I MATIU 1:20 - Wunta Mempori

²⁰ Sine tempono ipewowoloo tinoono atuu, ikitaomo mala'eka-Do i Ue a mo'ipino ka ipotae, ”I Yusupu anano i Daudi, sidoito umalao i Maria gagi beinemu hangano nana'ote a laro pe'anakaano onaemo inso a Penaa Mempori.

I MATIU 1:20 ပူးပေါင်းရင်းမြစ်များ

Tegagia 31:11

Mala'eka-Do Ue Ala mepau ndi ongkue a laro mo'ipi atuu: Yako! Ku sangki Ira: Oo Ue!

Tegagia 46:3

Ka Do'amba mepau, ”Ongkuemo Ue Ala, Ue Alano amamu. Siimo doito lako i Masiri, hangano Aku weweuko gagi tongku anu langkai i ra'ai.

1 Mokole 17:13

Sine ipotae i Elia ndi onae, ”Si doito, pekule weweuomo kana nineemu. Sine, poweweuakune se'elu te'asa bunggoli kodei roti inso a ntarigu atuu ka wawaomo ndi ongkue. Umarino atuu ka u'amba moweweu tiamu saru tiano anamu.

1 Mokole 3:5

I Gibeoni, Ondae i Ue mepopokita ndi Salomo a laro mo'ipino i tempono wongi. Mepau Iramo Ue Ala, ”Emaomo hapa anu inehemu Kuweeko.”

Po'unde-unde 119:125

Ongkue andio tetenaa-Miu, Ipowee akumo ponto'ori, ka kupokonto'orio luwuno pompakosi-Miu.

Po'unde-unde 143:8

Ipoporongeomo pompehohawa-Miu ndi ongkue i tempono mo'oru, hangano ndi Omiumo kupompe'ala-ala! Ipauakunemo pesalaa anu asalakono kutondao, hangano ndi Omiumo kutandeo sumangaku.

Po'unde-unde 94:19

Tempono laro aroaku tesawuregoako luwuno pinewowolo, pontarero-Miu mokonsanaao sumangaku.

Powadi 12:5

Sinongkano mia mentee onaemo moleoa, tinoono mia mosa'o gauno mompopo'oo.

Yesaya 26:3

Anu moroso aroano Omiu dumagaiakono rodoa, sintuwu manangai, hangano ndi Omiumo ipompe'ala-ala.

Yesaya 30:21

Birimu ta rumongeo pau andio inso i bungkumu, ”Ndiomo salano, pelempamo tumondao,” tewala komiu mpekoana ke mpemanggali.

Yesaya 51:7

Ronge Akumo, hei omiu anu mento'orio hapa anu mentee, hei tongku anu menaao pompaguru-Ku a laro aroamiu! Siimo doito a pontatano mia ka siimo makura aroa hangano pepaukido.

Yesaya 7:13

Ka i'amba motaeomo i Yesaya, ”Rongeomo hei somborino i Daudi! Napi sompoke imeweweu ira mia nte'osa, ranta iweweu Ira mbo'u Ue Alaku te'osa?

Yesaya 7:2

Tempono ipinauako somborino i Daudi, ”to Arami mpekema iramo i wita Eparai,” aroano i Ahasi ka palilino mpondidi-ndidi medoito kana keu a ntobu mpelelu ipuurio angi.

Yeremia 31:22

Opiapo mbo'u tehineno unanta-nanta, hei ana beine anu mebungkui Ira i Ue? Mentee ntu'u, Ondae i Ue mompokogagi asa anu wo'ohu i wita andio kana pelempano beine mongkopui tama.”

Yeremia 33:26

asalakono nahi Aku tumarimao inuleno i Yako ka tetenaa-Ku i Daudi, ka menaa-naa mompotoro mia inso a inuleno anu ta moparenta a inuleno i Burahima, i Saki ka i Yako. Hangano, Aku mokomoikoo teweweudo ka mehohawa ira.”

