I MARAKUSU 2:12 - Wunta Mempori

¹² Ka mewanguomo mia atuu, mompari-pari tumandeo poturiano ka ilako i bungkuno i arodo mia hadio atuu, ranta ka domengkohali-hali luwu ka do'amba me'unde-unde Ira Ue Ala, dompotae, ”Anu kanandio napi tohori mpongkita.”

I MARAKUSU 2:12 ပူးပေါင်းရင်းမြစ်များ

I MATIU 12:23

Ka mengkohali-hali iramo mia hadio atuu, dompotae, ”Onae andio bara'ura anano i Daudi.”

I MATIU 15:31

Ka mengkohali-hali iramo mia hadio atuu mengkitao mia beebe mepau, mia tiimpa karu tompa, mia luuka melempa, mia morawu mongkita, ka dome'unde-unde Ira Ue Alado to isaraeli.

I MATIU 9:33

Ka mansano linuarako onitu nsa'o atuu, mokompepauomo mia beebe atuu. Ka mengkohali-hali iramo mia hadio, dompotae, ”Anu kanandio napi dohori mia mpokita i Isaraeli.”

I MATIU 9:8

Ka mia hadio anu mengkitao anu gagi atuu medoito ka do'amba me'unde-unde Ira Ue Ala anu mompowee Iramo pabawa kanatuu a mia.

I MARAKUSU 1:27

Mengkohali-hali ira luwu, onaemo ka domempopauo, dompotae, ”Hapa ndio? Aasa pompaguru wo'ohu. Ondae mepauako pabawa. Maupo onitu nsa'o Doparenta ira ka domentondao.”

I MARAKUSU 2:11

”Ndi omue Kupepau, pewangumo, tandeomo poturiamu ka pekulemo i rahamu!”

I LUKASI 13:13

Ka Do'amba dumampoo beine atuu, ka i tempo koa mbo'u atuu mentadeomo beine atuu, ka i'unde-unde Ira Ue Ala.

I LUKASI 17:15

Asa mia inso ndi ondae, mansano kumitao nine onae tompaomo, mekule saru umunde-unde Ira Ue Ala ka suarano meroku,

I LUKASI 5:26

Luwuno mia atuudo mengkohali-hali, ka do'amba me'unde-unde Ira Ue Ala, ka tedoa ira medoito, dompotae, ”Oleo andio kimensakosiiomo mongkona anu tedoa kinohali-haliako.”

I LUKASI 7:16

Luwuno mia atuu medoito ka dome'unde-unde Ira Ue Ala, saru mpotae, ”Aasa nabi langkai mesabaako i tonga-tongato,” ka ”hawe Iramo Ue Ala kumita-kita ira bawaa-Do.”

I YOHANE 7:31

Sine i olodo mia hadio atuu hadio anu mpe'ala-ala Ira ka dompotae, ”Ba Dohawe i Kerisituu, nde ta hadioopoke Dopoweweu kinohali-haliako sekonopo anu Doweweuomo Ondae andio?”

I YOHANE 9:32

Mompu'u i ndi'upua hawe kanandio-andio nahi hori teronge, nine hinao mia anu mowile matano mia anu pine'anaako tumampu'u morawu.

WINEWEUDO TINENA 4:21

Komoko-mokorano dompokodoito ira tinena atuu, sine poko'ariano dopotola ira koa, hangano anu menteriso nahi dompohawe sala humuku ira nde medoito ira a mia hadio anu me'unde-undeo nee-Do Ue Ala hangano anu gagiomo.