I MARAKUSU 12:13 - Wunta Mempori

¹³ Ka i'amba mentinena ba opia ira to Parisi ka to Herodiani melako ndi Ondae i Yesu ka dompete'umala mpauako Ira aasa pesikeno.

I MARAKUSU 12:13 ပူးပေါင်းရင်းမြစ်များ

Po'unde-unde 140:5

Idagai akumo, oo Ue, inso a pokungkuno mia mosa'o gauno, Ikadudui akumo inso a mia anu mompokonsii, anu montoo dumontai aku.

Po'unde-unde 38:12

Luwuno sambe'eku ka wali-waliku mpeliahako hangano hakiku, ka pe'etuku mpe'olaiako.

Yesaya 29:21

ondaemo anu moruana mpopokosala mia a laro asa kara-kara, ka mpota'oakono oho anu monteahako songka a mpewowa langkai, ka anu mpoposule moleoa a mia mentee me'empehiako anu nahi mengkaa pepu'uano.

Yeremia 18:18

Dompotae, ”Aiwamo tompotudao tinooto umewaio i Yeremia, hangano pompaguru nahi ta pingko inso a nsando mpesomba, patudu inso a mia pande monsongka, ka pau inso a nabi. Aiwa tomentunduhiakono pau ka si pinekokoongako sompo pinauno!”

I MATIU 16:6

Dopotaeako ira i Yesu, ”Impedagaimo ka impetangkoro a ragido to Parisi ka to Saduki.”

I MARAKUSU 12:14

Mia atuudo mehawe ka dompotaeako Ira, ”Guru, kimento'orio, Omiu asa mia anu moleo, ka nahi doito maupo ndi sema, hangano Omiu nahi pobiniki mia, tendeano a menteeano Ipompaguruako sala lumako ndi Ondae Ue Ala. Nde tekonake mo'owahi sima'ulu ndi ondae Datu ke naahi? Asalakonoke kami me'owahio ke naahi?”

I MARAKUSU 3:6

Ka i'amba mpeluarako iramo to Parisi ka mpopari-pari mpedandi mpoweweu mosa'o saru to Herodia ka dompepate Ira.

I MARAKUSU 8:15

Ka Do'amba i Yesu mopoto'oriako ira, Dopotae, ”Impedagaimo ka imetangkoroo ragido to Parisi ka ragino i Herode.”

I LUKASI 11:54

Onaemo atuu inungkeakodo mete'umala Ira, ka dompokorako ira me'empehiako te'asa anu pinau-Do.