I MARAKUSU 14:36 - Wunta Mempori

³⁶ Dopotae, ”Oo Aba, oo Ama, nahina anu nahi Ipolio, I'alaomo tonde andio inso ndi Ongkue, sine komba po'ehe-Ku, tendeano po'ehe-Miu.”

I MARAKUSU 14:36 ပူးပေါင်းရင်းမြစ်များ

Tegagia 18:14

Hinaoke te'asa anu nahi ta gagi ndi Ondae i Ue? A tempo anu pinakosiomo atuu, ta'u ramai, Aku wali tepohaweakomu. A tempomo atuu i Sara hinao anano asa ana ntama.”

Po'unde-unde 40:8

Ka ku'amba motae, ”Mentee ntu'u, ongkue aiwa; a laro paluluno wunta hinao binuri mongkona ongkue;

Yeremia 32:27

”Menteeano, Ongkuemo Ue, Ueno luwuno anu tuwu. Hinaoke anu nahi Kupolio?

I MATIU 26:39

Ka Dopelelaako tedei, ka Do'amba menggolontu mesomba ka mekakai, Dopotae, ”Oo Ama-Ku, ba mansa Ipemoikoo, po'ineeomo tonde andio ka itelalo inso ndi Ongkue, sine siimo kana po'ehe-Ku, tendeano kana po'ehe-Miu.”

I MATIU 26:42

Ka Do'amba lumako anu kompenduano ka Dopekakai, Dopotae, ”Oo Ama-Ku tewala nahi pemoikoo tonde andio itelalo, sangkadio ba Ku'inuo, ka igagimo po'ehe-Miu!”

I MATIU 6:9

Onaemo pu'uno impekakaimo kanandio: Amamami anu i suruga, nee-Miu ka ipinokomempori,

I MARAKUSU 10:27

Ondae i Yesu mengkita ndi ondae ka Dopotae, ”A mia mongkona atuu nahi polio, sine komba kanatuu ndi Ondae Ue ala. Hangano luwuakoano Dopolio Ue Ala.”

I MARAKUSU 10:39

Sumangki ira, ”Kami koa polio.” Dopotaeako ira i Yesu, ”Lano, komiu koa uminuo ihino tonde anu asalakono Aku uminuo ka komiu binahoako pobaho anu asalakono Aku tumarimao.

I MARAKUSU 14:37

Umarino atuu wali Iramo aiwa, ka Dohawe ira kontongaado mpoturi otolu ira. Ka Dopotaeakono i Peturu, ”Simo, tekonaiko moturike? Nahi upolioke metangkoro te'asa langku?

I YOHANE 12:27

Kanandio-andio te'urense laro-Ku ka hapa anu Aku pauo? Ama, Ikadudui Akumo inso a tempo andio? Naahi, hangano onaemo pu'uno ka Kuhawe a tempo andio.

I YOHANE 18:11

Dopotaeakono i Yesu i Peturu, ”Tampio ponaimu atuu; kombake asalakono Aku uminuo ihino tonde anu Doweea-Kune i Ama?”

I YOHANE 4:34

Motae Ira i Yesu ndi ondae, ”Kaanga-Ku onaemo weweuo po'ehe-Do anu tumena Aku ka moko'umario anggaa-Do.

I YOHANE 5:30

Nahi Kupolio moweweu hapa-hapa inso a ngkoroi-Ku Ongkue-Ku; Kupobitara menunu saru hapa anu rinonge-Ku, ka pobitara-Ku moleo, hangano nahi Kutondao po'ehe-Ku Ongkue-Ku, tendeano po'ehe-Do anu tumena Aku.

GALATIA 4:6

Ka hangano omiu ana, onaemo ka Dotena Ira Ue Ala Penaa-Do ana-Do i laro aroato, anu mebooli, ”Oo Abba, oo Ama!”

PILIPI 2:8

Ka a laro nteweweu-Do kana mia, me'urumako Iramo ka momperorongeako hawe ka Domate, tendeano ranta mate a ngkeu pinotamba.

2 TIMOTIU 2:13

tewala nahi tompetenunu, Ondae pine'ala-ala mpiha, hangano nahi Dopokohapuo koroi-Do.”

TITU 1:2

ka me'empehiako pomperorohia a ntuwua anu nahina tampulaano anu se'eluno pompu'uano tempo Dodandiomo Ue Ala anu nahi Dopegaupi,

IBARANI 6:18

hangano orua mengkaaano anu nahi bali, mongkona isua Ondae Ue Ala nahi Ira megaupi, ontae anu mpo'ungke pepekaduduia, ka tompohawe pompokoroso mentehaweo pomperorohia anu mo'ia i aroto.