I MARAKUSU 8:34 - Wunta Mempori

³⁴ Ka Do'amba i Yesu moboi ira mia hadio ka ana guru-Do ka Dopotaeako ira, ”Sompo mia anu ineheno tumonda Aku, asalakono ka ihapuo koroino, po'ahao keu pinotambano ka itonda Aku.

I MARAKUSU 8:34 ပူးပေါင်းရင်းမြစ်များ

1 Mokole 14:8

Kukansa-kansaomo poparentaa inso a nsomborino i Daudi, ka meweengakono ndi omue, sine omue nahi kana tetenaa-Ku i Daudi anu mekariao luwuno parenta-Ku ka tumonda Aku a tompaano aroano ka moweweu butu anu mentee a pongkita-Ku.

Podoaa 14:24

Sine tetenaa-Ku i Kalebi, hangano me'aroa susua ka buke petondano ndi Ongkue, Aku wawao mewinso a wita anu umariomo ipewinsokio atuu ka inuleno ta me'ueo.

I MATIU 10:38

Ba isema nahi po'ahao keu pinotambano ka itonda Aku, nahi pototono ndi Ongkue.

I MATIU 16:24

Ka Do'amba i Yesu motaeako ira ana guru-Do, ”Sompo mia anu tumonda Aku, asalakono ka ihapuo koroino, po'ahao keu pinotambano tumonda Aku.

I MATIU 27:32

Ka do'amba mpelempa mpeluarako inso a ngkota, dontepotowoakono asa mia inso i Kirene anu meneeako i Simo. Mia atuu domedadaio ka ipo'ahao keu pinotamba-Do i Yesu.

I MARAKUSU 10:21

Sine Ondae i Yesu mengkita ndi onae ka Dopehohawao, ka Do'amba motaeakono, ”Aasapo mbo'u makuramu: lakomo, asaomo hapa anu pine'uemu ka peweengakonomo atuu a mia memongkokolaro, asalakono komohawe arataa i suruga, umarino atuu aiwamo ramai ka tonda Akumo.”

I MARAKUSU 7:14

Ka Do'amba i Yesu moboi ira mbo'u mia hadio ka Dopotae, ”Luwumiu, Imeronge Akumo ka impe'ihilaroo.

I LUKASI 13:24

Dosangki ira i Yesu mia i tu'ai, ”Imempari-pariomo ka impewinso telalo a mpewowa anu ma'iso atuu! Hangano Kupauakomiu: Hadio mia anu pompari-pari ira mpewinso, sine nahi ira mempolio.

I LUKASI 14:33

Kanandiomo mbo'u sompo-sompo mia i olomiu, anu nahi potolao koroino inso a luwuno arataano, nahi pokogagi ana guru-Ku.

I LUKASI 18:22

Rumongeo atuu motae Ira i Yesu ndi onae, ”Da hinao aasa rupapo mbo'u anu asalakono ka uweweuo: asaomo luwuno arataamu ka tia-tiaomo atuu a mia memongkokolaro, ka komohawe arataa i suruga, umarino atuu aiwamo ramai ka utonda Aku.”

I LUKASI 20:45

Mansado merongeo luwuno mia hadio, Motae Ira i Yesu a luwuno ana Guru-Do,

I LUKASI 9:23

Dopotaeako ira luwu, ”Sompo mia anu ta tumonda Aku, asalakono ipebungkuio koroino, po'ahao keu pinotambano sompo oleo ka itonda Aku.

I YOHANE 10:27

Luwuno bimba-Ku domperorongeakono suara-Ku ka Kuto'ori ira ka domentonda Aku,

I YOHANE 19:17

Meluarako Ira ka Dopo'ahao keu pinotamba-Do lumako a mpo'ianga anu meneeako Po'iangano Taku ulu, a mpau Ibarani: Gologota.

WINEWEUDO TINENA 14:22

A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia.

ROMA 6:6

Hangano tomento'orio, nine mia laanoto pinasoomo a ngkeu pinotamba, ka itetadi pabawano koroi ntehalato, ka si tontepe'ata mbo'u a hala.

ROMA 8:17

Ka tewala ontae ana, asalakono ontaemo mbo'u mpe'umbuo pusaka, tinoono luwuno mia anu tekona tumarimao luwuno dandi-Do Ue Ala, anu ira mentarimao meronga saru Ondae i Kerisituu, onaemo tewala memarasai kita meronga saru Ondae, ka tomempinokomaramba koa mbo'u meronga saru Ondae.

