I MARAKUSU 5:7 - Wunta Mempori

⁷ ka meroku ikokora-kora, ”Hapa ta mbinio-Miu ndi ongkue, hei Yesu, Ana-Do Ue Ala Anu Lalu i wawono? A nee-Do Ue Ala, si bobarasai aku!”

I MARAKUSU 5:7 ပူးပေါင်းရင်းမြစ်များ

Tegagia 3:15

Aku moweweu pe'iwalia i olomu ka beine andio, i olodo inulemu ka inuleno; inuleno ta puroo ulumu, ka omue kotumungkuo tundono.”

1 Mokole 22:16

Sine motae ira mokole ndi onae, ”Hawe tepempia kutenako mesumpa, kasi upompau maupo hapa ndi ongkue sangkadio anu mentee a nee-Do i Ue?”

Hosea 14:8

Ira mpo'ia mbo'u a laro mpe'engoa-Ku ka mentuwu kana gandu; ira ntetiangi kana keu anggoro, anu telele kana anggoro Libano.

I MATIU 16:16

Ka sumangkiomo i Simo Peturu, ”Omiumo i Mesia, Ana-Do Ue Ala anu tuwu!”

I MATIU 26:63

Sine Ondae i Yesu komino mpiha. Ka i'amba motae Sando Mpesomba Langkai atuu ndi Ondae, ”A nee-Do Ue Ala anu tuwu, pauakamimo, ba Omue i Mesia, Ana-Do Ue Ala, ke naahi.”

I MATIU 4:3

Ka i'amba haweomo puu po'ara-arahako atuu, ka ipotaeako Ira, ”Tewala Omiu Ana-Do Ue Ala, parenta iramo watu andiodo gagi roti.”

I MATIU 8:29

Ka mebooli iramo, dopotae, ”Hapa I'ungkeakami, hei Ana-Do Ue Ala? Nde onaeke I'aiwaako ramai Komiu bobarasai kami napi tempono?”

I MARAKUSU 1:24

”Hapa ta wineweu-Miu ndi omami, hei Yesu to Nasare? Komiu hawe mepate kami? Kuto'orio isema Omiu: Anu Mempori inso ndi Ondae Ue Ala.”

I MARAKUSU 14:61

Sine komino Ira mpiha nahi Dosangki hapa-hapa. Sando Mpesomba Langkai atuu sumikeno Ira pohona mbo'u, ipotae, ”Omiuke i Mesia, Ana-Do Anu Inunde-unde?”

I MARAKUSU 3:11

Tewala domengkita Ira onitu nsa'o, ira mentebangku tepantundu i aro-Do ka mpebooli, ”Omiumo Ana-Do Ue Ala.”

I MARAKUSU 5:6

Tempono ikita Ira i Yesu inso olai, meluluomo tepohaweako Ira ka i'amba mesombai Ira,

I MARAKUSU 5:8

Hangano se'eluno Dopotaeakono i Yesu, ”Hei omue onitu nsa'o peluarakomo inso a mia andio!”

I LUKASI 1:32

Ira gagi langkai tuwu-Do ka Ira nineeako Ana-Do Ue Ala Anu Lalu i Wawono. Ka Ondae Ue Ala weeako Ira kadera poparentaano i Daudi, uempu'u-Do,

I LUKASI 4:34

”Hei Omiu, Yesu to Nasare, Komiu aiwa mombioke ndi omami? Nde Komiu aiwa mepate kami? Kuto'orio isema Omiu: Anu Mempori inso ndi Ondae Ue Ala.”

I LUKASI 6:35

Sine omiu, impehohawa iramo iwalimiu ka impoweweumo temoiko ndi ondae ka impoweeako ira mponsabo nahi mpomperorohi sulono, ka tambomiu ta langkai ka komiu megagi ana-Do Ue Ala Anu Lalu i Wawono, hangano moiko Ira a mia anu nahi domponto'ori mpontarimakasi ka a mia memosa'o.

