I MARAKUSU 4:19 - Wunta Mempori

¹⁹ ka i'amba sala-larono wawontolino andio ka pompopo'oono kaeaa ka hadio rupa anu minosisiriako mewinso humidio pau-Do i Ue atuu ranta nahi pewua.

I MARAKUSU 4:19 ပူးပေါင်းရင်းမြစ်များ

Powadi 23:4

Si pe'isei ka ugagi kaea, bintaomo tinoomu andio.

Powadi 23:5

Tewala upepenteeo, onae moliu, hangano onae mansa mepani, ka i'amba menee i laro meene kana rajawali.

Puu Pontutulu 4:8

Hinao asa mia tuwu asa-asano, nahina anano tama ke pepaekompo tama. Nahi hori menaa-naa pine'isei mo'angga ka matano mbo'u nahi pesompoo pompolino. Ipotae, ”Tiano isema pine'iseiku ka tumempuo pompesanaa?” Ndio mbo'u nahina tuduno ka marepaa anu mompokomasusa.

Yesaya 5:2

Ibingkuo ka itadi ira watuno, ipompahoakono keu anggoro bininiki; onae mowangu asa menara podagaia i tonga-tongano ka mongkeke aa pomporo'ia anggoro. Ka i'amba sumikorio lere atuu ka ipehasiliako wua anggoro, sine anu ipehasiliako wua anggoro anu mo'olo.

Yesaya 5:4

Hapa mbo'uke anu asalakono wineweu a lere anggoroku atuu anu napi kuweweuo ndi onae? Kusikorio ka ipehasiliako wua anggoro, tembio anu ipehasiliako butu wua anggoro anu mo'olo?

I MATIU 13:22

Anu rinawo a laro ewo rui onaemo mia anu rumongeo pau atuu, ka i'amba sala-larono wawontolino andio ka pompopo'oono kaeaa humidio pau atuu ranta nahi pewua.

I MATIU 19:23

Dopotae i Yesu a ana guru-Do, ”Kupauakomiu, menteeano motungko ntu'u mia kaea mpewinso a Poparentaa Suruga.

I MATIU 3:10

Uase tepatindaomo a hakano keu ka sompo keu anu nahi pewua moiko, manasa tinuehi ka tinadi a api.

I MARAKUSU 4:18

Ka anu mehano onaemo anu rinawo a laro ewo rui, ondaemo anu merongeo pau-Do i Ue atuu,

I LUKASI 10:41

Sine Dosangkio i Ue, ”Marita, Marita, omue sala-laro ka hadio rupa minasusaakomu,

I LUKASI 21:34

”Dagaiomo koroimiu, ka si aroamiu bukeako pogawea ka molangua saru luwuno po'eheno wawontolino ka si mansa mepobingko hawe oleo-Do i Ue a ngkoroimiu kana aasa oho.

I YOHANE 15:2

Sompo sampano ndi Ongkue anu nahi pewua, Dopoleo ka sompo sampano anu mewua, Dopokomorinao, ka ipewua lalu hadio.

ROMA 12:2

Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.

EPESU 2:2

Mentuwu komiu i larono, hangano imentondao salano wawontolino andio, hangano impetenunuio anu pabawa a poparentaa i laro meene, onaemo penaa anu kanandio-andio kontongaano mo'angga i olodo mia anu umewai Ira Ue Ala.

EPESU 6:12

hangano peteahakoto komba mo'ewai rea ka ihi, sine umewai ira anu mpeparenta, umewai ira anu mempabawa, umewai ira petewawa wawontolino anu wongi-wongi andio, umewai ira onitu nsa'o i laro meene.

PILIPI 4:6

Si mporerengkoo mongkona hapamo koa, sine impokomengkaaomo a luwuakoano po'ehemiu ndi Ondae Ue Ala a laro mpekakai ka po'ema saru pontarimakasi.

1 TIMOTIU 6:17

Pauako iramo mia mengkaea i wawontolino andio ka si dompompelangka-langkai ka si dompomperorohi a aasa anu nahi manasa kana kaeaa, tendeano ndi Ondae Ue Ala anu a ngkaea-Do moweeakita luwuakoano ka tomentekonaakono.

2 TIMOTIU 4:10

hangano ikekewoiomo i Demasi wawontolino andio ka ibinta aku. Onae melungkaomo lumako i Tesalonika. I Kerekesi lumakoomo i Galatia ka i Titu lumako i Dalamatia.

2 PETURU 1:8

Hangano tewala luwuno atuu hinao ndi omiu ka ikoteti-tetiangi, ta weweu komiu gagi memokua ka mehasili a ponto'orimiu Ondae i Yesu Kerisituu, Ueto.

YUDASI 1:12

Ondaemo andio tataa a mpelimbua mambepehohawamiu, nde ondae nahi mokoko'iido mpongkaa hadio ka butu mpekakaakono koroido ondaedo; ondae kana seru anu nahi pe'uwoi, anu telalo ipuurio angi; ondae kana luwuno keu anu i tempo motu'i-tu'i nahi pewua, luwuno keu anu tebuta saru luwuno hakano ka mateomo ntu'u.