I MARAKUSU 10:30 - Wunta Mempori

³⁰ mia atuu kanandio-andio i tempo koa mbo'u andio ta wali tumarimao meluka asa etu: raha, pepaekompo tama, pepaekompo beine, ine, ana ka lere, maupo tinondaako mperupa-rupa pobobarasaia, ka a tempo anu ta hawe onae ta tumarimao tuwua anu nahina tampulaano.

I MARAKUSU 10:30 ပူးပေါင်းရင်းမြစ်များ

2 Tawarika 25:9

Ka i'amba motae i Amasia a ntetenaa-Do Ue Ala atuu, ”Kana'umpemo asa etu talenta anu kuweeako iramo luwuno sorodadu Isaraeli?” Sumangki tetenaa-Do Ue Ala atuu, ”Ondae i Ue moweeakomiu laalo sekono atuu!”

Po'unde-unde 84:11

Hangano moikoopo asa oleo a kintala-Miu sekonopo asa nsowu oleo a mpo'ianga susua; moikoopo kongko i arono pewowano raha-Do Ue Alaku sekonopo mo'ia a ngkemado mia mosa'o gaudo.

Powadi 16:16

Mohawe ponto'ori anu mentee moikoopo sekono wulaa, ka mohawe ponto'ori masuliopo olino sekono salaka.

Maleaki 3:10

Wawaomo luwuno tia hopulu atuu a laro raha ponaapa arataa, ka ihina pepatindaa kaanga a raha-Ku ka a rahako Akumo, pau-Do Ueno luwuakoano, nde nahi Aku umungkahiakomiu luwuno pentangoano langi ka umuwuakomiu ronso hadio ntu'u.

I MATIU 12:32

Tewala asa mia mepauomo umewai Ira i Ana Manusia, ta inampuni halano, sine tewala i'ewai Ira Penaa Mempori, onae nahi ta inampuni halano, i wawontolino andio ke maupo i wawontolino anu ta hawe naahi.

I MATIU 13:8

Ka asa ntia tedonta a wita anu moiko ka ipewua; hinao anu meluka asa etu, hinao meluka nomo pulu, hinao meluka tolu pulu.

I MATIU 6:33

Sine ime'ungkeomo ari Poparentaa-Do Ue Ala ka mentee-Do, ka luwuno atuu Ira tumiangiakomiu.

I LUKASI 18:30

ta wali montarima meluka i tempo koa mbo'u andio, ka a tempo anu ta hawe onae ta montarima tuwua anu nahina tampulaano.”

I YOHANE 10:23

Ka Ondae i Yesu melempa-lempa a Raha-Do Ue Ala, a ntambino i Salomo.

WINEWEUDO TINENA 14:22

A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia.

WINEWEUDO TINENA 16:25

Sine mansano ta porontonga wongi mekakai ira i Paulu ka i Silasi ka dopenani umunde-unde Ira Ue Ala ka domeronge ira mia mehinuku anu mehano.

WINEWEUDO TINENA 5:41

Domebintao tinena atuu terisoado Puu Mpobitara Agama saru mawongko aroado, hangano pinetekona iramo mpembasaio mokoko'iia hangano Nee-Do i Yesu.

ROMA 5:3

Ka komba butu onae atuu. Tendeano kita koa mpo'unde mbo'u a laro marasaiato, hangano tomento'orio, nine marasaia atuu mompokohina pompedato,

ROMA 6:23

Hangano tambono hala onaemo matea; sine pompehohawa-Do Ue Ala onaemo tuwua anu nahina tampulaano ndi Ondae i Kerisituu Yesu, Ueto.

2 KORINTI 6:10

kana mia anu mompemasusa, sine memawongko mpiha, kana mia mongkokolaro, sine mompokokaea hadio mia; kana mia anu nahina hapa-hapano, maupo luwuakoano hinao ndi omami.

PILIPI 3:8

Tendeano luwuakoano kutuduo rugi, hangano ponto'ori mongkona Ondae i Kerisituu Yesu, Ueku, marambaopo sekono luwuno. Hangano koa Ondae kupotolaomo luwuno atuu ka tumuduo rompo, ka kuhawe Ira koa i Kerisituu,

2 TESALONIKA 2:16

Ka Ondae, Ueto i Yesu Kerisituu, ka Ondae Ue Ala, Amato, anu a mpe'aroa-Do Dopehohawa kitamo ka anu moweeakitamo pontarero anu nahina tampulaano ka pomperorohi moiko ndi ontae,

1 TIMOTIU 4:8

Mokoleleoo koroi tolino komba hadio tuduno, sine mesomba atuu mentudu a luwuakoano, hangano i tu'ai hinao dandi, moiko tiano tuwu andio maupo tiano tuwu anu ta hawe.

1 TIMOTIU 6:6

Lano mesomba atuu tewala tinondaako pompesompo, mompowee ura langkai.

YAKOBU 1:12

Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.

YAKOBU 5:11

Menteeano kimempau ira meme'ura, onaemo andio anu mpompedato iramo; imerongeomo mongkona pompedatono i Ayubi ka imento'oriomo hapa anu poko'ariano Dopatiandaakono i Ue, hangano Ondae i Ue tedoa mompehahowa ka buke pe'aroa.

1 YOHANE 2:25

Ka ndiomo dandi anu Dodandiomo Ondae-Do ndi ontae, onaemo tuwua anu nahina tampulaano.

1 YOHANE 3:1

Kitaomo, tedoa langkai pompehohawa anu Doweeakita i Ama, onaemo ka tomenineeako ana-Do Ue Ala, ka lano ontae ana-Domo Ue Ala. Onaemo pu'uno wawontolino nahi to'ori kita, hangano wawontolino nahi to'ori Ira.

MENGKAAA 2:9

Kuto'orio pinemasusamu ka mongkokolaromu – sine kaeako – ka pomposebedo, anu mempauo koroido to Yahudi, sine anu menteeano komba kanandio: tendeano ondaemo bawaano i Mosa'o.

MENGKAAA 3:18

onaemo ka Kupatuduko, ka upo'oli inso ndi Ongkue wulaa anu pinokomorinaomo a laro api, ka ugagi kaea, ka sangka mopute mbo'u, ka upokonao, ka si tengkita kolambe-lambemu anu mompokoko'ii; ka lana mbo'u lanaino matamu, ka upokompongkita.