1 KORINTI 15:31

Pepaekompo, sompo-sompo oleo kutepo'aroako matea. Hangano kupo'undeakomiu ndi Ondae i Kerisituu Yesu, Ueto, kupauo, nine mongkona andio mentee.

1 KORINTI 8:13

Onaemo pu'uno tewala kaanga gagi watu tetiduno pepaekompoku, ranta nahina tampulaano nahi aku mongkaa mbo'u bau, ka si kugagi watu tetiduno pepaekompoku.

1 KORINTI 9:19

Maupo ongkue komba atado luwuno mia, kupokogagio koroiku atado luwuno mia, ka ihadio koa mia hinaweku.

GALATIA 2:20

maupo kanatuu tuwu aku, sine komba da ongkueku mbo'u anu tuwu, tendeano Ondae i Kerisituu anu tuwu i laroku. Ka tuwuku anu kutuwuako a ngkoroiku kanandio-andio, onaemo tuwu hangano pompe'ala-ala ndi Ondae Ana-Do Ue Ala anu mehohawa akumo ka meweengakono koroi-Do hangano ongkue.

GALATIA 5:24

Ba isema gagi mia-Do i Kerisituu Yesu, ipasoomo tuwu ntolino saru luwuno po'eheno aroano ka mosisirino a ngkeu pinotamba.

GALATIA 6:14

Sine ongkue nahi kubehe ntu'u mawongko, sangkadio a ngkeu pinotamba-Do Ueto i Yesu Kerisituu, hangano Ondae ka kupinasoako wawontolino a ngkeu pinotamba, ka ongkue tiano wawontolino.

PILIPI 3:10

Po'eheno aroaku onaemo ka kuto'ori Ira ka pabawano pewangu-Do ka tepo'asaa a nteweweu nsa'o-Do, ka kugagi mengkenaako Ira a matea-Do,

PILIPI 3:7

Sine hapa anu i ndi'upua gagi uraku, kanandio-andio kutuduo rugiku hangano Ondae i Kerisituu.

KOLOSE 1:24

Kanandio-andio kupo'undeakono marasaiku hangano omiu, ka mokosompoo a ngkoroiku hapa anu makura a ntebobarasai-Do i Kerisituu, tiano koroi-Do, onaemo bawaa.

KOLOSE 3:5

Onaemo pu'uno impepateomo a laro ngkoroimiu luwuakoano anu po'eheno wawontolino, onaemo pebelesua, mokoburua, po'eheno aroa, pinewowolo mosa'o ka medokoli mbo'u anu mengkena saru mompesombai lahumoa,

2 TESALONIKA 3:11

Kimempauo andio hangano kimerongeo, nine hinao mia anu nahi te'atora tuwuno ka nahi po'angga, tendeano osupoako anu nahina tuduno.

TITU 2:12

Onae paguru kita ka tomebintao gau mosa'o ka luwuno mosisiri ntolino ka tomentuwu pande mponsongka, moleo ka mpesomba i wawontolino kanandio-andio

IBARANI 13:13

Onaemo pu'uno aiwamo ka tomelako ndi Ondae i bungkuno pekemaa ka mentembio tekoko'ii-Do.

1 PETURU 4:1

Gaagi, hangano marasai Iramo i Kerisituu tebobarasai ngkoroi, maupo omiu mbo'u asalakono imemparewaakono pompewowolo kanatuu koroimiu, – hangano ba isema marasaiomo tebobarasai ngkoroi, menaa-naaomo moweweu hala –,

1 PETURU 4:13

Tendeano, impo'undemo, menunu saru tia anu hinawemiu a ntebobarasai-Do i Kerisituu, ka impohawe koa mbo'u mawongko ka mpo'unde a tempo Dopokomengkaao maramba-Do.

2 PETURU 1:14

Hangano kuto'orio, nine aku ronga kubintao koroiku andio, kana anu umariomo Dopauakune i Yesu Kerisituu, Ueto.

1 YOHANE 3:16

Kanandiomo tomento'orio pompehohawa-Do i Kerisituu, onaemo nine Dopeweengakonomo penaa-Do tiato; gaagi ontae mbo'u asalakono tompeweengakono penaato tiado pepaekompoto.

MENGKAAA 2:10

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.