I MARAKUSU 9:19 - Wunta Mempori

¹⁹ Onaemo Ondae i Yesu ka Dopotaeako ira, ”Hei omiu mia anu nahi mpompe'ala-ala, opiapo mbo'u tehineno Kupo'ia i olomiu? Opiapo mbo'u tehineno asalakono Kusabara ndi omiu? Wawaomo ramai nana'ote atuu!”

I MARAKUSU 9:19 ပူးပေါင်းရင်းမြစ်များ

Po'unde-unde 78:22

hangano nahi dompe'ala-ala Ira Ue Ala, ka nahi dompomperorohi pontulungi-Do.

Podoaa 14:11

Pau-Do i Ue ndi Musa, ”Hawe te'ipia mbo'u domentata Aku tongku andio ka hawe te'ipia mbo'u nahi domebehe mpompe'ala-ala ndi Ongkue, maupo hinaomo luwuno anu kinohali-haliako anu Kuweweuo i tonga-tongado!

Podoaa 14:22

luwuno mia anu kumitaomo maramba-Ku ka luwuno anu kinohali-haliako anu Kuweweuo i Masiri ka i pada one, sine pempulumo dome'ara-arahako Aku ka nahi domebehe merongeo pau-Ku,

Podoaa 14:27

”Hawe te'ipia mbo'u ke bawaa anu lambaha andio mpewuruki ndi Ongkue? Luwuno pewurukido to Isaraeli ndi Ongkue Kurongeomo.

I MATIU 17:17

Ka motae Iramo i Yesu, ”Hei omiu mia atuudo anu nahi mpompe'ala-ala ka anu mebulalingo te'opiapo mbo'u tehineno Kupo'ia i olomiu? Te'opiapo mbo'u tehineno Kusabara ndi omiu? Wawaomo nana'ote atuu ramai!”

I MARAKUSU 16:14

Poko'ariano mesabaako Ira a ana guru-Do anu hopulu ka aasa atuu tempono kontongaado mpongkaa, ka Dotatao hangano nahi dompompe'ala-ala ka moteano aroado, hangano nahi dompe'ala-ala ira mia anu mengkita Iramo umari-Do mewangu.

I MARAKUSU 9:18

Ka sompo i'aluo, onitu nsa'o atuu mepasiakono a wita; ka i'amba ngangano mewure, ngisino kokoru ka koroino tidongkora. Ku'emaomo a ana guru-Miu, ka domensaario onitu nsa'o atuu, sine nahi domempolio.”

I MARAKUSU 9:20

Ka do'amba mewawao ndi Ondae. Tempono onitu nsa'o atuu kumita Ira i Yesu, mompari-pariomo rumensuao nana'ote atuu, ka nana'ote atuu nggumenggetoo, ka nana'ote atuu tepasiako a wita ka telundi-lundi, saru ngangano mewure.

I LUKASI 24:25

Ka Do'amba motaeako ira, ”Hei omiu mia benge-benge, momalu lahi aroamiu, ranta nahi mpe'ala-ala ira luwuakoano anu domempauomo nabi!

I LUKASI 9:41

Onaemo ka Dopotae i Yesu, ”Hei omiu mia anu nahi mpompe'ala-ala ka anu ntepopo'oo, ta te'opiapo mbo'u tehineno Kupo'ia i olomiu ka sabara ndi omiu? Wawaomo anamu atuu ramai!”

I YOHANE 12:27

Kanandio-andio te'urense laro-Ku ka hapa anu Aku pauo? Ama, Ikadudui Akumo inso a tempo andio? Naahi, hangano onaemo pu'uno ka Kuhawe a tempo andio.

I YOHANE 20:27

Ka Do'amba motaeakono i Toma, ”Naaomo wunga ngkaekumu i ndi'ai ka kitaomo kae-Ku, tasiomo kaemu ka winsoomo a lompe-Ku ka si nahi upompe'ala-ala mbo'u, tendeano pompe'ala-alamo.”

Winali 32:20

Mepau Ira: Aku wunio rupa-Ku inso ndi ondae, ka kumitao kana'umpe pokotompaado, hangano ondae asa ntuwua anu molengku, luwuno ana anu nahi petenunu.