I MARAKUSU 10:17 - Wunta Mempori

¹⁷ I tempono Dopelungka i Yesu Ira motilaloakono pelempaa-Do, haweomo aasa mia melulu-lulu tepohaweako Ira ka kontongaano menggolontu i aro-Do onae mesikeno, ”Guru anu moiko, hapa anu asalakono kuweweuo ka kupohawe tuwua anu nahina tampulaano?”

I MARAKUSU 10:17 ပူးပေါင်းရင်းမြစ်များ

Danieli 6:10

Onaemo pu'uno, mokole Dariusu moweweu wunta parenta pepo'onto atuu.

I MATIU 17:14

Tempono Ondae i Yesu ka ana guru-Do mpekule a mia hadio atuu, haweomo asa mia tepohaweako Ira i Yesu ka mesomba,

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

I MATIU 28:8

Mpontuturako iramo melako inso a ngkaburu atuu, medoito mesaloako mawongko anu langkai ka dompelulu mpontuturako ka domempauako ira ana guru-Do i Yesu.

I MARAKUSU 1:40

Aasa mia anu mahaki ngkuli mesaki aiwa ndi Ondae i Yesu, ka kontongaano menggolontu i aro-Do onae mepetulungi ndi Ondae, ipotae, ”Tewala behe Komiu, Ipolio mokotompa aku.”

I MARAKUSU 10:18

Sumangki Ira i Yesu, ”Tembio ka upotae Ongkue moiko? Nahina maupo te'asa mia anu moiko sangkadio butu inso ndi Ondae Ue Ala.

I MARAKUSU 12:14

Mia atuudo mehawe ka dompotaeako Ira, ”Guru, kimento'orio, Omiu asa mia anu moleo, ka nahi doito maupo ndi sema, hangano Omiu nahi pobiniki mia, tendeano a menteeano Ipompaguruako sala lumako ndi Ondae Ue Ala. Nde tekonake mo'owahi sima'ulu ndi ondae Datu ke naahi? Asalakonoke kami me'owahio ke naahi?”

I MARAKUSU 9:25

Mansa-Do kumitao i Yesu mia kohadi-hadiono mehawe mpenggowo, Dotekudaakono onitu nsa'o atuu, Dopotae, ”Hei omue onitu nsa'o anu mokobebeo mia ka mokomobongoo, Kuparentako, peluarakomo inso a nana'ote andio ka si pewinso mbo'u!”

I LUKASI 10:25

Pohona mentadeomo asa anu monto'ori Taura ta umara-arahako Ira i Yesu, ipotae, ”Guru, Hapa kupoweweu ka kupohawe tuwua anu nahina tampulaano?”

I YOHANE 3:2

Onae aiwa ndi Ondae i Yesu tempono wongi ka ipotae, ”Guru, kimento'orio, nine Omiu hawe gagi guru anu tinena-Do Ue Ala; hangano nahina maupo te'asa mia anu polio weweu ira petondoni anu wineweu-Miu atuu, ba nahi Dokongkomio Ue Ala.”

I YOHANE 5:39

Imemparesao luwuno Wunta Mempori, hangano imengko'aro-aroa nine hangano Wunta Mempori komiu mpohawe tuwua anu nahina tampulaano, sine maupo luwuno Wunta Mempori atuu sumakosiio mongkona Ongkue,

I YOHANE 6:40

Hangano ndiomo po'ehe-Do Ama-Ku, onaemo sompo mia, anu kumita Ira i Ana ka anu me'ala-ala Ira ka dompohawe tuwua anu nahina tampulaano, ka a tampulaano wawontolino ka Kuwanguo.”

WINEWEUDO TINENA 16:30

Iwawa ira meluarako, ka ipotae, ”Ue, hapa anu asalakono kupoweweu, ka kutekadudui?”

WINEWEUDO TINENA 2:37

Mansado merongeo mongkona atuu tedoa te'urense aroado, ka do'amba mpotaeakono i Peturu ka tinena anu mehano, ”Hapamoke kami mpombio, pepaekompo?”

WINEWEUDO TINENA 20:32

Ka kanandio-andio kupeweengakomiu ndi Ondae i Ue ka a mpau pompehohawa-Do, anu pabawa wangu komiu ka moweeakomiu tia anu pinakosiako luwuno mia anu Dopokomemporiomo.

WINEWEUDO TINENA 9:6

Sine pewangumo ka lakomo a laro ngkota, i ra'ai kopinauako, hapa anu asalakono ka uweweuo.”

ROMA 2:7

onaemo tuwua nahina tampulaano a mia anu mokua moweweu moiko, umungkeo marambaa, pompelangkai ka anu nahi ta tampula,

ROMA 6:23

Hangano tambono hala onaemo matea; sine pompehohawa-Do Ue Ala onaemo tuwua anu nahina tampulaano ndi Ondae i Kerisituu Yesu, Ueto.

EPESU 1:18

Ka Dopokomewineo matano aroamiu, ka impokonto'orio pomperorohia anu kana'umpeke a laro mpepoboi-Do: kaeaako ntu'u marambaa tia anu Dopakosiako ira mia mempori,

TITU 3:7

Ontae anu megagi mia pinokomentee hangano pe'aroa-Do, ka tontekona mpontarima tuwua anu nahina tampulaano, menunu saru pomperorohito.

IBARANI 1:14

Kombake luwudo onaemo luwuno penaa anu mpompekakaako, anu mentinena ka dompekakaako ira anu asalakono mpohawe tekaduduia?

1 PETURU 1:4

ka imentarimao aasa tia anu nahi pokotampula, anu nahi pokotesosa'ai ka nahi pokomoleu, anu imeninaaako i suruga.

1 YOHANE 2:25

Ka ndiomo dandi anu Dodandiomo Ondae-Do ndi ontae, onaemo tuwua anu nahina tampulaano.