I MARAKUSU 12:14 - Wunta Mempori

¹⁴ Mia atuudo mehawe ka dompotaeako Ira, ”Guru, kimento'orio, Omiu asa mia anu moleo, ka nahi doito maupo ndi sema, hangano Omiu nahi pobiniki mia, tendeano a menteeano Ipompaguruako sala lumako ndi Ondae Ue Ala. Nde tekonake mo'owahi sima'ulu ndi ondae Datu ke naahi? Asalakonoke kami me'owahio ke naahi?”

I MARAKUSU 12:14 ပူးပေါင်းရင်းမြစ်များ

2 Tawarika 18:13

Sine sumangki i Mika, ”Ndi Ondae i Ue anu tuwu, menteeano hapa anu Ira pauo Ue Alaku, onaemo anu aku pauo.”

2 Tawarika 19:7

Onaemo pu'uno, po'ineeomo ka imedoitoako Ira i Ue. Impopetu'uimo pomputusi, hangano moweweu molengku, mobiniki mia ke maupo montarima anu nahi pototono nahina ndi Ondae i Ue, Ue Alato.”

Nehemia 9:37

Wita atuu moluarako hadio hasilino tiado luwuno mokole anu pinakosi-Miumo ndi omami, hangano luwuno halamami. Domempabawaio koroimami ka pinotuwumami montonda po'eheno aroa, ranta omami a laro masukaraa langkai.”

Po'unde-unde 120:2

”Oo Ue, Ipotola akumo inso a wiwi megaupi, inso a elo mompopo'oo.”

Po'unde-unde 55:21

Wali-wali atuu tumandeo kaeno te'aro ndi ondae anu tuwu manangai saru onae, ka lumimpaio dandino;

Yeremia 42:20

Imempopo'ooomo koroimiu ka gagi masolaano penaamiu, tempono imentena aku ndi Ondae i Ue, Ue Alamiu, saru mpotae: Pekakaiakamimo ndi Ondae i Ue, Ue Alato, ka pauomo a menteeano ndi omami hapa anu pinau-Do i Ue, Ue Alato, ka kimeweweuo!

Mika 3:8

Sine ongkue andio bukeako roso, saru Penaa-Do i Ue, saru moleoa ka moroso saru mosia, ka pauo ndi Yako salano ka ndi Isaraeli halano.

I MATIU 22:16

Domentena ira ana gurudo mperonga saru to Herodia mpesikeno ndi Ondae, ”Guru, kimento'orio, Omiu asa mia anu moleo ka moleo Ipompaguru mongkona po'ehe-Do Ue Ala ka nahina dinoitoa-Komiu maupo ndi sema, hangano nahi pobiniki mia.

I MATIU 22:17

Ipauakamimo pohawe-Miu: Ba moiko koa mo'owahi sima'ulu a Datu ke naahi?”

I MARAKUSU 12:13

Ka i'amba mentinena ba opia ira to Parisi ka to Herodiani melako ndi Ondae i Yesu ka dompete'umala mpauako Ira aasa pesikeno.

I MARAKUSU 12:15

Sine Doto'orio i Yesu po'onde-ondedo, ka Do'amba motaeako ira, ”Tembio ka ime'ara-arahako Aku? Wawaomo ramai te'asa dinare ka Kukitao!”

I MARAKUSU 14:45

Ka tempono ihawe i tu'ai mompari-pari lumako tepohaweako Ira i Yesu ka ipotae, ”Guru,” ka i'amba woo-woo Ira.

I LUKASI 20:22

Moiko koake ba kimpo'owahi sima'ulu a Datu ke naahi?”

I LUKASI 23:2

I tu'ai mpompu'u iramo tumuluri Ira, dompotae, ”Kimehaweomo, nine mia andio mokontesaa ira tongkumami, ka umonto ira mpo'owahi sima'ulu a Datu, ka mongkona koroi-Do Dopotae, nine Ondaemo i Kerisituu, anu Mokole.”

I YOHANE 7:18

Ba isema mompau pauno onaeno, onae mo'ungke pelangkaino onaeno, sine ba isema anu mo'ungke pelangkai-Do anu tumenao, onae mentee ka nahina anu nahi mentee ndi onae.

ROMA 13:6

Onae koa mbo'u pu'uno ka impo'owahi sima'ulu. Hangano ondae anu me'anggao mongkona atuu onaemo anu mpo'anggaako Ira Ue Ala.

2 KORINTI 2:17

Hangano nahi kimpengkena saru hadio mia susua anu mpo'ungke urado inso a mpau-Do Ue Ala. Tendeano ndi Ondae i Kerisituu kimempauo a menteeano saru luwuno tinoo anu molino a mpetena-Do Ue Ala ka i aro-Do.

2 KORINTI 2:2

Hangano, tewala kupokomasusao aroamiu, isema mbo'u anu mokomawongko aku ba nahi onae anu mompemasusa hangano ongkue.

2 KORINTI 4:1

Hangano pe'aroa-Do Ue Ala kimentarimaomo anggaa andio. Onaemo pu'uno nahi motewe aroamami.

2 KORINTI 5:11

Kimento'orio hapa pengkonaano doitoako Ira i Ue, onaemo pu'uno ka kimpeteahako mokomanasaako ira mia. Ndi Ondae Ue Ala aroamami mengkaa saru mewine ka kuperorohio aroamami mengkaa koa mbo'u kanandio a mpontimbangamiu.

2 KORINTI 5:16

Onaemo pu'uno nahi kimengkitao maupo te'asa mia montonda pompewowolono mia. Ka tewala hori kami kumita Ira i Kerisituu montonda pompewowolono mia, kanandio-andio nami kimengkita Ira mbo'u kanatuu.

GALATIA 1:10

Gaagi kana'umpe kanandio-andio: ku'ungkeoke anu inehedo mia ke anu inehe-Do Ue Ala? Mo'arahako akuke ka dome'ineheakune mia? Tewala da mo'arahako aku ka dome'ineheakune mia, ongkue komba tetenaa-Do i Kerisituu.

GALATIA 2:6

Ka mongkona ondae anu topotaemo mentinudu atuu – ba kana'umpe potorodo i ndi'upua, nahi kukereo atuu, hangano Ondae Ue Ala nahi Dopongkita rupa – maupo kana'umpe, ondae anu mentinudu atuu nahina dompedadaakono anu susua ndi ongkue.

Winali 16:19

Si mpoposule moleoa kasi mpobiniki mia. Osi'i mbo'u impotarima pompowee nahi moleo, hangano pompowee nahi moleo mokomorawuo matano mia pande mompewowolo ka momposule kara-karano mia mentee.

1 TESALONIKA 2:4

Tendeano, hangano Dopetekona kamimo Ue Ala ka kimempine'ala-alaako Lele Mawongkoa, onaemo pu'uno ka kimpepau, komba mokomawongko ira mia, tendeano mokomawongko Ira Ue Ala anu umara-arahakono aroato.