I MARAKUSU 9:12 - Wunta Mempori

¹² Sumangki Ira i Yesu, ”Lano i Elia ta hawe se'elu ka mokomoikoo luwuakoano. Butu, kana'umpe anu hinao teburi mongkona i Ana Manusia, nine ta hadio pompemarasai-Do ka Ira pinokongkodei?

I MARAKUSU 9:12 ပူးပေါင်းရင်းမြစ်များ

Po'unde-unde 74:22

Ipentademo, oo Ue Ala, I'alaakonomo kara-kara-Miu! Irambeomo kana'umpe mia monge-monge tumata Komiu hawe sumoo oleo.

Yesaya 49:7

Kanandiomo pau-Do i Ue, Anu Tedoa Mempori, Pontolosido to Isaraeli, ndi onae anu tedoa domentatao mia, ndi onae anu gagi mokoburudo tongku, a atado anu mempabawa, ”Luwuno mokole ira mengkitao wineweu-Ku, ka do'amba mpentade mpelangkaio, ka luwuno anu langkai potorono ira mpenggolontu mpesomba, hangano Ondae i Ue anu uminio dandi-Do hangano Anu Tedoa Mempori, Ue Alado to Isaraeli, anu binikiko.”

Yesaya 50:6

Kupeweengakono bungkuku a mia anu mentunduhi aku, ka kombisiku a mia anu mebutao danggoku. Nahi kuwunio rupaku tempono kutinata ka inonui.

Yesaya 52:14

Kana'umpe hadio mia ira ntededengke mengkitao – tedoa mosa'o rupano, komba kana mia mbo'u, ka tadeno komba kana mia mbo'u –

Sakaria 11:13

Sine mepau Iramo i Ue ndi ongkue, ”Pepasiakonomo salaka atuu a mpuu mpo'angga labu! Tedoa mantande domentudu Aku!” Ka ku'amba umalao tolu pulu lempe salaka atuu ka mepasiakono a mpuu mpo'angga labu a raha-Do i Ue.

Sakaria 13:7

”Hei ponai, pelelumo ewaio puu pompakambi-Ku, ewaio mia anu umpeda ndi Ongkue!”, kanandiomo pau-Do Ueno luwuakoano. ”Pepateomo puu mpopakambi, ka dontesiarawo asa bawaa bembe bimba! Aku woliteo kae-Ku maupo ndi ondae anu molema.

Maleaki 4:6

Onae ta weweuo aroano luwuno ama mepokule a anano ka aroano luwuno ana te'aro ndi amano ka si Kuhawe rumawo-rawoo tolino.

I MATIU 16:21

Mompu'u i tempo atuu Ondae i Yesu mompu'u mokomengkaao a ana guru-Do nine Ondae asalakono Ira lumako i Yerusale ka montembi hadio marasaia inso a mia memota'u, petewawado sando mpesomba ka guru agama, ka Do'amba pinepate ka winangu a oleo ko'otolu.

I MATIU 26:24

I Ana Manusia lano Ira lumako menunu saru anu teburi mongkona Ondae, sine masolaomo mia anu hangano onae ka Dopineweengako i Ana Manusia atuu. Moikoopo mia atuu ba nahi pine'anaako.”

I MARAKUSU 10:33

Dopotae, ”Kanandio-andio kita melako i Yerusale ka i Ana Manusia Ira pineweengako a mpetewawado sando mpesomba ka guru agama, ka ira mempakosiao Ondae hinuku mate. Ka Ira pineweengako a luwuno tongku anu nahi domento'ori Ira Ue Ala,

I MARAKUSU 9:13

Sine Kupauakomiu: Lano haweomo i Elia ka domeweweuo mia montonda po'ehedo, menunu saru anu hinao teburi mongkona onae.”

I MARAKUSU 9:31

hangano kontongaa-Do paguru ira ana guru-Do. Dopotaeako ira, ”I Ana Manusia Ira pineweengako a ngkaeno mia, ka do'amba mpepate Ira, ka otolu oleo umari-Do pinepate Ira mewangu,”

I LUKASI 1:76

Ka omue, hei anaku konineeako nabi-Do Ue Ala Anu Lalu i Wawono; hangano komelempa mese'elungi Ira i Ue patindaako Ira pesalaa-Do.

I LUKASI 23:11

Ka mompu'uomo i Herode ka sorodaduno tumata Ira ka mopodeu-deu Ira, ipokonaako Ira lemba meloe pompelangkai ka i'amba metena mokule Ira ndi Pilatu.

I LUKASI 23:39

Asa mia inso a mia mosa'o gauno anu ndinoe atuu mepaukiako Ira, ipotae, ”Kombake Omiumo i Kerisituu? Kaduduiomo koroi-Miu ka omami!”

WINEWEUDO TINENA 1:6

Ka mpesikeno iramo anu mpepumpu i tu'ai, ”Ue, nde behe Komiu a tempo andio momuleo poparentaado to Isaraeli?”

WINEWEUDO TINENA 4:11

Ondaemo i Yesu watu anu tinadido anu mpowangu raha – onaemo omiumo isa'a –, sine gagi Iramo watu empehino siuno.