I MARAKUSU 10:27 - Wunta Mempori

²⁷ Ondae i Yesu mengkita ndi ondae ka Dopotae, ”A mia mongkona atuu nahi polio, sine komba kanatuu ndi Ondae Ue ala. Hangano luwuakoano Dopolio Ue Ala.”

I MARAKUSU 10:27 ပူးပေါင်းရင်းမြစ်များ

2 Mokole 3:18

Mongkona andio monongko koa a pongkita-Do i Ue; Ira koa meweengakono to Moabi a ngkaemiu.

2 Mokole 7:2

Sine petewawa sorodadu anu gagi mia pine'ala-alado mokole, sumangkio tetenaa-Do Ue Ala, ipotae, ”Maupo Doweweuo i Ue hadio pentangoa i langi, kana'umpe kai gagi mongkona atuu?” Sumangki tetenaa-Do Ue Ala, ”Menteeano, kokumitaakono matamu omuemu, sine nahi komongkaa hapa-hapa inso ndi onae.”

Ayubi 42:2

”Kuto'orio nine Omiu polio weweuo luwuakoano, ka nahina tinoo-Miu anu nahi gagi.

Yeremia 32:17

Oo, Ue Ala! Menteeano, Saru roso-Miu anu langkai ka tokia anu tererendu Ipokogagiomo langi ka tolino. Nahina maupo te'asa anu nahi Ipolio!

Yeremia 32:27

”Menteeano, Ongkuemo Ue, Ueno luwuno anu tuwu. Hinaoke anu nahi Kupolio?

Sakaria 8:6

Kanandiomo pau-Do Ueno luwuakoano: Tewala i tempo atuu luwuno toreano tongku andio mpotae mongkona atuu tedoa kinohali-haliako, nde Aku koa mbo'u motaeke tedoa kinohali-haliako? Kanandiomo pau-Do Ueno luwuakoano.

I MATIU 19:26

Ondae i Yesu mengkita ndi ondae ka Dopotae, ”A mia anu kanandio nahi ta polio, sine ndi Ondae Ue Ala luwuakoano Dopolio.”

I MARAKUSU 10:26

Tepahe iramo ntewuka ka dompepau-pau pada ondaedo, ”Tewala kanandio, isemake anu pinokokadudui?”

I LUKASI 1:37

Hangano ndi Ondae Ue Ala nahina anu nahi ta gagi.”

I LUKASI 18:27

Dopotae i Yesu, ”Hapa anu nahi polio mia, Dopolio Ue Ala.”

PILIPI 3:21

anu Ira balio koroito anu mongkokolaro andio, ranta ka ikana koroi-Do anu maramba, montonda pabawa-Do anu mokompetuunduo luwuakoano ndi Ondae.

IBARANI 11:19

Hangano ipewowoloo, nine Ondae Ue Ala pabawa wangu ira mia maupo inso i olodo mia mate. Ka inso i ra'ai kana waliomo itarimao.

IBARANI 7:25

Onaemo pu'uno ka Dopolio koa mbo'u kumadudui ira ntu'u luwuno mia anu me'aiwa ndi Ondae Ue Ala hangano Ondae. Hangano Ondae tuwu wela mpiha gagi Peposombudo.