I MARAKUSU 4:11 - Wunta Mempori

¹¹ Sumangki Ira, ”Mewineeako komiumo rahasiano Poparentaa-Do Ue Ala, sine a mia i bungkuno luwuakoano pinohawe a mpotundaano,

I MARAKUSU 4:11 ပူးပေါင်းရင်းမြစ်များ

I MATIU 11:25

I tempo atuu mepau Iramo i Yesu, ”Ku'unde-unde Komiu, Ama, Ueno langi ka tolino, hangano luwuno atuu Iwuniako ira mia mpande mposongka ka mia mempande, sine Ipokomengkaao a mia kodei.

I MATIU 13:16

Sine me'uraomo matamiu hangano mongkita ka birimiu hangano moronge.

I MATIU 16:17

Dopotae i Yesu ndi onae, ”Me'urakomo Simo anano i Yunu hangano komba mia anu mokomengkaao atuu ndi omue, tendeano Ondae Ama-Ku anu i suruga.

I MARAKUSU 3:23

Dopoboi ira i Yesu, ka Do'amba motaeako ira a mpotundaano, ”Kana'umpe i Mosa'o mokosaario i Mosa'o?

I MARAKUSU 4:10

Tempono asa-asa-Do, luwuno anu tumonda Ira ka hopulu ka orua ana guru-Do atuu mpesikeno ndi Ondae mongkona potundaano atuu.

I MARAKUSU 4:2

Ka hadio rupa Dopaguruako ira a mpotundaano. A pompaguru-Do atuu Dopotaeako ira,

I LUKASI 8:10

Ka Do'amba sumangki, ”Ndi omiu pinoweeako pe'aroa ka imento'orio rahasiano Poparentaa-Do Ue Ala, sine a mia mehano mongkona atuu pinau a laro potundaano, kai maupo dompengkita nahi domengkitao ka maupo domerongeo nahi dompokonto'orio.

1 KORINTI 4:7

Hangano isemake anu tumuduo laluakopo? Ka hapake anu hina ndi omue, anu nahi utarimao? Ka tewala lano utarimao, tembio ka umawongkoako, kana nahi utarimao?

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

EPESU 1:9

Hangano Dopokomengkaaomo rahasiano po'ehe-Do ndi ontae, menunu saru tinoo-Do Ondae-Do, onaemo tinoo-Do Ondae-Do anu inso amba-ambano Dopakosiomo ndi Ondae i Kerisituu

KOLOSE 4:5

Imentuwumo ka imebukeako ponto'ori a luwuno mia i bungkuno, imempakeomo tempo anu hina.

1 TESALONIKA 4:12

ranta ka imentuwu kana mia anu mponto'ori gau a pongkitado mia i bungkuno ka nahi impomperorohi ndi ondae.

1 TIMOTIU 3:7

Onae ka imoiko koa mbo'u neeno i bungkuno bawaa, ka si domentatao mia ka itedonta a ohono i Mosa'o.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.