I MARAKUSU 6:34 - Wunta Mempori

³⁴ Mansa-Do metii i Yesu inso a bangka, Dokita ira mia hadio ntu'u, onemo ka itelelu aroa-Do mehohawa ira, hangano kana bimba anu nahina pakambi ira. Ka i'amba mompu'u Iramo paguruako ira hadio rupa.

I MARAKUSU 6:34 ပူးပေါင်းရင်းမြစ်များ

1 Mokole 22:17

Ka i'amba sumangki i Mika, ”Kukita iramo to Isaraeli ntesiarawo a luwuno torukuno kana bawaano bimba anu nahina puu pompakambi. Mepau Iramo i Ue: Ondae andio hina uedo, laluopo singge mia mekule i rahano ka itekadudui.”

2 Tawarika 18:16

Ka i'amba sumangki, ”Kukitaomo luwuno Isaraeli ntesiarawo i luwuno torukuno kana asa bawaa bembe bimba anu nahi pakambi ira, onaemo pu'uno mepau Ira i Ue: Ondae andio nahina ueno; moikoomo dosingge mpekule i rahado da mentuwu.”

Yesaya 13:14

Kana lagiwa anu linulu ka kana bimba anu nahi pinakambi, kanatuumo ondae ira mpewolili, singge mia a tongkuno, ka molai, singge mia lumako i witano.

Yeremia 50:6

Bawaa-Ku kana ira bimba ntetadi; luwuno puu mpopakambido weweu ira ntesaa, weweu ira mpelakopi a luwuno torukuno. Ondae mpelempa inso a ntorukuno melako a pongku ka mengkolupeo po'ianga pepomboleado.

Yehesikieli 34:5

Hangano kanandio ondae ntesiarawo hangano nahina puu pompakambi. Ondae gagi kaangado luwuno kondehora mo'ila tempono dontesiarawo.

Sakaria 10:2

Hangano hapa anu pinauno terapimi onaemo mosa'o, ka anu kinitado mia anu nahi manasa ta gagi onaemo pegaupi, ka luwuno mo'ipi anu mempinaudo nahina pengkonaano; ondae mpontarero anu nahina tuduno. Onaemo pu'uno tongku atuu mpelakopi kana bawaano bimba ka pompemarasai hangano nahina puu mpompakambi.

Podoaa 27:17

anu mo'ia i arodo tempono dompelungka mpetea ka mpekule, anu mokompelungka ira ka mokule ira, bawaa-Do i Ue kasi kana bimba anu nahina puu mpopakambi.”

I MATIU 14:14

Tempono Dopetii i Yesu inso a bangka, Dokita ira mia tedoa hadio, ka teleluomo aroa-Do mehohawa ira ka Dopoko tompa ira anu memahaki.

I MATIU 15:32

Ka Do'amba i Yesu moboi ira ana guru-Do ka Dopotae, ”Telelu aroa-Ku mehohawa ira mia hadio atuu. Otolu oleomo domentonda Aku ka nahina kaangado. Nahi Kubehe tumena ira mpekule memokoninggo, mansa ira ntebangku a nsala.”

I MATIU 9:36

Kumita ira mia hadio atuu, teleluomo aroa-Do i Yesu mehohawa ira, hangano memokendo ka ntepo'inee kana bimba anu nahina pakambi ira.

I MARAKUSU 6:33

Sine i tempono dompelungka hadio mia kumita ira ka mento'orio te'aroado. Mpotuturako iramo mia mpewita inso a luwuno kota melako a mpo'ianga atuu ranta ka dompese'elungi ira.

I MARAKUSU 6:35

Tempono mompu'uomo woongi, me'aiwa iramo ana guru-Do ndi Ondae ka dompotae, ”Po'ianga andio boni-boni ka tamo ronga wongi.

I MARAKUSU 8:1

I tempo atuu hinao mbo'u mia hadio i tu'ai tedoa ira mehadio, ka hangano nahina kaangado, Dopoboi ira i Yesu ana guru-Do ka Dopotae,

I MARAKUSU 8:2

”Telelu aroa-Ku mehohawa ira mia hadio andiodo. Otolu oleomo domentonda Aku ka nahina kaangado.

I LUKASI 9:11

Sine domento'orio mia hadio, ka do'amba mentonda Ira. Dotarima ira ka Dopopauako ira mongkona Poparentaa-Do Ue Ala ka Dopokotompa ira mia anu mpokere tompaa.

IBARANI 2:17

Onaemo pu'uno, ka a luwuakoano Ondae asalakono pinongkena saru luwuno pepaekompo-Do, ka Dogagi Sando Mpesomba Langkai anu me'aroa ka anu metenunu ndi Ondae Ue Ala mokosintuwuo halano luwuno tongku.

IBARANI 4:15

Hangano Sando Mpesomba Langkaito, komba sando mpesomba anu nahi pokompetonda membasaio luwuno molemato, tendeano mengkena saru ontae, inara-arahako Iramo, butu nahi Dopoweweu hala.