I MARAKUSU 16:16 - Wunta Mempori

¹⁶ Isema anu mompe'ala-ala ka ibinaho ta kinadudui, sine isema anu nahi pompe'ala-ala ta hinuku.

I MARAKUSU 16:16 ပူးပေါင်းရင်းမြစ်များ

I MATIU 28:19

Onaemo pu'uno imelakomo, impokogagi iramo ana guru-Ku luwuno tongku ka imebaho iramo a nee-Do i Ama ka Ana ka Penaa Mempori,

I MARAKUSU 1:15

Dopotae, ”Tempono inihiiomo; Poparentaa-Do Ue Ala rangkuomo. Intepidimo ka impe'ala-alaomo Lele Mawongkoa!”

I LUKASI 8:12

Anu tedonta a wiwi nsala atuu onaemo mia anu rumongeomo; ka i'amba haweomo i mosa'o umalao pau atuu inso i laro aroado, ka si dompompe'ala-ala ka mengkinadudui.

I YOHANE 20:31

sine luwuno anu tewinso i ndi'ai binuriomo, ka impe'ala-alao, nine Ondaemo i Yesu i Mesia, Ana-Do Ue Ala, ka impohawe tuwua a nee-Do hangano pompe'ala-alamiu.

I YOHANE 3:36

Ba isema me'ala-ala Ira Ana, onae mohawe tuwua anu nahina tampulaano, sine ba isema nahi petenunui Ira Ana, onae nahi ta kumitao tuwua, tendeano pontekudaako-Do Ue Ala kongko mpiha ndi onae.”

I YOHANE 3:5

Sumangki Ira i Yesu, ”Kupauakomu, menteeano tewala asa mia nahi pine'anaako inso a uwoi ka Penaa, nahi ta mokompewinso a laro Poparentaa-Do Ue Ala.

I YOHANE 5:24

Kupauakomiu: Menteeano ba isema rumongeo pinau-Ku ka ipe'ala-ala Ira anu tumena Aku, onae mohawe tuwua anu nahina tampulaano ka nahi ta hinuku, hangano melimbaomo inso a laro matea a laro ntuwua.

I YOHANE 6:29

Sumangki Ira i Yesu, ”Ndiomo anggaa anu inehe-Do Ue Ala, onaemo ka impe'ala-ala Ira anu tinena-Do Ue Ala.”

I YOHANE 6:35

Motae Ira i Yesu ndi ondae, ”Ongkuemo roti tuwua; ba isema aiwa ndi Ongkue, nahi ta mokoninggo mbo'u, ka ba isema anu me'ala-ala Aku, nahi ta mokoranga mbo'u.

I YOHANE 6:40

Hangano ndiomo po'ehe-Do Ama-Ku, onaemo sompo mia, anu kumita Ira i Ana ka anu me'ala-ala Ira ka dompohawe tuwua anu nahina tampulaano, ka a tampulaano wawontolino ka Kuwanguo.”

I YOHANE 8:24

Onaemo pu'uno hieno ka Kupotaeakomiu, nine komiu memateako halamiu; hangano tewala nahi impe'ala-alao, nine Ongkuemo andio, komiu memateako halamiu.”

WINEWEUDO TINENA 10:43

Mongkonamo Ondae sinakosiido luwuno nabi, nine ba isema me'ala-ala Ira, ta inampuniako halano hangano nee-Do.”

WINEWEUDO TINENA 13:39

Ka ndi Ondaemo sompo mia anu mompe'ala-ala ipohawe tepotolaa inso a luwuno hala, anu nahi komiu mpohawe inso a songkano i Musa.

WINEWEUDO TINENA 13:46

Sine i Paulu ka i Baranaba mosia mepau, ”Lano asalakono ndi omiumo se'elu ipinalele pau-Do Ue Ala, sine nahi imentarimao ka impotae nahi pototomiu mpohawe tuwua anu nahina tampulaano. Onaemo pu'uno kami mpewolili a luwuno tongku susua.

WINEWEUDO TINENA 2:38

Isangki ira i Peturu, ”Intepidimo ka po'ineeomo singge mia ka ipepebaho a nee-Do i Yesu Kerisituu ka ite'ampuni halamiu, ka komiu mpotarima pompowee Penaa mempori.

WINEWEUDO TINENA 2:41

Mia anu mentarimao pinauno atuu mpepebaho ka a oleo atuu porokodo tetiangi bara'ura tolu nsowu mia.

WINEWEUDO TINENA 22:16

Ka kanandio-andio, tembio ka da unanta-nanta? Pentademo ka pepebahomo ka luwuno halamu pinokomempori ka upebooli a nee-Do i Ue!

ROMA 3:6

Naahi ntu'u! Tewala kanatuu, kana'umpeke ka Dopokobitarao Ue Ala wawontolino?

ROMA 4:24

sine binuri saru koa mbo'u tiato; hangano ndi ontae mbo'u Dopototoio Ue Ala, hangano tompe'ala-ala Ira, anu wangu Iramo i Yesu, Ueto, inso i olodo mia mate,

2 TESALONIKA 1:8

ka moweweu pombaloa ndi ondae anu nahi domebehe mento'ori Ira Ue Ala ka nahi domperorongeakono Lele Mawongkoa-Do i Yesu, Ueto.

2 TESALONIKA 2:12

ka domehinuku luwu mia anu nahi dompe'ala-alao menteea ka anu inehedo mosa'oa.

1 PETURU 1:21

Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.

1 PETURU 3:21

Omiu mbo'u kanandio-andio ikadudui komiu potundaano, onaemo pebahoa – tinoono komba ka ipokomorinao mokoburuno koroi, tendeano ka ipo'emaakono ponto'orino aroa anu moiko ndi Ondae Ue Ala – hangano pewangu-Do i Kerisituu,

MENGKAAA 20:15

Ka sompo mia anu nahi hinawe neeno teburi a wunta tuwua atuu, onae pinetadiako a laro ntahi api atuu.

MENGKAAA 21:8

Sine mia medoito, mia anu nahi dompompe'ala-ala, mia memokoburu, mia anu pompepate, mia mebelesu, puu ponsihiri, anu mpesomba a lahumoa ka luwuno anu mpegaupi, ondae ira mpohawe tiado a laro ntahi anu kolanga-langa hangano api ka walira; onaemo andio matea anu ko'orua.”