I MARAKUSU 9:24 - Wunta Mempori

²⁴ Mompari-pariomo amano nana'ote atuu mebooli, ”Kupe'ala-alao. Itulungi akumo anu nahi pompe'ala-ala andio!”

I MARAKUSU 9:24 ပူးပေါင်းရင်းမြစ်များ

2 Samueli 16:12

Bara'ura Ondae i Ue Ira kumitao marasaiku andio ka Ondae i Ue mombaloako moikoa ndi ongkue euno pontotonaano mia atuu a oleo andio.”

2 Mokole 20:5

”Pekulemo ka pauakono i Hisikia, mokoledo bawaa-Ku: Kanandiomo pau-Do i Ue, Ue Alano i Daudi, ama mpu'umu: Kurongeomo pekakaimu ka Kukitaomo uwoi matamu. Menteeano Aku koa mokotompako. A oleo ko'otolu omue kolumako a raha-Do i Ue.

Po'unde-unde 126:5

Mia anu morawo inii saru mowera uwoi mata, ta sumowi saru kokora-kora mawongko.

Po'unde-unde 39:12

Omiu tumunduhiakono pohuku asa mia hangano salano, ka kumaano pingko tekosino mengkena kana ule-ule; mentee ntu'u, sompo mia butu nahina tuduno. Sela

Yeremia 14:17

Pauako iramo pau andio, ”Uwoi mataku nte'i'iti meene ka wongi nahi penaa-naa, hangano ana beine, ana beineno tongkuku, mobela langkai, mobela anu nahi ta tepakuli.

I MARAKUSU 9:23

Sumangki Ira i Yesu, ”Potaemu: tewala Ipolio? Nahina anu nahi ta gagi a mia anu mompe'ala-ala!”

I MARAKUSU 9:25

Mansa-Do kumitao i Yesu mia kohadi-hadiono mehawe mpenggowo, Dotekudaakono onitu nsa'o atuu, Dopotae, ”Hei omue onitu nsa'o anu mokobebeo mia ka mokomobongoo, Kuparentako, peluarakomo inso a nana'ote andio ka si pewinso mbo'u!”

I LUKASI 17:5

Ka do'amba mpotae tinena atuudo ndi Ondae i Ue, ”Itiangiakami pompe'ala-alamami!”

I LUKASI 7:38

Kontongaano mengese ka ilako mentade i bungku-Do i Yesu umpeda a ngkaru-Do, ka i'amba bahoakono uwoi matano karu-Do atuu ka ipahihiakono wuuno, ka i'amba woo-wooo karu-Do ka ilanaiakono mina-mina atuu.

I LUKASI 7:44

Ka kontongaa-Do mewolili a beine atuu, Dopotaeakono i Simo, ”Ukitao beine andio? Kupewinso a rahamu, sine nahi upowee Aku uwoi pewo'ohi ngkaru-Ku, sine onae uwoi matano ibahoakono karu-Ku ka ipahihiakono wuuno.

WINEWEUDO TINENA 10:19

Ka tempono i Peturu kontongaano mewowoloo mongkona pongkitano atuu, mepauomo Penaa, ”Hinao otolu ira mia umungkeko.

WINEWEUDO TINENA 10:31

ka ipotae: Koroneliusu, pekakaimu Dorongeomo Ue Ala ka pontulungimu mia mongkokolaro Doto'oriomo.

2 KORINTI 2:4

Kupoburiakomiu wunta saru aroa anu tedoa salalaro ka mompema'iso saru hadio uwoi mataku nte'i'iti, komba ka imasusa aroamiu, sine ka imento'orio tedoa langkai pompehohawaku ndi omiu luwu.

EPESU 2:8

Nde hangano pe'aroa ka imengkinaduduiako pompe'ala-ala; atuu komba hasilino usahamiu, sine pompowee-Do Ue Ala,

PILIPI 1:29

Hangano ndi omiu mewineeako komba butu ka impe'ala-ala Ira i Kerisituu, tendeano ka imemarasaiako Ira koa mbo'u,

2 TESALONIKA 1:11

Onaemo pu'uno ka kiwela mpekakaiakomiu mbo'u, ka Dopetekona komiu Ue Ala a mpepoboi-Do ka saru roso-Do mokosompoo po'ehemiu mpoweweu moiko ka mokosompoo inanggano pompe'ala-alamiu,

2 TESALONIKA 1:3

Omami asalakono pontarimakasi mpiha ndi Ondae Ue Ala hangano omiu, pepaekompoku luwu-luwu. Ka lano tekona ka ikanandio, hangano pompe'ala-alamiu koteti-tetiangino ka mambe pehohawamiu komoro-morosono i olomiu,

2 TIMOTIU 1:4

Ka tewala terorambe aku a uwoi matamu anu linuarakomu, ineheku wali kumitako ka ibukemo po'undeku.

IBARANI 12:17

Hangano imento'orio, nine lembuino, tempono ta tumarimao ronso atuu, nahi wineeako, hangano nahi pohawe tempo mokomoikoo salano, maupo i'ungkeakono uwoi mata.

IBARANI 12:2

Aiwamo tomeweweuo saru mata anu te'aro ndi Ondae i Yesu, anu wawa kita a pompe'ala-ala, ka anu wawao pompe'ala-alato atuu a sompoano, anu nahi Doperioo mokoko'iia mpo'asao aroato po'ahao keu pinotamba euno po'undea anu Dopinatindaako, anu kanandio-andio mentoro i koanano kadera poparentaa-Do Ue Ala.

IBARANI 5:7

A ntuwu-Do kana mia, Dopesombaakonomo pekakai ka saru monsabangi mompemasusa mo'ema ndi Ondae, anu polio kumadudui Ira inso a matea, ka hangano mempori-Do rinonge Iramo.