I MATIU 10:16 - Wunta Mempori

¹⁶ ”Kitao, Kutena komiu kana bimba i tonga-tongano serigala, onaemo pu'uno ka imempade mpe'aka kana ule ka imemauru kana marapatii.

I MATIU 10:16 ပူးပေါင်းရင်းမြစ်များ

Tegagia 3:1

Ule onaemo anu lalu pande i olono luwuno kondehora mo'ila anu pinokogagi-Do Ue Ala. Ule motaeakono beine atuu, ”Manasa Ondae Ue Ala mepau, ’Si kaano wuano luwuno keu a bonde andio,’ menteeke?”

Tegagia 3:13

Mepau Iramo Ue Ala a beine atuu, ”Hapa anu wineweumu andio?” Motae beine atuu, ”Ule atuu anu popandei aku, ka kukaano.”

Nehemia 4:13

Ka ku'amba monaa palili montonda pepe'etuano a luwuno po'ianga anu lalu tetotoako inso a mpo'ianga atuu, i bungkuno bente, a luwuno po'ianga anu malua, soompo saru ponai, kansai ka pana.

Yeremia 40:16

Sine i Gedalia anano i Ahikami sumangkio i Yohanani anano i Kareahi, ”Si weweuo atuu! Hangano hapa anu pinaumu mongkona i Sumaila atuu pegaupi.”

Hosea 7:11

I Eparai gagiomo kana marapatii anu momperorongeako, nahi pompewowolo; a nto Masiri dompebooli, a nto Asuri domelako.

I MATIU 24:25

Impe'ihilaroo, se'eluomo Kupauakomiu.

I MATIU 24:45

”Isemake ata anu metenunu ka pande mosongka, anu pinotorono ueno a luwuno miano ka ipoweeako ira kaanga a tempono?

I MATIU 25:2

Olima i olodo monge-monge ka olima pande mposongka.

I MATIU 25:4

sine ana beine anu mempande mposongka atuu mpowawa huludo ka lana mbo'u a mpido.

I MATIU 25:9

Sine mesangki ira ana beine anu mempande mposongka atuu: Naahi, te'ingka nahi sompo tiamami ka tiamiu. Moikoopo imelako a mia mpo'asa lana ka impo'oli i tu'ai.

I LUKASI 10:3

Imelakomo, menteeano Kutena komiu kana ana bimba i tonga-tongano serigala.

I LUKASI 21:15

Hangano Ongkue isa'a mowee komiu pau ponto'ori, ranta nahi dompoko'ewai komiu ke mesangki komiu taromiu.

WINEWEUDO TINENA 20:29

Kuto'orio, nine ba lumako akumo, serigala anu melambaha ira mpewinso i tonga-tongamiu ka nahi ta hina pompehohawado a bawaa atuu.

1 KORINTI 14:20

Pepaekompo luwu-luwu, si mpompewowolo mengkena kana nana'ote. A mosa'oa imegagimo nana-ote, sine pinewowolomiu kana mia sompoomo tinuwuno!

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

2 KORINTI 11:14

Mongkona atuu siimo ikinohali-haliako, hangano maupo i Mosa'o mo'onde-onde kana mala'eka Mewine.

2 KORINTI 11:3

Sine doito aku, ba mansa pinokontesaa pinewowolomiu inso a mpetenunumiu ntu'u ndi Ondae i Kerisituu, mengkena kana i Hawa pinopandeiako pe'akalano ule atuu.

2 KORINTI 8:20

Hangano kimetangkoroo mongkona andio: nine hinao mia anu mokotata kami mongkona pompowee petulungi anu pinelempaakomami ka anu hasilino langkai andio.

PILIPI 2:15

ka si hina tataamiu, gagi ana-Do Ue Ala anu nahina tataano i tonga-tongado mia anu memolengku aroado ka anu ntepopo'oo andio, ranta ka imemewanta i olodo kana luwuno anano wula i wawontolino,

KOLOSE 1:9

Onaemo pu'uno mompu'u tempono kimerongeo, nahi kimpenaa-naa mpekakaiakomiu. Kime'emao, ka imentarimao mperupa-rupa ponto'ori anu mentee, ka imento'orio koa ntu'u po'ehe-Do i Ue,

KOLOSE 4:5

Imentuwumo ka imebukeako ponto'ori a luwuno mia i bungkuno, imempakeomo tempo anu hina.

1 TESALONIKA 2:10

Omiumo sakosii, kanatuukoa mbo'u Ondae Ue Ala, ba kana'umpe memporino, moleono ka nahina tataano kimpelelu i olomiu, anu mpompe'ala-ala.

1 TESALONIKA 5:22

Impoko'olaiomo koroimiu inso a mperupa-rupa anu mosa'o.