I MARAKUSU 7:34 - Wunta Mempori

³⁴ Ka i'amba kontongaa-Do mentombu i langi Ondae i Yesu mompae penaa ka Dopotaeakono, ”Epata!”, pengkonaano: Te'ungkahimo!

I MARAKUSU 7:34 ပူးပေါင်းရင်းမြစ်များ

Peluarakoa 2:23

Tehine umari atuu mateomo mokole i wita Masiri. Sine to Isaraeli mpe'anaiki ira hangano pompe'ata. Mpeboo-booli ira, hangano pompe'ata atuu ka peboolido mpepetulungi, hawe ndi Ondae Ue Ala.

Yesaya 53:3

Onae tinata ka dome'olaiakono mia, asa mia anu bukeako tebobarasaia ka leleo marasai mompemahaki. Mia mbo'u domentutuwio rupado ba domengkitao; kanatuumo itinata ka ndi ontae nahi tewinso a mporeke.

I MARAKUSU 1:41

Ka teleluomo aroa-Do mehohawao, ka Do'amba tumasiakono kae-Do, umanggao mia atuu ka Dopotae, ”Behe Aku, ka ugagimo tompa.”

I MARAKUSU 15:34

Ka a langku otolu mebooli Iramo meroku i Yesu, ”Eloi, Eloi, lama sabaktani?”, anu pengkonaano: Ala-Ku, Ala-Ku, tembio ka Ibinta Aku?

I MARAKUSU 5:41

Ka Do'amba uminio kaeno nana'ote atuu, Dopotae, ”Talita kum,” anu pengkonaano, ”Hei ana, Kupauakomu, pewangumo!”

I MARAKUSU 6:41

Ka mansa-Do umalao roti olima ka bou orua atuu, mentombu Ira i langi ka Doronsoo, ka Do'amba sumiba-sibao roti atuu ka Doweeako ira ana guru-Do, ka domentia-tiaako ira mia atuudo; kanatuu koa mbo'u bou orua Dotia-tiaako ira luwu.

I MARAKUSU 7:35

Ka te'ungkahiomo birino mia atuu ka i tempo koa mbo'u atuu tepotolaomo mbo'u tanggono elono, ka i'amba moikoomo ipepau.

I MARAKUSU 8:12

Menaa runse Ira ka Dopotae, ”Tembio mia andiodo ka dompo'ema petondoni? Kupauakomiu, menteeano a mia andiodo nahi ira hori mempinoweeako petondoni.”

I LUKASI 18:42

Ka Do'amba i Yesu motaeakono, ”Omue pongkitamo, ikaduduikomo pompe'ala-alamu!”

I LUKASI 19:41

Ka tempono umpeda Iramo i Yesu ka Dokitao kota atuu, Dopengeseio,

I LUKASI 7:14

Saru rumangkuhio kati atuu Dodanggio, ka anu mengkatio mpenaa-naa, Dopotae, ”Hei mangalitau, Kupauakomu, pewangumo!”

I YOHANE 11:33

Tempono Dokitao i Yesu i Maria mengese ka to Yahudi mbo'u anu mehawe perongano, onaemo ka imasusa aroa-Do. Tedoa te'urense laro-Do ka Dopotae,

I YOHANE 11:35

Ka mengese Iramo i Yesu.

I YOHANE 11:38

Ka masusaomo mbo'u aroa-Do i Yesu, ka Do'amba lumako a ngkaburu atuu. Kaburu atuu onaemo aasa kunepo anu tinondoako watu.

I YOHANE 11:41

Onaemo ka domentandeo watu atuu. Ka Do'amba i Yesu mentombu kontahane ka Dopotae, ”Ama, montarima kasi Aku ndi Omiu, hangano Iperorongea-Kunemo.

I YOHANE 11:43

Ka umari-Do mepau kakandio, mebooli Iramo meroku, ”Lasaru, aiwamo peluarako!”

I YOHANE 17:1

Kanandiomo Dopotae i Yesu. Ka Do'amba mentombu i langi ka Dopotae, ”Ama, haweomo tempono; Ipokomarambaomo Ana-Miu, ka Dopokomaramba Komiu Ana-Miu.

WINEWEUDO TINENA 9:34

Motae i Peturu ndi onae, ”Eneasi, Ondae i Yesu Kerisituu mokotompako; pewangumo ka pakaleomo poturiamu!” I tempo koa mbo'u atuu mewanguomo mia atuu.

WINEWEUDO TINENA 9:40

Sine itena ira luwu i Peturu ka dompeluarako, ka i'amba menggolontu ka ipekakai. Ka i'amba mewolili a wata ngkoroi atuu ka ipotae, ”Tabita, pewangumo!” Ka i'amba i Tabita memata ka mansano kumitao i Peturu, mewanguomo ka ipentoro.

IBARANI 4:15

Hangano Sando Mpesomba Langkaito, komba sando mpesomba anu nahi pokompetonda membasaio luwuno molemato, tendeano mengkena saru ontae, inara-arahako Iramo, butu nahi Dopoweweu hala.