I LUKASI 8:28

Tempono ikita Ira i Yesu, kumoraomo ka i'amba menggolontu i aro-Do ka ipepau meroku, ”Komiu mbio aku, hei Yesu Ana-Do Ue Ala Anu i Wawono luwuakoano? Ku'emao ntu'u ndi Omiu, si bobarasai aku.”

I YOHANE 20:31

sine luwuno anu tewinso i ndi'ai binuriomo, ka impe'ala-alao, nine Ondaemo i Yesu i Mesia, Ana-Do Ue Ala, ka impohawe tuwua a nee-Do hangano pompe'ala-alamiu.

WINEWEUDO TINENA 16:17

Itonda bungku kami i Paulu ka ipebooli, ipotae, ”Mia andiodo tetenaa-Do Ue Ala Anu i Wawono ntu'u. Domempaleleakomiu sala ntekaduduia.”

WINEWEUDO TINENA 19:13

Ba opia ira mbo'u to Yahudi anu pande mpopakuliako tino'ori, anu mpelempa mesompoo wita atuu, mpo'arahako mempauo nee-Do Ue Yesu a mia anu pinewinsokino onitu nsa'o saru mpebooli dompotae, ”Kutotonaakomiu a nee-Do i Yesu anu pinaleleno i Paulu.”

WINEWEUDO TINENA 8:36

Dopotilaloakono pelempaado, ka hawe i asa po'ianga anu hinao uwoi. Ka i'amba motae anu langkai potorono atuu, ”Kitao, i tu'ai hinao uwoi; hapake montombolei, ba kubinaho?” [

ROMA 16:20

Po'ineeomo Ondae Ue Ala, pu'uno rodoa, ka Doronga puro-puroo i Mosa'o a ntoto ngkarumiu. Pompehohawa-Do i Yesu, Ueto, kumongkomi komiu!

IBARANI 2:14

Hangano nana'ote atuudo onaemo nana'ote inso a rea ka ihi, ka Ondae mbo'u gagi mengkena saru ondae ka mohawe tia a nteweweudo, hangano mate-Do ka Doropuo, onaemo i Mosa'o, anu pabawaio matea;

IBARANI 7:1

Hangano i Melekisede onaemo mokole i Salemi ka sando mpesomba-Do Ue Ala Anu Lalu i Wawono; onae lumako tumotowoo i Burahima tempono ipekule i Burahima inso numangi ira mokole, ka rumonsoo.

YAKOBU 2:19

Upe'ala-alao, nine butu koa asa-asa-Do Ue Ala? Moiko atuu! Sine maupo onitu dompe'ala-alao koa mbo'u mongkona atuu ka mpondidi-ndidi ira.

2 PETURU 2:4

Hangano tewala Ondae Ue Ala nahi Dopehohawa ira mala'eka anu mpoweweu hala sine metadiako ira a laro naraka ka ba kanandio meweengako ira a laro ngkunepo anu wongi-wongi ka domeninaa hawe a oleo pobitaraa;

1 YOHANE 3:8

ba isema anu kongko moweweu hala, tepu'u inso ndi Mosa'o, hangano i Mosa'o moweweu hala inso a pompu'uano. Onaemo andio pu'uno ka Dopepokomengkaa Ana-Do Ue Ala, onaemo ka Dopokoropuo luwuno wineweuno i Mosa'o atuu.

YUDASI 1:6

Ka nine Dotaha ira mala'eka anu nahi domentondao luwuno tidano pabawado, sine anu mebintao po'iangado, saru pongu anu nahina tampulaano i wawontolino wongi-wongia hawe a mpobitaraa a oleo langkai,

MENGKAAA 12:12

Onaemo pu'uno po'undemo, hei suruga ka hei luwumiu anu mpo'ia i larono, memasola komiumo, hei tolino ka tahi! Hangano i Mosa'o metiiomo ndi omiu, a laro bamburuno anu mongkokongiri, hangano ito'orio, nine tempono rangkuomo.”