I MARAKUSU 12:36 - Wunta Mempori

³⁶ Sekono i Daudi a pontaateno Penaa Mempori motae: Mepau Iramo i Ue ndi ondae ueku: pentoromo i koana-Ku, hawe ka Kunaa ira iwali-Miu a ntoto ngkaru-Miu.

I MARAKUSU 12:36 ပူးပေါင်းရင်းမြစ်များ

2 Samueli 23:2

Penaa-Do Ue Ala mepau telalo ndi ongkue, pau-Do kongko a eloku.

Nehemia 9:30

Sine, mapata'u-ta'u mauru Komiu ndi ondae. Penaa-Miu mopoto'oriako ira molalo luwuno nabi-Miu, sine nahi domperioo, ranta ka Ipeweengako ira a ngkaedo luwu tongku i asa wawontolino.

Po'unde-unde 110:1

Penani po'unde-undeno i Daudi. Pau-Do i Ue a ueku, ”Pentoromo i koana-Ku, hawe ka Kuweweu ira iwalimu gagi pelandaano karumu.”

I MATIU 5:35

maupo mesakosiiako tolino, hangano tolino pelandaano karu-Do, ke maupo mesakosiiako Yerusale, hangano Yerusale kota-Do Mokole Langkai;

WINEWEUDO TINENA 1:16

”Hei pepaekompo, asalakono inihii pau a Wunta Mempori, anu pinohawe-Do Penaa Mempori mesala ndi Daudi mongkona i Yudasi, petewawado mia anu rumako Ira i Yesu atuu.

WINEWEUDO TINENA 28:25

Ka tekaleomo tepotowoa atuu nahi dontepokona pada ondaedo. Sine i Paulu da mepauako pau anu aasa andio, ”Menteeomo ntu'u pau anu pinohawe-Do Penaa Mempori a uempu'uto anu pinauno Nabi Yesaya:

1 KORINTI 15:25

Hangano asalakono Ira meparenta gagi Mokole hawe ka Donaa ira Ue Ala luwuno iwali-Do a ntoto ngkaru-Do.

2 TIMOTIU 3:16

Luwuno binuri anu inso a Mpenaa-Do Ue Ala lano mentudu a pompaguru, mokomengkaao saala, mokomoikoo pelelu ka paguruo mia a menteea.

IBARANI 1:13

Ka ndi semake i olodo mala'eka atuudo Dohori mepau, ”Pentoromo i koana-Ku, ranta Kuweweu ira iwali-Miu gagi pelandaano karu-Miu?”

IBARANI 4:7

Onaemo pu'uno ka Dopakosio mbo'u aasa oleo, onaemo ”oleo andio,” mansano ba opia tehineno tempono Dopepau telalo ndi Daudi kana pinau i wawono, ”A oleo andio, tewala imerongeo suara-Do, si mpokomoteao aroamiu!”

1 PETURU 1:11

Ka dompepenteeo tempo anu isua ka anu kana'umpe tinoono Penaa-Do i Kerisituu, anu kongko i larodo, onaemo Penaa anu se'eluno mompowee ponsakosii mongkona luwuno tebobarasaia anu ta umalu Ira i Kerisituu ka mongkona luwuno marambaa anu metonda lembui umarino atuu.

2 PETURU 1:21

hangano pinau anu ta gagi nahi hori te'inso a mpo'eheno mia, sine hangano petena-Do Penaa Mempori ka dompepau luwuno mia a nee-Do Ue Ala.