I MARAKUSU 12:6 - Wunta Mempori

⁶ Kanandio-andio asamo koa mo'ia anano anu pinehohawano. Poko'ariano itenao lumako ndi ondae, ipotae: Anaku ira metampahio.

I MARAKUSU 12:6 ပူးပေါင်းရင်းမြစ်များ

Tegagia 22:12

Ka Do'amba mepau, ”Si pepateo nana'ote atuu ka si poweweu hapa-hapa ndi onae, hangano kanandio-andio Kuto'oriomo nine omue doitoako Ira Ue Ala ka nahi nanta-nanta aroamu meweengakono anamu anu asa-asano atuu ndi Ongkue.”

Tegagia 22:2

Mepau Ira, ”Alaomo i Saki, anamu anu asa-asano, anu pinehohawamu, lakomo i wita Moria ka pesombaakonomo i ra'ai gagi pesomba tinunu i asa torukuno anu Aku pauakomu.”

Tegagia 37:3

I Isaraeli lalu mehohawao i Yusupu sekonopo luwuno anano anu susua, hangano i Yusupu anano anu hina tempono imota'u. Onae metena moweweuakono lemba meloe anu tedoa tekosi.

Tegagia 44:20

Ka ki'amba mesangki komiu ueku: Da kongko ira amamami anu mota'u iramo ka da hinao anado anu mongura, anu hina tempono domota'umo. Pepaekompono ntu'u mateomo ka butu onae asa-asano anu mo'ia inso ndi ondae me'asa ine. Onaemo pu'uno, amano tedoa mehohawao.

Po'unde-unde 2:12

Woo-wooomo nana'ote! Ka si mansa Dotekuda ka imemate a nsala, hangano moruana ntu'u itensila tekuda-Do. Me'uraomo luwuno mia anu mepekadudui ndi Ondae!

Po'unde-unde 2:7

Akumo paleleo pompakosi-Do i Ue; Dopotae ndi ongkue, ”Omuemo ana-Ku! A oleo andio omue Kupokomengkaako gagi ana.

Yesaya 42:1

Kitao, atuu tetenaa-Ku anu inini-Ku, mia bininiki-Ku, anu ndi onae Kupemoikoo. Kunaaomo Penaa-Ku ndi onae, ka ipokomengkaao songka a luwuno tongku.

I MATIU 1:23

”Menteeano, ana beine atuu ta mentia ka me'anaakono aasa ana ntama ka doneeako Ira Imanueli” – anu pengkonaano: Ondae Ue Ala kumongkomi kita.

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

I MATIU 17:5

Ka kontongaano mepau borono metiiomo seru anu mewine umengoi ira ka inso a laro nseru atuu teronge pau motae, ”Ndiomo Ana anu pinehohawa-Ku, Onaemo bininiki-Ku, imperorongeako Iramo.”

I MATIU 26:63

Sine Ondae i Yesu komino mpiha. Ka i'amba motae Sando Mpesomba Langkai atuu ndi Ondae, ”A nee-Do Ue Ala anu tuwu, pauakamimo, ba Omue i Mesia, Ana-Do Ue Ala, ke naahi.”

I MATIU 3:17

Ka i'amba terongeomo suara inso i suruga anu motae, ”Ndiomo Ana-Ku anu pinehohawa-Ku. Onaemo mokomawongko Aku.”

I MARAKUSU 1:11

Ka i'amba terongeomo suara inso i suruga, ”Omuemo Ana-Ku anu pinehohawa-Ku, Omuemo mokomawongkoo aroa-Ku.”

I MARAKUSU 12:5

Ka i'amba tumenao mbo'u aasa ata susua, ka mia andio dompepateo. Ka hadio mbo'u anu susua, hinao anu domentunduhio ka hinao anu dompepateo.

I MARAKUSU 12:7

Sine dompotae anu mpo'angga lere atuu pada ondaedo: Onaemo anu me'umbuo, aiwa tompepateo, ka pusaka andio gagi ontae mpe'ueo.

I MARAKUSU 9:7

Ka haweomo seru borungi ira ka inso a laro nseru atuu teronge suara, ”Ndiomo Ana-Ku anu pinehohawa-Ku, Imperorongeako Iramo.”

I LUKASI 3:22

ka metiiomo Penaa Mempori a laro rupano manu-manu marapatii i wawo-Do. Ka terongeomo suara inso i langi, ”Omuemo Ana-Ku anu pinehohawa-Ku, ndi Omuemo Kupemoikoo.”

I LUKASI 9:35

Ka terongeomo suara inso a laro nseru atuu, anu motae, ”Ndiomo Ana-Ku anu bininiki-Ku, imperorongeako-Nomo.”

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 1:18

Nahina maupo te'asa mia anu horikumita Ira Ue Ala; sine Ana-Do Ue Ala Anu Asa-asa, anu kongko a mpo'awia-Do i Ama, Ondaemo anu mokomengkaa Ira.

I YOHANE 1:34

Ka kukita Iramo ka mesakosii: Ondaemo andio Ana-Do Ue Ala.”

I YOHANE 1:49

Motae i Natanae ndi Ondae, ”Guru, Omiu Ana-Do Ue Ala, Omiu Mokoledo to Isaraeli!”

I YOHANE 3:35

Ondae i Ama mehohawao Ana-Do ka Dopeweengakonomo luwuakoano ndi Ondae.

I YOHANE 5:23

ka dompelangkai Ira luwuno mia i Ana mengkena kana dompelangkai Ira i Ama. Ba isema nahi pelangkai Ira i Ana, onae nahi pelangkai Ira mbo'u i Ama, anu tumena Ira.

IBARANI 1:6

Ka tempono Dowawao mbo'u Ana-Do anu amba-ambano i wawontolino, mepau Ira, ”Luwuno mala'eka-Do Ue Ala asalakono mpesombai Ira.”

1 YOHANE 4:9

I ndi'aimo pompehohawa-Do Ue Ala ipinokomengkaa i tonga-tongato, onaemo nine Dotena Iramo Ue Ala Ana-Do anu asa-asa aiwa i wawontolino, ka tomentuwu hangano Ondae.

3 YOHANE 1:1

Inso a mpenatua hawe ndi Gayusi anu kinekewoi, anu pinehohawaku a laro menteea.