I MARAKUSU 16:19 - Wunta Mempori

¹⁹ Umari-Do i Yesu mepauako ira kanatuu, tetande Iramo lumako i suruga, ka Do'amba mentoro i koana-Do Ue Ala.

I MARAKUSU 16:19 ပူးပေါင်းရင်းမြစ်များ

Po'unde-unde 110:1

Penani po'unde-undeno i Daudi. Pau-Do i Ue a ueku, ”Pentoromo i koana-Ku, hawe ka Kuweweu ira iwalimu gagi pelandaano karumu.”

I MARAKUSU 16:20

Ondae mbo'u melako iramo mempaleleo Lele Mawongkoa a sompo siuno wita, ka Ondae i Ue mokowali ira a mpo'anggaado ka pau-Do atuu Dopokomorosoakono luwuno petondoni anu kumongkomi ira.

I LUKASI 22:69

Mompu'u kanandio-andio i Ana Manusia mentoroomo i koana-Do Ue Ala Anu Tedoa Pabawa.”

I LUKASI 9:51

Mansano tamo haweako tempono Ondae i Yesu winuatako i suruga, Dopo'aroo pengkita-Do Ira lumako i Yerusale,

I YOHANE 13:1

Tempo atuu napi pinu'u oleo langkai Pasa, Doto'oriomo i Yesu, nine haweakoomo tempo-Do melimba inso i wawontolino andio ndi Ondae i Ama. Mengkena kana Dowela mehohawa ira ana guru-Do kanandiomo kanandio-andio Dopehohawa ira hawe a mpoko'ariano.

I YOHANE 16:28

Ongkue aiwa inso ndi Ondae i Ama ka Kuhawe i wawontolino; Kubintao mbo'u wawontolino ka lumako ndi Ondae i Ama.”

I YOHANE 17:13

Sine kanandio-andio, aiwa Aku ndi Omiu ka Kupauo luwuno andio tekonai da Kongko Aku i wawontolino, ka isompomo po'unde-Ku i larodo.

I YOHANE 20:17

Motae Ira i Yesu ndi onae, ”Si ini aku, hangano napi Kulako ndi Ondae i Ama, sine lakomo a luwuno pepaekompo-Ku ka pauako ira, nine kanandio-andio Aku lumako ndi Ondae Ama-Ku ka Amamu, ndi Ondae Ue Ala-Ku ka Ue Alamu.”

I YOHANE 21:15

Umarido mpebaku Dopotaeakono i Yesu i Simo Peturu, ”Simo, anano i Yohane, Nde upehohawa Aku koake laluaopo sekono ondae andio?” Isangki Ira i Peturu, ”Mentee Ue, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku.”

I YOHANE 21:22

Sumangki Ira i Yesu, ”Tewala inehe-Ku ka kongko tuwu ranta ka Kuhawe, komba to'oriamu atuu. Sine omue: tonda Akumo.”

I YOHANE 6:62

Ka kana'umpeke, tewala imengkita Ira i Ana Manusia mewuatako a mpo'ianga-Do se'eluno?

WINEWEUDO TINENA 1:22

onaemo mompu'u inso a mpobahoano i Yohane hawe a oleo Dotetande i Yesu lumako i suruga binta kami, ka igagi sakosii saru omami mongkona pewangu-Do.”

WINEWEUDO TINENA 2:33

Ka umari-Do tinandeako kae ngkoana-Do Ue Ala ka montarima Penaa Mempori anu dinandi atuu, ka Dopotiio hapa anu kinitamiu ka rinongemiu i ndi'ai.

WINEWEUDO TINENA 3:21

Ondae i Kerisituu atuu asalakono mo'ia i suruga hawe a tempo ka iwali pinokomoiko luwuakoano, kana anu pinau-Do Ue Ala anu pinohawedo nabi-Do anu mempori i ndi'upua.

ROMA 8:34

Ondae i Kerisituu Yesu, anu umari mate? Tendeano laluaopo mbo'u: anu mewangu Iramo, anu mentoro i koana-Do Ue Ala, anu tendeano gagi Puu Mpo'alaakoto?

KOLOSE 3:1

Onaemo pu'uno, tewala mewinangu komiu meronga saru Ondae i Kerisituu, ime'ungkeomo mongkona anu i wawono, a mpo'ianga-Do i Kerisituu, mentoro i koana-Do Ue Ala.

1 TIMOTIU 3:16

Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

IBARANI 12:2

Aiwamo tomeweweuo saru mata anu te'aro ndi Ondae i Yesu, anu wawa kita a pompe'ala-ala, ka anu wawao pompe'ala-alato atuu a sompoano, anu nahi Doperioo mokoko'iia mpo'asao aroato po'ahao keu pinotamba euno po'undea anu Dopinatindaako, anu kanandio-andio mentoro i koanano kadera poparentaa-Do Ue Ala.

IBARANI 4:14

Hangano ontae kanandio-andio hinao Sando Mpesomba Langkai Maramba, anu telaloiomo asa wawo langi, onaemo Ondae i Yesu, Ana-Do Ue Ala, moikoomo tompe'ini moroso a mangakua pompe'ala-alato.

IBARANI 6:20

i tu'aimo Dopewinso i Yesu gagi Pese'eluto, tempono Dogagi Sando Mpesomba Langkai ranta nahina tampulaano, montonda atorano i Melekisede.

IBARANI 7:26

Hangano Sando Mpesomba Langkai anu kanandiomo anu kinereto: onaemo anu mempori, nahina sala-Do, nahina tataa-Do, anu teponsia inso a mia mentehala ka lalu i wawono sekonopo luwuno mala'eka i suruga,

IBARANI 8:1

Pu'uno luwuno anu pinauto atuu onaemo: hinao Sando Mpesomba Langkaito anu kanandio, anu mentoro i koanano kadera poparentaa-Do Anu Tedoa Langkai i Suruga,

IBARANI 9:24

Hangano Ondae i Kerisituu komba mewinso Ira a mpo'ianga mempori wineweuno kaeno mia anu butu koa gambarano inso anu menteeano, sine i laro nsuruga isa'a Dotepo'aroako Ira Ue Ala hangano ontae.

1 PETURU 3:22

anu mentoro i koana-Do Ue Ala, mansa-Do mewuatako i suruga umarino luwuno mala'eka, pabawa ka roso pinokompetenunu ndi Ondae.