Yeremia 40:9

I Gedalia anano i Ahikami anano i Sapani mesumpa ndi ondae ka a luwuno miado, ”Siimo imedoito mpetuundu a nto Kasidimi atuu. Impo'iamo i wita andio ka mpetuundumo ndi mokole i Babeli, asalakono ta moiko teweweumiu!

Yoeli 2:28

”Ta gagi lembuino, nine Aku umuwuo Penaa-Ku a wawo luwuno mia, luwuno anamiu tama ka beine ira mpopau anu ta gagi; luwuno miamiu anu mota'u ira memo'ipi, luwuno mangalitaumiu ira mpohawe hadio pongkita.

Podoaa 12:6

Mepau Ira, ”Irongeomo pau-Ku andio. Tewala i olomiu hinao asa mia nabi, asalakono Ongkue Ue mokomengkaao koroi-Ku ndi onae a laro pongkita. Aku mepau saru onae a laro mo'ipi.

I MATIU 1:18

Hinaa-Do i Yesu Kerisituu kanandio: Tempono i Maria, ine-Do, mesambora saru i Yusupu, teto'ori onae mentia inso a Mpenaa Mempori, se'eluno napi dotuwu gagi mia mekombia.

I MATIU 2:12

Ka hangano pinopoto'oriako a laro mo'ipi, kasi dompekule ndi Herode, onaemo ka dompekule i iniado mpontonda sala susua.

I MATIU 2:13

Mansado mpelungka to majusi atuudo, tengkitaomo mala'eka-Do i Ue ndi Yusupu a laro mo'ipi ka ipotae, ”Pewangu, alaomo Nana'ote atuu saru ine-Do, polaimo i wita Masiri ka po'iamo i ra'ai hawe ka Kupepau ndi omue, hangano I Herode umungkeo Nana'ote atuu ta mepateo.”

I MATIU 2:19

Mansano mate i Herode, tengkitaomo mala'eka-Do i Ue ndi Yusupu a laro mo'ipi i wita Masiri, ipotae,

I MATIU 2:22

Sine mansano rumongeo, nine i Arakelau gagi mokole i Yehuda umeuo i Herode, amano, onae doito lumako raane. Hangano ipinauako a laro mo'ipi, lumakoomo i Yusupu i wita Galilea.

I MATIU 27:19

Tempono mentoro i Pilatu a ngkadera pobitaraa, beineno montena mowawa pe'oliwi ndi onae, ”Si salo-saloo kara-karano mia mentee atuu, Nde hangano Ondae ka kutedoa marasai a laro mo'ipiku hieno wongi.”

I MATIU 28:5

Sine mala'eka atuu motaeako ira beine atuu, ”Siimo imedoito; hangano kuto'orio ime'ungke Ira i Yesu anu pinaso a ngkeu pinotamba atuu.

I LUKASI 1:19

Mala'eka atuu sumangkio, ”Ongkuemo i Gabarieli anu mekakaako Ira Ue Ala ka tinena akumo mepauakomu ka mohaweo lele moiko andio ndi omue.

I LUKASI 2:4

Kanatuu koa mbo'u i Yusupu inso i kota Nasare lumako i Galilea i wita Yudea kotano i Daudi anu meneeako Beteleme – Hangano onae te inso a nsombori ka inuleno i Daudi –

WINEWEUDO TINENA 5:19

Sine tempono wongi aasa mala'eka-Do i Ue umungkahio luwuno tondono torungku atuu ka iluarako ira, ipotae,

MENGKAAA 19:7

Aiwamo tompo'unde ka mengkokora-kora memawongko, ka melangkai Ira! Hangano oleo petaoa-Do Ana Bimba haweakoomo, ka umbu ngkoroi-Do tetindaomo.

Puu Mpobitara 13:3

Ka i'amba Malaeka-Do i Ue mepopokita ia beine atuu ka ipepauakono, ”Mentee omue biita, nahina anamu, sine ikomentia ka me'anaako asa ana ntama.