I MARAKUSU 4:6 - Wunta Mempori

⁶ Sine mansano saba oleo, moleuomo ka gagi mokari hangano nahi pehaka.

I MARAKUSU 4:6 ပူးပေါင်းရင်းမြစ်များ

Penani Maramba 1:6

Si mpekokoongakono nine ongkue mo'ito, hangano mokulano oleo mokomo'ai aku. Ana ntamado ineku mentekuda ndi ongkue, ka mpokogagi aku puu mpodagai luwuno lere anggoro; lere anggoroku ongkueku nahi kudagaio.

Yesaya 25:4

Hangano Omiu gagi polaiado mia molema, polaiado mia mongkokolaro a laro masukaraado, pepekaduduia a usa me'angi mokora, pe'engoa a mokulano ntu'u oleo. Menteeano, pepuurino tekudado mia melambaha ntu'u atuu kana usa me'angi mokora i tempo morini,

Yunu 4:8

Tempono saba oleo, a pompakosi-Do Ue Ala mepuuriomo angi sabaano oleo anu mokula ntu'u, ranta wantano oleo mokomahakio uluno i Yunu, ka i'amba tebangkuomo telusa. Ka i'amba mo'ema ka imate, ipotae, ”Laluopo kumate sekonopo kutuwu.”

I MATIU 13:6

Sine mansano saba oleo, moleuomo ka gagi mokari hangano nahi pehaka.

I MARAKUSU 4:5

Asa ntia tedonta a wita anu melaro watu, anu nahi hadio witano, ka i'amba inii atuu ronga tuwu, hangano witano monipi.

I MARAKUSU 4:7

Asa ntia mbo'u tedonta a laro ewo rui, ka i'amba kolangka-langkaino ewo rui atuu ka ihidio ranta ka imate, onaemo ka nahi pewua.

EPESU 3:17

ranta hangano pompe'ala-alamiu Ondae i Kerisituu mo'ia i laro aroamiu ka impehaka saru mpepu'u a laro pompehohawa.

KOLOSE 2:7

Impehakamo ndi Ondae ka mewinangu i wawo-Do, po'ineeomo ka ikomoro-morosono pompe'ala-alamiu anu imempinaguruakomo, ka po'ineeomo aroamiu ka ibukeako pontarimakasi.

2 TESALONIKA 2:10

saru mperupa-rupa pompopo'oo mosa'o a mia anu asalakono ira memate hangano nahi domentarimao ka mpehohawao menteea anu mokokadudui ira.

YAKOBU 1:11

Hangano mata oleo saba saru mokulano anu mangkara ka mokomoleuo ewo atuu, onaemo ka ironta sisino ka tetadiomo tekosino. Kanandio koa mbo'u teweweuno mia kaea; i tonga-tongano luwuno inungkeno onae ta moliu.

YUDASI 1:12

Ondaemo andio tataa a mpelimbua mambepehohawamiu, nde ondae nahi mokoko'iido mpongkaa hadio ka butu mpekakaakono koroido ondaedo; ondae kana seru anu nahi pe'uwoi, anu telalo ipuurio angi; ondae kana luwuno keu anu i tempo motu'i-tu'i nahi pewua, luwuno keu anu tebuta saru luwuno hakano ka mateomo ntu'u.

MENGKAAA 7:16

Nahi ira memarasaiako mokoninggo ka mokoranga mbo'u, ka mata'oleo ke mokula ntu'u nahi ta umalu ira mbo'u.