I MARAKUSU 9:1 - Wunta Mempori

¹ Dopotaeako ira mbo'u, ”Kupauakomiu, menteeano i olono mia anu mehawe i ndi'ai hinao anu nahi ta mate ba napi domengkitao nine Poparentaa-Do Ue Ala haweomo saru pabawa.”

I MARAKUSU 9:1 ပူးပေါင်းရင်းမြစ်များ

I MATIU 16:28

Kupauakomiu: Menteeano i olodo mia anu mekongko i ndi'ai hinao anu nahi ta mate ba napi domengkita Ira i Ana Manusia hawe gagi Mokole a laro Poparentaa-Do.”

I MATIU 24:30

I tempo atuu ta tengkita petondoni-Do i Ana Manusia i langi ka luwuno tongku i tolino ira mposabangi ka mengkita Ira i Ana Manusia aiwa a wawo nseru i langi saru luwuno pabawa ka maramba-Do.

I MATIU 25:31

”Tewala hawe Ira i Ana Manusia a laro maramba-Do ka luwuno mala'eka mperongaako Ira, ka Ira mentoro a wawo ngkadera marambaa-Do.

I MARAKUSU 13:26

I tempo atuu mia ta kumita Ira i Ana Manusia hawe a laro nseru saru luwuno pabawa ka maramba-Do.

I MARAKUSU 13:30

Kupauakomiu: Menteeano mia andiodo nahi ira metampula, ba napi gagi luwuno atuu.

I LUKASI 2:26

ka ndi onae Dopokomengkaaomo Penaa Mempori, nine onae nahi ta mate ba napi kita Ira i Mesia, onaemo Ondae anu inurapi-Do i Ue.

I LUKASI 22:18

Hangano Kupauakomiu: mompu'u kanandio-andio nami Aku mo'inu mbo'u hasilino keu anggoro ranta ka ihawe Poparentaa-Do Ue Ala.”

I LUKASI 22:30

nine komiu mpongkaa ka mpo'inu mpe'asa meda saru Ongkue a laro Poparentaa-Ku ka komiu mpentoro a wawo ngkadera poparentaa bitara ira hopulu ka orua suku Isaraeli.

I LUKASI 9:27

Kupauakomiu: Menteeano i olodo mia anu mekongko i ndi'ai hinao anu nahi ta mate ba napi domengkitao Poparentaa-Do Ue Ala.”

I YOHANE 21:23

Ka tepaleleomo lele i olodo anu mpepe'etu atuu, nine ana guru atuu nahi ta mate. Sine Ondae i Yesu nahi Dopauakono i Peturu, nine ana guru atuu nahi ta mate, tendeano, ”Tewala inehe-Ku ka i kongko tuwu ranta ka Kuhawe, komba to'oriamu atuu.”

IBARANI 2:9

Sine Ondae, anu a tempo sarai wineweu tetotoako tedei sekono luwuno mala'eka, onaemo Ondae i Yesu, tomengkita Ira, anu hangano tebobarasaiano matea, rinamba-ramba uluako marambaa ka pelangkai, ka Dopembasaio matea tiano luwuno mia hangano pe'aroa-Do Ue Ala.