I MARAKUSU 13:14 - Wunta Mempori

¹⁴ ”Tewala imengkitao Puu Pompepate mokoburu mentade a mpo'ianga anu nahi pototono – anu mpobasa asalakono ka dompepenteeo – ka luwuno mia anu i Yudea asalakono ka dompolai a mentorukuno.

I MARAKUSU 13:14 ပူးပေါင်းရင်းမြစ်များ

Ponsabangi 1:10

Ewaino weroo kaeno a luwuno arataano; tendeano ka ikitao kana'umpe luwuno tongku dompewinso a laro mpo'ianga memporino, kahinaano Omiu, oo Ue, i'onto iramo ka dompewinso bawaa-Miu.

Yehesikieli 44:9

Onaemo pu'uno, kanandiomo pau-Do Ue Ala: Nahina maupo te'asa mia inso a luwuno mia hawe anu nahi petindi ke maupo nahi petindi aroano, moiko ipewinso a laro po'ianga mempori-Ku, humbee sompo mia hawe anu kongko i tonga-tongado to Isaraeli.

Danieli 11:31

Sorodaduno ira mehawe, mengkokoburutio po'ianga mempori ka bente atuu, mempahihio pesomba sompo oleo. Domenteahakono wineweu mokoburu anu mompepate.

Danieli 12:11

Mompu'u ipinenaa-naaako pesomba sompo oleo ka luwuno pinesombai mokoburu anu mompepate atuu tineahako, hinao asa nsowu ka rua etu ka sio pulu oleo.

Danieli 8:13

Ka i'amba kurongeo asa mia mempori mepau, ka asa mia mempori susua motaeakono anu mepau atuu, ”Hawe opia tempono igagi pongkita mongkona pesomba sompo oleo ka gau mosa'o anu mompepate, mongkona po'ianga mempori anu pineweengako ka sorodadu i langi anu melinolanda?”

Danieli 9:27

Mokole atuu ta weweuo pedandia atuu gagi dompemobeao hadio mia asa meluka opitu tempo tehineno. A entongano opitu tempo atuu onae ta mokompenaa-naaao pesomba sinumbele ka pesomba kaanga; ka i wawono pani mokoburua ta hawe anu mompepate, hawe a mporopua anu pinakosiomo umaluo anu mompepate atuu.”

I MATIU 13:51

Impokonto'oriomoke luwuno atuu?” Mesangki ira, ”Humbee, kimpokonto'oriomo.”

1 KORINTI 14:20

Pepaekompo luwu-luwu, si mpompewowolo mengkena kana nana'ote. A mosa'oa imegagimo nana-ote, sine pinewowolomiu kana mia sompoomo tinuwuno!

MENGKAAA 1:3

Me'uraomo onae anu basao ka ondae anu mperorongeakono luwuno pau anu ta gagi andio, ka anu tumondao hapa anu teburi i larono, hangano tempono umpedaomo.

MENGKAAA 13:18

Anu kinere i ndi'ai onaemo ponto'ori anu mentee: ba isema anu pande mosongka, moikoomo idoao doano kondehora atuu, hangano podoa atuu onaemo podoano koa asa mia, ka doano onaemo nomo etu ka nomo pulu ka onoo.