hala asalakono pinohawe a luwuno tongku, mompu'u inso i Yerusale.

WINEWEUDO TINENA 13:46

Sine i Paulu ka i Baranaba mosia mepau, ”Lano asalakono ndi omiumo se'elu ipinalele pau-Do Ue Ala, sine nahi imentarimao ka impotae nahi pototomiu mpohawe tuwua anu nahina tampulaano. Onaemo pu'uno kami mpewolili a luwuno tongku susua.

WINEWEUDO TINENA 18:6

Sine mansado mpe'iwaliakono mia ka mpepaukiakono, itantamio pampawu inso a sangkano ka ipotaeako ira, ”Po'ineeomo ka ite'uwu reamiu a wawo ulumiu omiu-miu; ongkue morina, nahina salaku. Mompu'u kanandio-andio aku lumako a tongku susua.”

WINEWEUDO TINENA 26:20

Sine amba-ambano kupompalele a nto Yahudi i Damasi, i Yerusale ka i asa wawo wita Yudea, ka a luwuno mbo'u tongku susua, nine asalakono ka dontepidi ka mpepokule ndi Ondae Ue Ala saru meweweuo luwuno anggaa anu menunu saru tepidia atuu.

WINEWEUDO TINENA 3:26

Ka omiumo amba-ambano Dowanguakomiu Tetenaa-Do ka tumena Ira ndi omiu, ka Doronso komiu saru wawa komiu singge mia mepokule inso a luwuno wineweumiu anu mosa'o.”

1 PETURU 2:25

Hangano i ndi'upua ntesaa komiu kana bimba, sine kanandio-andio mpepokule komiumo a puu pompakambi ka mpekariao sumangamiu.