I MARAKUSU 9:41 - Wunta Mempori

⁴¹ Kupauakomiu: Menteeano ba isema mpo'inuakomiu uwoi te'asa sangkiri hangano omiu tumonda Ira i Kerisituu, nahi ta tetadi tambono.”

I MARAKUSU 9:41 ပူးပေါင်းရင်းမြစ်များ

I MATIU 10:42

Ka ba isema mompowee uwoi morini maupo te'asa sangkirimo koa a mia anu kodei andio, hangano onae ana guru-Ku, Kupauakomiu: Menteeano nahi ta tetadi tambono inso ndi onae.”

I MATIU 25:40

Ka Mokole atuu ta sumangki ira: Kupauakomiu, menteeano luwuakoano anu wineweumiu tiano asa mia inso a mpepaekompo-Ku anu tedoa mongkokolaro andio, imeweweuomo ndi Ongkue.

I MARAKUSU 4:10

Tempono asa-asa-Do, luwuno anu tumonda Ira ka hopulu ka orua ana guru-Do atuu mpesikeno ndi Ondae mongkona potundaano atuu.

ROMA 14:15

Hangano tewala upokomahakio aroano pepaekompomu hangano hapa anu kinaamu, onaemo ka nami utuwu mbo'u montonda inemano pompehohawa. Si solangio pepaekompomu hangano kaangamu, hangano Domateakonomo i Kerisituu.

ROMA 8:9

Sine omiu komba mentuwu a tuwu ntolino, tendeano a Mpenaa, tewala Penaa-Do Ue Ala lano mo'ia i laromiu. Sine tewala mia nahina Penaa-Do i Kerisituu, onae komba mia-Do i Kerisituu.

1 KORINTI 15:23

Sine sompo-sompo mia montonda potudano: anu amba-ambano Ondae i Kerisituu; umarino atuu ondae anu gagi mia-Do i tempono hawea-Do.

1 KORINTI 3:23

Sine omiu onaemo mia-Do i Kerisituu ka Ondae i Kerisituu onaemo mia-Do Ue Ala.

2 KORINTI 10:7

Imengkitaomo anu mengkaa i arono matamiu! Tewala hinao asa mia anu memanasao, nine onae mia-Do i Kerisituu, asalakono ka ipompewowolo i laro aroano, nine omami mbo'u mia-Do i Kerisituu mengkena kana onae.

GALATIA 3:29

Ka tewala omiu mia-Do i Kerisituu, asalakono omiu mbo'u inuleno i Burahima ka tekona imentarimao dandi-Do Ue Ala.

GALATIA 5:24

Ba isema gagi mia-Do i Kerisituu Yesu, ipasoomo tuwu ntolino saru luwuno po'eheno aroano ka mosisirino a ngkeu pinotamba.