I MARAKUSU 8:11 - Wunta Mempori

¹¹ Ka i'amba mehawe iramo to Parisi mambe sikeno saru Ondae i Yesu. Ka do'araha-arahako Ira mpo'ema petondoni inso i suruga.

I MARAKUSU 8:11 ပူးပေါင်းရင်းမြစ်များ

Peluarakoa 17:2

Gaagi, dompegagaakono i Musa, ka dompotae, ”Powee kamimo uwoi, ka kimpo'inu.” Sine ipotae i Musa ndi ondae, ”Tembio ka impegagaakune? Si me'ara-arahako Ira i Ue?”

Peluarakoa 17:7

Po'ianga atuu nineeako Masa ka Meriba, hangano to Isaraeli mpegaga ka dome'ara-arahako ira i Ue dompotae, ”Ndio Ira koa ke i Ue i oloto?”

Maleaki 3:15

Kanandio-andio, mpotae kita mia mompelangka-langkai manangai. Mia anu mpoweweu gau mosa'o atuu komba butu me'ura, sine toola koa mbo'u maupo dome'ara-arahako Ira Ue Ala.”

I MATIU 12:38

I tempo atuu mpotae iramo ba opia anu mponto'ori Taura ka to Parisi ndi Ondae i Yesu, ”Guru, kami mingki mpongkita te'asa petondoni inso ndi Omiu.”

I MATIU 19:3

Ka mehawe iramo to Parisi ndi Ondae me'ara-arahako Ira. Mpesikeno ira, ”Nde moiko koake mia teposuaakono beineno, maupo mondeenomo koa pu'uno?”

I MATIU 21:23

Ka Do'amba i Yesu mewinso a Raha-Do Ue Ala, ka tempono Dopompaguru i tu'ai mehawe iramo petewawado sando mpesomba saru mia memota'udo tongku Yahudi ndi Ondae, ka dompesikeno, ”Saru pabawa inso isuake Ipoweweuako luwuno atuu? Ka isemake moweea-Komiu pabawa atuu?”

I MATIU 22:15

Ka i'amba melako iramo to Parisi; menteriso ira ba kana'umpe ka dompoko'oho Ira i Yesu mesala a aasa pesikeno.

I MATIU 22:18

Sine Doto'orio i Yesu mosa'ono aroado atuu ka Do'amba motae, ”Tembio ka ime'ara-arahako Aku, hei mia mpo'onde-onde?

I MATIU 22:23

A oleo atuu mehawe iramo ndi Ondae i Yesu ba opia to Saduki, anu montonda pohawedo nine hinao pewangua. Mpesikeno ira ndi Ondae,

I MARAKUSU 12:15

Sine Doto'orio i Yesu po'onde-ondedo, ka Do'amba motaeako ira, ”Tembio ka ime'ara-arahako Aku? Wawaomo ramai te'asa dinare ka Kukitao!”

I MARAKUSU 2:16

I tempono domengkitao anu mponto'ori Taura inso a nto Parisi, nine Ondae mongkaa saru puu pompupu sima'ulu ka mia ntehala atuu, dompotaeako ira ana guru-Do, ”Tembio ka Dopongkaa merongaako ira puu pompupu sima'ulu ka mia ntehala?”

I MARAKUSU 9:16

Ka Do'amba i Yesu sumikeno ira, ”Hapa anu impesisikenoako saru ondae?”

I LUKASI 10:25

Pohona mentadeomo asa anu monto'ori Taura ta umara-arahako Ira i Yesu, ipotae, ”Guru, Hapa kupoweweu ka kupohawe tuwua anu nahina tampulaano?”

I LUKASI 11:16

Hinao mbo'u anu mo'ema ndi Ondae aasa petondoni inso i suruga, ta umara-arahako Ira.

I YOHANE 4:48

Onaemo ka Dopotaeakono i Yesu, ”Tewala nahi mpongkita petondoni ka anu kinohali-haliako, nahi komiu mpompe'ala-ala.”

I YOHANE 6:30

Ka dompotaeako Ira, ”Petondoni hapake anu wineweu-Miu, ka kimengkitao ka mpe'ala-ala Komiu? Anggaa hapake anu wineweu-Miu?

I YOHANE 7:48

Hinaoke te'asa mia i olodo petewawa anu me'ala-ala Ira, ke te'asa mia i olodo to Parisi?

I YOHANE 8:6

Domempauo mongkona atuu ira me'ara-arahako Ira, ka dompohawe pesalaado mokonsala Ira. Sine metuundu Ira i Yesu ka Do'amba moburiako toniso-Do a wita.

WINEWEUDO TINENA 5:9

Motae i Peturu, ”Tembio ka imoroko orua komiu umara-arahako Ira Penaa-Do i Ue? Kitaomo, mia anu da saraipo domengkaburuo tamamu mpentade i arono pewowa ka ira mengkatiko mbo'u meluarako.”

1 KORINTI 10:9

Ka si tome'ara-arahako Ira i Ue, kana anu wineweudo ba opia mia inso ndi ondae, ranta ka domemate itungku ira ule.

Winali 6:16

Si me'ara-arahako Ira i Ue, Ue Alamiu, kana ime'ara-arahako Ira i Masa.