I MARAKUSU 14:12 - Wunta Mempori

¹² A oleo amba-ambano inso a oleo langkai Roti Nahi Peragi, i tempono mia mposumbele bimba Pasa, dompotae ana guru-Do i Yesu ndi Ondae, ”A mpo'ianga i sua inehe-Miu kami mpopatindaa-Komiu pelimbua Pasa?”

I MARAKUSU 14:12 ပူးပေါင်းရင်းမြစ်များ

Peluarakoa 12:18

Ia wula ko'aasa, tanggala hopulu ka opaa wula atuu tempono ngkiniwia, asalakono impokaa roti nahi peragi, hawe ia tanggala rua pulu ka asa wula atuu tempono ngkiniwia.

Peluarakoa 12:6

Bimba ke bembe atuu, asalakono imponsiao hawe tanggala hopulu ka opaa wula andio; ka i'amba luwuno bawaa Isaraeli mpepumpu mposumbele tempono ngkiniwia.

Peluarakoa 12:8

Bauno asalakono rinarami ka i'amba kinaa a wongi koa atuu saru roti anu nahi peragi ka inahu mopa'i.

Peluarakoa 13:3

Ka i'amba motaeako ira i Musa tongku atuu, ”Impelangkaio oleo andio, nde oleo andio impeluarako inso i wita Masiri, inso a mpo'ianga tepe'ataamiu; hangano kae-Do i Ue anu moroso wawakomiu mpeluarako inso i wita Masiri. Onaemo pu'uno kaanga hapamo koa anu meragi, si kinaa.

I MATIU 3:15

Ka do'amba sumangki i Yesu, Dopotaeakono, ”Po'ineeomo ka igagi mongkonatuu, hangano kanandiomo anu tekona to'ihiio luwu po'ehe-Do Ue Ala.” Ka itondaako Iramo i Yohane.

I MARAKUSU 14:1

Oleo langkai Pasa ka oleo langkai Roti Nahi Peragi ta pinu'u orua oleopo mbo'u. Petewawado sando mpesomba ka anu mponto'ori Taura mpo'ungke sala saru mpe'akala ka dompokorako Ira ka mepate Ira i Yesu,

I MARAKUSU 14:11

Tedoa ira memawongko tempono domerongeo ka ondae mpedandi ira mpoweeakono doi. Ka i'amba mo'ungke tempo anu moiko ka ipeweengako Ira i Yesu.

I MARAKUSU 14:13

Ka Do'amba tumena ira orua ana guru-Do saru pe'oliwi, ”Ilakomo a ngkota; i ra'ai komiu tepohaweakono aasa mia anu mowawa kusi me'ihi uwoi. Onaemo itondao

GALATIA 4:4

Sine mansano sompoomo tempono, onaemo ka Dotenao Ue Ala ana-Do, anu pine'anaakono asa beine ka metuundu a songka Taura.

Winali 16:5

Si mpopesombaako pesomba Pasa i luwuno kota anu Doweeakomiu i Ue, Ue Alamiu,