I MARAKUSU 4:39 - Wunta Mempori

³⁹ Mewangu Iramo, kumuahakono angi atuu ka Dopepauakono rano atuu, ”Penoro-noro! Pomperodomo!” Ka i'amba angi atuu temonto ka rano atuu gagi maante ntu'u.

I MARAKUSU 4:39 ပူးပေါင်းရင်းမြစ်များ

Ayubi 38:11

Ka Ku'amba mepau: Hawe i ndi'ai moiko u'aiwa, si lalo, i ndi'aimo luwuno bombamu anu mompelangka-langkai ta pinenanaako!

Po'unde-unde 107:29

angi mokora atuu Doweweuomo temonto, onaemo ka ipenaa-naamo mebomba.

Po'unde-unde 148:8

hei api ka usa seru baku, seru baku ka gawu, angi mokora anu weweuo pau-Do;

Po'unde-unde 29:10

Ondae i Ue mo'ia a wawo uwoi mowo, Ondae i Ue mo'ia gagi Mokole ranta nahina tampulaano.

Po'unde-unde 65:7

Omiumo anu montadeakono roso-Miu luwuno torukuno, ka tonga-Miu mesulepeako roso;

Po'unde-unde 89:9

Oo Ue, Ue Alano luwuakoano, isemake anu moroso kana Omiu, oo Ue? Petenunu-Miu kongko a mpehori-hori-Miu.

Peluarakoa 14:16

Kanandio-andio tandeo tukomu, taangakono kaemu a wawo ntahi ka ponsiao uwoino, gaagi to Isaraeli ira mpelempa itonga-tongano tahi a motu'iano.

Peluarakoa 14:22

Ka do'amba to Isaraeli mpelempa i tonga-tongano tahi anu motu'i; i manggali ka i koanado uwoi atuu gagi bentedo.

Powadi 8:29

tempono Dotantuio tidano tahi, ka si limpaio uwoi parenta-Do, ka tempono Dopakosio luwuno empehino tolino,

Yeremia 5:22

Nahi medoitoke ndi Ongkue, kanandiomo pau-Do i Ue, nahi mpondidi-ndidike ndi Ongkue? Kombake Ongkue anu monaa one gagi tidano tahi, gagi tidano mpiha anu nahi pokolaloo? Maupo tahi mebomba meroku, nahi polio, maupo umu'uru luwuno bombano, nahi dompokolaloo tida atuu!

Ponsabangi 3:31

Hangano komba nahina tampulaano nahi Dotarimao i Ue.

Nahumi 1:4

Dotekudaakono tahi ka mokomotu'io, ka luwuno korono Doweweuo mo'are. Basani ka Karameli gagi londa ka bunga Libano gagi moleu.

I MATIU 8:26

Dopotaeako ira, ”Tembio ka imedoito, omiu anu kodei pompe'ala-alamiu?” Ka Do'amba mewangu i Yesu ka Dokuahakono angi ka rano atuu, onaemo ka igagi temonto ntu'u rano atuu.

I MARAKUSU 4:38

I tempo atuu Ondae kontongaa-Do moturi a ulimano a asa ompeo. Onaemo ka dowangu Ira ana guru-Do ka dompotaeako Ira, ”Guru, nahi perioo ba kita memate?”

I MARAKUSU 9:25

Mansa-Do kumitao i Yesu mia kohadi-hadiono mehawe mpenggowo, Dotekudaakono onitu nsa'o atuu, Dopotae, ”Hei omue onitu nsa'o anu mokobebeo mia ka mokomobongoo, Kuparentako, peluarakomo inso a nana'ote andio ka si pewinso mbo'u!”

I LUKASI 4:35

Sine Dotekudaakono i Yesu, Dopotae, ”Si pepau, peluarakomo inso ndi onae!” Ka onitu nsa'o mbo'u atuu motolao mia atuu i tonga-tongano mia hadio, ka i'amba meluarako inso ndi onae ka komba ipokomahakio.

I LUKASI 4:39

Onaemo ka Dopentade i horino beine atuu, ka Do'amba sumaario mokula atuu, ka haki atuu bintao inso ndi onae. Mompari-pari beine atuu mewangu ka ipekakaako ira.

I LUKASI 8:24

Ka me'aiwa iramo ana guru-Do wangu Ira, dompotae, ”Guru, Guru, kita memasola!” Mewangu Iramo, ka Do'amba kumuahakono angi ka uwoi anu uma'e atuu. Ka menaa-naaomo angi ka uwoi atuu ka rano atuu gagi temonto.