I MARAKUSU 9:27 - Wunta Mempori

²⁷ Sine Do'inio i Yesu kaeno nana'ote atuu ka Dowanguo, ka i'amba mentadeako onaeno.

I MARAKUSU 9:27 ပူးပေါင်းရင်းမြစ်များ

Yesaya 41:13

Hangano Ongkue, Ue, Ue Alamu, uminio kae ngkoanamu ka mepau ndi omue, ”Siimo doito, Ongkuemo anu tumulungiko.”

I MATIU 9:25

Mansado mensinaari mia hadio, mewinso Ira i Yesu ka Do'inio kaeno nana'ote atuu, ka i'amba mewanguomo nana'ote atuu.

I MARAKUSU 1:31

Lumako Ira a mpo'iangano beine atuu, ka tekonai uminio kaeno Dowanguo, ka i'amba tompaomo mokulano. Ka i'amba beine atuu mekakaako ira.

I MARAKUSU 1:41

Ka teleluomo aroa-Do mehohawao, ka Do'amba tumasiakono kae-Do, umanggao mia atuu ka Dopotae, ”Behe Aku, ka ugagimo tompa.”

I MARAKUSU 5:41

Ka Do'amba uminio kaeno nana'ote atuu, Dopotae, ”Talita kum,” anu pengkonaano, ”Hei ana, Kupauakomu, pewangumo!”

I MARAKUSU 8:23

Do'inio i Yesu kaeno mia morawu atuu ka Dowawao meluarako inso a inia. Ka Do'amba umonuio matano mia atuu ka dumampoakono kae-Do i wawono, ka Dopesikeno, ”Hinaomoke kinitamu?”

I MARAKUSU 9:26

Ka i'amba meluarakoomo onitu nsa'o atuu saru mebooli ka nggumenggetoo nana'ote atuu meroku ntu'u. Nana'ote atuu tengkita kana mia mate, ranta hadio mia anu mpotae, ”Mateomo.”

I MARAKUSU 9:28

Tempono Ondae i Yesu kongko Iramo i raha, ka butumo koa Ondae saru ana guru-Do, mpesikeno iramo, ”Tembio nahi kimpokosaario onitu nsa'o atuu?”

WINEWEUDO TINENA 23:19

Onaemo ka i'inio petewawado sorodadu atuu kaeno mangalitau atuu, ka i'amba wawao i horino ka ipesikeno, ”Hapa anu kopauakune?”

WINEWEUDO TINENA 3:7

Ka i'amba uminio kae ngkoanano mia atuu ka ipokowalio mentade. I tempo koa atuu morosoomo karuno mia atuu.

WINEWEUDO TINENA 9:41

I'inio i Peturu kaeno ka mokowalio mentade. Ka i'amba moboi ira mia mempori saru luwuno tuwu beine, ka i'amba tumisoako ira, nine beine atuu tuwu.