I MARAKUSU 16:15 - Wunta Mempori

¹⁵ Ka Do'amba motaeako ira, ”Imelakomo i asa wawontolino, paleleomo Lele Mawongkoa a luwuno anu tuwu.

I MARAKUSU 16:15 ပူးပေါင်းရင်းမြစ်များ

Po'unde-unde 22:27

Mia anu marasai ta mongkaa ka mowohi, mia anu umungke Ira i Ue ta umunde-unde Ira; po'ineeomo aroamu ka imawongko mpiha!

Po'unde-unde 96:3

Tutuluomo maramba-Do i olodo tongku ka luwuno wineweu-Do anu kinohali-haliako i olodo luwuno suku tongku.

Po'unde-unde 98:3

Dorambeo pompehohawa ka mentee-Do a nsuku Isaraeli, domengkitaomo luwuno tompano tolino tekadudui-Do Ue Alato.

Yesaya 45:22

Impepokulemo ndi Ongkue ka imengkinadudui, hei luwuno tompano tolino! Hangano Ongkuemo Ue Ala ka nahina anu susua.

Yesaya 49:6

kanandiomo pau-Do, ”Tedeilahi lahi butu kogagi tetenaa-Ku, tumeahako ira sukuno i Yako ka mokule ira to Isaraeli anu mentola. Aku weweuko gagi mewinedo luwuno tongku ka pongkadudui-Ku ka ihawe koa i tompano tolino.”

Yesaya 52:10

Dopopokitaomo i Ue kae-Do anu mempori i arono matado luwuno tongku; luwuno tompano tolino kumitao tekaduduia inso ndi Ondae Ue Alato.

I MATIU 28:19

Onaemo pu'uno imelakomo, impokogagi iramo ana guru-Ku luwuno tongku ka imebaho iramo a nee-Do i Ama ka Ana ka Penaa Mempori,

I MARAKUSU 13:10

Sine Lele Mawongkoa asalakono pinalele ari a luwuno tongku.

I YOHANE 15:16

Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku.

I YOHANE 20:21

Onaemo ka Dopotae i Yesu pohona mbo'u, ”Rodoa kumongkomi komiu! Mengkena kana Dotena Aku i Ama, kanatuu koa mbo'u Kutena komiu.”

WINEWEUDO TINENA 1:2

hawe a oleo ka Dotetande. Se'eluno atuu a mpabawano Penaa Mempori Do'oliwi iramo tinena anu bininiki-Do.

WINEWEUDO TINENA 1:8

Sine komiu mpotarima pabawa, tewala metii Penaa Mempori ndi omiu, ka komiu megagi sakosii-Ku i Yerusale ka i asa wawo wita Yudea ka Samaria ka hawe i tompano tolino.”

ROMA 10:18

Sine mesikeno aku: Nde nahi domerongeoke? Lano domerongeomo, ”Suarado hawe i asa wawontolino, ka paudo hawe i tompano tolino.”

ROMA 16:26

sine anu kanandio-andio pinokomengkaaomo ka montonda parenta-Do Ue Ala anu nahina tampulaano, pinaleleomo a luwuno tongku hangano wuntado luwuno nabi anu wawa ira ka dompetonda mpompe'ala-ala –

EPESU 2:17

Hawe Ira ka paleleo rodoa ndi omiu anu ”me'olai” ka rodoa ndi ondae anu ”me'umpeda”,

KOLOSE 1:23

Onaemo pu'uno asalakono ka imemoroso aroa a pompe'ala-ala, memoroso mpiha ka nahi ntelelu, ka si mebehe ntepahe inso a pomperorohia Lele Mawongkoa, anu imerongeomo ka anu pinaleleomo i asa wawontolino i totono langi, ka anu ongkue andio, i Paulu, gagi akumo puu pompekakaakono.

KOLOSE 1:6

anu haweomo ndi omiu. Lele Mawongkoa atuu mewua ka koteti-tetiangino i asa wawontolino, kanatuu koa mbo'u i olomiu mompu'u tempono imerongeo ka mento'orio ntu'u pe'aroa-Do Ue Ala.

1 YOHANE 4:14

Ka kimengkitaomo ka mpesakosii, nine Dotena Iramo i Ama Ana-Do gagi Puu Pongkaduduino wawontolino.

MENGKAAA 14:6

Ka kukitao aasa mala'eka susua menee i tonga-tongano langi ka ndi onae hinao Lele Mawongkoa anu nahina tampulaano ka ipaleleako ira anu mpo'ia i wawontolino ka a luwuno tongku ka suku ka pau ka pepe'etua,