I MARAKUSU 10:14 - Wunta Mempori

¹⁴ Mansa-Do kumitao i Yesu anu gagi atuu, tekuda Ira ka Dopotaeako ira, ”Po'inee ira nana'ote atuudo me'aiwa ndi Ongkue, si me'onsoi ira, hangano mia anu kana ondaemo atuu anu mpe'umbuo Poparentaa-Do Ue Ala.

I MARAKUSU 10:14 ပူးပေါင်းရင်းမြစ်များ

Tegagia 17:7

Aku pakosio pedandia i olo-Ku ka omue saru inulemu mapa'api-api inule gagi pedandia anu nahina tampulaano, ka Ongkue gagi Ue Alamu ka Ue Alado inulemu.

Po'unde-unde 78:4

nahi kami mewuniako ira anado, sine kami mentutuluo a inule anu lembui, luwuno wineweu-Do i Ue anu telele ka roso-Do ka luwuno wineweu-Do anu kinohali-haliako anu Doweweuomo.

Yesaya 65:23

Ondae nahi ira mpe'isei mpena ke mpe'anaakono nana'ote anu ta mepobingko mate, hangano ondae atuu inuledo mia anu rinonso-Do i Ue, ka inuledo kongko saru ondae.

Podoaa 14:31

Mongkona luwuno anamiu anu impotae ta gagi mia tinawa, ondaemo anu Aku wawa ira mpewinso, ka domento'orio wita anu nahi mpe'eheo.

I MATIU 18:10

Impopesu'ui, si hina mompokongkodei te'asa inso a nana'ote kodei andiodo. Hangano Kupauakomiu: Hinao mala'ekado i suruga anu wela kumitao rupa-Do Ama-Ku anu i suruga. [

I MATIU 18:4

Sine ba isema anu me'urumako ka gagi kana nana'ote kodei andio, onaemo anu lalu langkai a laro Poparentaa Suruga.

I MATIU 19:14

Sine Dopotae i Yesu, ”Po'inee iramo nana'ote atuudo, si me'onsoi ira me'aiwa ndi Ongkue; hangano miamo anu kanatuudo anu mpe'umbuo Poparentaa Suruga.”

I MATIU 5:10

Me'uraomo mia anu binobarasai hangano menteea, hangano ondae anu mpe'umbuo Poparentaa Suruga.

I MATIU 5:3

”Me'uraomo mia memongkokolaro i aro-Do Ue Ala, hangano ondaemo anu mpe'umbuo Poparentaa Nsuruga.

I MARAKUSU 3:5

Mompemasusa Ira hangano pe'ulu watudo ka saru tekuda mengkita Ira limbu-limbu ndi ondae ka Do'amba motaeakono mia atuu, ”Tasiakono kaemu!” Ka itasiakono, ka tompaomo kaeno atuu.

I MARAKUSU 8:33

Onaemo ka Dopewolili i Yesu saru mengkita a ana guru-Do Dotekudaakono i Peturu, Dopotae, ”Polaimo Mosa'o, hangano omue komba mompewowolo hapa anu pinewowolo-Do Ue Ala, tendeano hapa anu pinewowolono mia.”

I YOHANE 3:3

Sumangki Ira i Yesu, Dopotae, ”Kupauakomu, menteeano tewala asa mia nahi wali pine'anaako, nahi ta mokokitao Poparentaa-Do Ue Ala.”

I YOHANE 3:5

Sumangki Ira i Yesu, ”Kupauakomu, menteeano tewala asa mia nahi pine'anaako inso a uwoi ka Penaa, nahi ta mokompewinso a laro Poparentaa-Do Ue Ala.

WINEWEUDO TINENA 2:39

Hangano tiamiumo dandi atuu ka tiado anamiu ka tiado mia anu da olai, onaemo montonda hadiono anu Ira moboio Ue Alato.”

WINEWEUDO TINENA 3:25

Omiumo anu mehaweo luwuno pinau anu ta gagi atuu ka mpohawe tia a mpedandia anu wineweu-Do Ue Ala saru uempu'uto, tempono Dopepau ndi Burahima: Hangano inulemu luwuno tongku i wawontolino ira merinonso.

ROMA 11:16

Tewala mempori roti amba-ambano, asalakono luwuno anu sinalo mempori koa mbo'u, ka tewala mempori haka, asalakono luwuno sampano mempori koa mbo'u.

ROMA 11:28

Mongkona Lele Mawongkoa dome'ewai Ira Ue Ala hangano omiu, sine mongkona pobiniki ondae pinehohawa-Do Ue Ala hangano uempu'u.

1 KORINTI 14:20

Pepaekompo luwu-luwu, si mpompewowolo mengkena kana nana'ote. A mosa'oa imegagimo nana-ote, sine pinewowolomiu kana mia sompoomo tinuwuno!

1 KORINTI 7:14

Hangano tama anu nahi pompe'ala-ala atuu pinokomempori hangano kombiano ka kombiano anu nahi pompe'ala-ala atuu pinokomempori hangano tamano. Tewala komba kanandio, manasa luwuno anamiu onaemo ana mokoburu, sine kanandio-andio ondae onaemo nana'ote mempori.

EPESU 4:26

Tewala gagi komiu ntekuda, si mpoweweu hala: si mentekuda hawe ka isumoo oleo

Winali 4:37

Hangano Dopehohawa ira uempu'umiu ka Dobinikio inuledo, saru roso-Do anu langkai Ondae-Do wawa komiu mpeluarako inso i wita Masiri.

2 TIMOTIU 1:5

Hangano kupasi mpewowoloo pompe'ala-alamu anu komba mo'onde-onde, onaemo pompe'ala-ala anu amba-ambano tuwu i larodo uemu beine i Loisi ka ndi inemu i Eunike ka anu kupe'ala-alao tuwu koa mbo'u i laro ngkoroimu.

2 TIMOTIU 3:15

Pewowolo koa mbo'u nine inso kodei uto'oriomo Wunta Mempori anu mokompoweeakomu ponto'ori mentee katumaateko a ntekaduduia hangano pompe'ala-ala ndi Ondae i Kerisituu Yesu.

Yosua 8:35

Nahina maupo te'asa mpali pau, anu iparentaakono i Musa nahi basao i Yosua ndi ondae to Isaraeli, ia beine ka nana'ote ka luwudo anu hawe.

1 PETURU 2:2

Ka imegagimo kana nana'ote kodei anu da iaopo ihina, anu wela mosisiriakono uwoi uo ntu'u ka anu rohani, ka inte'iliako onae ka ntekadudui,

MENGKAAA 14:5

Ka a laro ngangado nahina pegaupi; nahina tataado.

1 Samueli 1:11

Ka i'amba montanga kanandio, ”Omiu Ue luwuakoano, tewala ipehohawa aku, Ikitaomo masusano aroaku, tetenaa-Miu andio, Irambe aku kasi kolupe aku, tetenaa-Miu, tewala ipowee akumo asa ana ntama, aku meweengakono asa ntinuwuno ndi Omiu Ue. Piso pekeru nahi ta dumanggio uluno.”

1 Samueli 1:22

Sine i Hana nahi petonda, ka ipotaeakono, tamano, ”Ambapo tewala tetoeomo mo'uo nana'ote atuu, ka ku'amba lumako wawao. Onae ta me'aro ndi Ondae i Ue ka ta mo'ia mpiha i ra'ai asa ntinuwuno.”