I MARAKUSU 9:23 - Wunta Mempori

²³ Sumangki Ira i Yesu, ”Potaemu: tewala Ipolio? Nahina anu nahi ta gagi a mia anu mompe'ala-ala!”

I MARAKUSU 9:23 ပူးပေါင်းရင်းမြစ်များ

2 Tawarika 20:20

Tisomono mo'o-mo'oru melako ira te'aro i pada one Tekoa. Mansano ira mpelungka, mentadeomo i Yosapa, ka ipotae, ”Rongeo, oo Yehuda ka palilino Yerusale! Impe'ala-ala Iramo i Ue, Ue Alamiu, ka komiu memoroso mpiha! Impe'ala-ala iramo nabi-Do, ka komiu mpehasili!”

I MATIU 14:29

Dopotae i Yesu, ”Aiwamo!” Onaemo ka ipetii i Peturu inso a bangka ka ipelempa a wawo uwoi tepohaweako Ira i Yesu.

I MATIU 17:20

Dopotaeako ira, ”Hangano kodei pompe'ala-alamiu. Hangano Kupauakomiu: Menteeano ba hinao pompe'ala-alamiu kanamo koa langkaino wuku rawoho komiu mpokompotaeakono torukuno andio: Pelimba raane inso a mpo'ianga andio – asalakono torukuno andio melimba, ka nahina anu nahi ta gagi ndi omiu. [

I MARAKUSU 11:23

Kupauakomiu: Menteeano ba isema motaeakono torukuno andio: Pelimbamo ka tetadiako a laro ntahi! Poolo nahi nanta-nanta aroano, sine ipe'ala-alao, nine hapa anu pinauno atuu ta gagi, asalakono atuu ta gagi ndi onae.

I MARAKUSU 9:22

Ka mararu onitu nsa'o atuu wawao a laro api ke a laro uwoi ta mepateo. Onaemo pu'uno tewala Ipolio moweweu hapamo koa, Itulungi kami ka Ipehohawa kamimo.”

I MARAKUSU 9:24

Mompari-pariomo amano nana'ote atuu mebooli, ”Kupe'ala-alao. Itulungi akumo anu nahi pompe'ala-ala andio!”

I LUKASI 17:6

Sumangki Ira i Ue, ”Tewala hinao pompe'ala-alamiu kanamo koa langkaino wuku rawoho, komiu mpokompotaeakono keu ara andio: Tebutaomo ka tepahomo a laro ntahi, ka ta tumondao paumiu.”

I YOHANE 11:40

Sumangki Ira i Yesu, ”Kombake umariomo Kupauakomu: Tewala upe'ala-alao kokumitao maramba-Do Ue Ala?”

WINEWEUDO TINENA 14:9

Onae mentoro momperorongeako, tempono ipepau i Paulu. Ka i Paulu kumokontoo ka ikitao, nine hinao pompe'ala-alano anu ta mokotompao.

IBARANI 11:6

Sine ba nahina pompe'ala-alano mia nahi Ira memoikoo Ue Ala. Hangano ba isema rumangkuhi Ira Ue Ala, asalakono ipe'ala-alao nine kongko Ira Ue Ala, ka nine Ondae Ue Ala moweeakono tambo mia anu umungke Ira ntu'u.